newssting
BITING NEWS :
*అక్రమ వలసదారులను పంపిస్తాం: హోం మంత్రి అమిత్ షా *నేడు, రేపు తెలంగాణ శాసనసభ.. రేపు మండలి సమావేశాలు *మున్సిపల్‌ చట్టాల బిల్లును ప్రవేశపెట్టనున్న ప్రభుత్వం *22న నింగిలోకి.. చంద్రయాన్‌–2 *కర్నాటకలో ఇవాళ కుమారస్వామి ప్రభుత్వ విశ్వాసపరీక్ష * కుల్ భూషణ్ కి రిలీఫ్.. పాక్ విధించిన మరణశిక్షను రద్దుచేసిన అంతర్జాతీయ న్యాయస్థానం * కర్నాటక అసెంబ్లీకి వెళ్లే ప్రసక్తే లేదు: రెబల్స్‌ *తిరుమలలో ఎల్1, ఎల్ 2, ఎల్ 3 దర్శనాలు రద్దు *ముంబయి పేలుళ్ల సూత్రధారి సయీద్‌ అరెస్టు

చంద్రబాబుకి చింతమనేని గుదిబండ కానున్నారా?

24-02-201924-02-2019 06:12:13 IST
2019-02-24T00:42:13.858Z23-02-2019 2019-02-23T16:17:23.118Z - - 18-07-2019

చంద్రబాబుకి చింతమనేని గుదిబండ కానున్నారా?
facebooktwitterGooglewhatsappwhatsappGoogle

దెందులూరు ఎమ్మెల్యే చింతమనేని ప్రభాకర్ వివాదాలు సృష్టించకపోతే ఆశ్ఛర్యపోవాలి. నియోజకవర్గంలో అందరితోనూ దురుసుగా దూకుడుగా ఉండడం ఆయనకు అలవాటు. అలాగే ఆ నియోజకవర్గ ప్రజలకు కూడా ఆయన మాటతీరూ, వ్యవహార శైలీ ఇంచుమించు అలవాటుఅయిపోయాయి.

ప్రభుత్వ ఉద్యోగుల మీద నోరేసుకుని పడడం, పోలీసులమీద తిట్ల దండకాన్ని ఎత్తుకోవడం, చిన్నచితకా కార్యకర్తలమీద చెయ్యచేసుకోవడం చింతమనేనికి అలవాటే. నియోజకవర్గంలో జనం కూడా ప్రభాకర్ నుంచి మరోరకమైన ప్రవర్తనను ఆశించేవారు కాదు. 

మనిషి దురుసుగా ఉన్నా చెడ్డవాడు కాదులే అని సరిపెట్టుకుంటూ వస్తున్నారు. గత టెర్మ్ లో ఎమ్మెల్యేగా ఉన్నప్పుడు కూడా ఇదే తీరు ఆయనది. అయినా మొన్న 2014 ఎన్నికల్లో దెందుకూరు నుంచి మళ్ళీ గెలవగలిగాడు.

అయితే దళితుల్ని కులం పేరుతో ‘మీకు రాజకీయాలెందుకు రా’ అన్నారన్న వార్త, ఆ తాజా సంఘటన మాత్రం ఇన్నాళ్ళూ సరిపెట్టుకున్నవాళ్ళకు కూడా మింగుడు పడ్డం లేదు. కులం పేరెత్తి ఇటీవల ఆయన చేసిన ప్రసంగం సోషల్ మీడియా లో వైరల్ అయ్యింది. చంద్రబాబు ప్రభుత్వం తిరిగి రావాలనుకున్నవారు ఈ సంఘటన ప్రభావం కేవలం దెందులూరుమీదే కాకుండా రాష్ట్రం మొత్తం మీద ఎలా ఉంటుందోనని ఆందోళన చెందుతున్నారు. 

నియోజకవర్గానికి మాత్రమే చింతమనేని దుడుకు ప్రవర్తన ప్రభావం పరిమితంకాదని వారి భయం. అసలే దళితులు తెలుగుదేశం పట్ల అంత అనుకూలంగా ఉండరు. ఇపుడు ఈ తాజా ఘటనతో తెలుగుదేశం పార్టీ మరింత నష్టపోవచ్చని జిల్లా ‘దేశం’ వర్గాలు గుబులుగా ఉన్నాయి. 

గతంలో ఒక మహిళా ప్రభుత్వ ఉద్యోగిని పై దూకుడుగా ప్రవర్తించినప్పుడు ముఖ్యమంత్రి చంద్రబాబు కలుగచేసుకుని అది రాధ్ధాంతం కాకుండా చూసారు. ఎన్జీవో నాయకులు కూడా ఆరోజు సీఎం కు సహకరించారు. ఇక స్థానికంగా ఏవైనా గొడవలు జరిగినా అవి అక్కడికక్కడే సర్దుమణిగేవి. కాని ఇప్పటి విషయం కొంచం క్లిష్టమైనది. దళితులతో ముడిపడి ఉంది. సరిగ్గా ఎన్నికలకు ముందు జరిగింది. సర్దుకోవడానికి కూడా ఎక్కువ సమయం లేదు.

అసలు ముందునుంచే చంద్రబాబు చింతమనేనిని మందలించి అదుపుచేసి ఉన్నట్టయితే ఈ విషయం జరిగి ఉండేది కాదని, ఎమ్మెల్యే తన తీరు ఎప్పుడో మార్చుకుని ఉండేవారనీ స్థానికులు అనుకుంటున్నారు. 

ఈ పరిస్థితుల్లో చింతమనేని తెలుగుదేశానికి భారంగా మారనున్నాడా అని పశ్చిమగోదావరి జిల్లాలో జోరుగానే చర్చ జరుగుతోంది. 2014 ఎన్నికల్లో పదిహేనుకు పదిహేను స్థానాలు ఇచ్చిన పశ్చిమ గోదవరి జిల్లా లో ఇప్పుడు తెలుగుదేశానికి పెద్ద గండే పడుతుందన్న మాట వినపడుతోంది. అదే నిజమయితే ఆ గండి మొట్ట మొదట పడేది దెందులూరులోనే అని  తెదేపా వర్గాలు తలపట్టుకుంటున్నాయి.   

 


Sharat Bhamidi


With 5 years of experience in Digital Media, Sharat Bhamdi specialises in creating content for webistes, developing ad campaigns and social media campaigns. At NewsSting, he handles the video division where he brings in content through feature videos and interviews.
 sharat@rightfolio.co.in
      040 23600300

newsting
Daily Updates
facebooktwitterGooglewhatsappwhatsappGoogle