newssting
BITING NEWS :
*అక్రమ వలసదారులను పంపిస్తాం: హోం మంత్రి అమిత్ షా *నేడు, రేపు తెలంగాణ శాసనసభ.. రేపు మండలి సమావేశాలు *మున్సిపల్‌ చట్టాల బిల్లును ప్రవేశపెట్టనున్న ప్రభుత్వం *22న నింగిలోకి.. చంద్రయాన్‌–2 *కర్నాటకలో ఇవాళ కుమారస్వామి ప్రభుత్వ విశ్వాసపరీక్ష * కుల్ భూషణ్ కి రిలీఫ్.. పాక్ విధించిన మరణశిక్షను రద్దుచేసిన అంతర్జాతీయ న్యాయస్థానం * కర్నాటక అసెంబ్లీకి వెళ్లే ప్రసక్తే లేదు: రెబల్స్‌ *తిరుమలలో ఎల్1, ఎల్ 2, ఎల్ 3 దర్శనాలు రద్దు *ముంబయి పేలుళ్ల సూత్రధారి సయీద్‌ అరెస్టు

చంద్రగిరి కోటకు రాజెవరు..?

22-03-201922-03-2019 07:53:56 IST
2019-03-22T02:23:56.532Z22-03-2019 2019-03-22T02:23:47.262Z - - 18-07-2019

చంద్రగిరి కోటకు రాజెవరు..?
facebooktwitterGooglewhatsappwhatsappGoogle
ఆంధ్రప్రదేశ్ అసెంబ్లీ ఎన్నికల్లో హాట్ సీట్లలో ఒకటి చిత్తూరు జిల్లా చంద్రగిరి నియోజకవర్గం. ముఖ్యమంత్రి నారా చంద్రబాబునాయుడు సొంతూరు నారావారిపల్లి ఈ నియోజకవర్గంలోనే ఉండటం, ఆయన ఇక్కడి నుంచే రాజకీయ ప్రస్థానాన్ని ప్రారంభించడంతో ఈ నియోజకవర్గం తెలుగుదేశం పార్టీతో పాటు వైఎస్సార్ కాంగ్రెస్ పార్టీకి ప్రతిష్ఠాత్మకంగా మారింది. రెండు పార్టీలూ ఇక్కడ విజయం సాధించాలని సర్వశక్తులూ ఒడ్డుతున్నాయి.

2014 ఎన్నికల్లో చంద్రగిరి నుంచి వైఎస్సార్ కాంగ్రెస్ పార్టీ అభ్యర్థి చెవిరెడ్డి భాస్కర్ రెడ్డి విజయం సాధించారు. మాజీ మంత్రి, నాలుగుసార్లు ఇక్కడ ఎమ్మెల్యేగా పనిచేసిన గల్లా అరుణకుమారిపైన ఆయన 4,518 ఓట్ల మెజారిటీతో విజయం సాధించారు. జెడ్పీటీసీ సభ్యుడిగా రాజకీయ ప్రస్థానాన్ని మొదలుపెట్టిన చెవిరెడ్డి వైఎస్ అండదండలతో రాజకీయంగా ఎదిగారు.

వైఎస్ జగన్ కు బలమైన మద్దతుదారుగా ఉన్న చెవిరెడ్డి మరోసారి ఇక్కడ విజయం సాధించి పట్టు నిలుపుకోవాలని భావిస్తున్నారు. గత ఏడాది వరకు నియోజకవర్గ టీడీపీ ఇంఛార్జిగా ఉన్న గల్లా అరుణకుమారి ఎన్నికల్లో పోటీ చేయనని చెప్పడంతో జిల్లా టీడీపీ అధ్యక్షుడిగా ఉన్న పులివర్తి నానికి చంద్రగిరి బాధ్యతలు అప్పగించారు చంద్రబాబు. ఓ వైపు చెవిరెడ్డి, మరోవైపు పులివర్తి నిత్యం ప్రజల్లో ఉండేందుకు ప్రయత్నించారు.

ప్రభుత్వ పథకాలను పులివర్తి ప్రజల్లోకి తీసుకెళ్లేలా కార్యక్రమాలు నిర్వహించగా, తన స్వంత నిధులతో సేవా కార్యక్రమాలు చేస్తూ, జగన్ ప్రకటించిన నవరత్నాలు ప్రజల్లోకి తీసుకెళ్లేలా చెవిరెడ్డి ఆరు నెలలుగా నిత్యం ఏవో కార్యక్రమాలు చేస్తూనే ఉన్నారు. ఇద్దరు నేతలు ఇప్పటికే స్వంతంగా ప్రజలకు కానుకలు ఇవ్వడం వంటివి చేయడంతో ఎన్నికల నోటిఫికేషన్ రాకముందే ఇద్దరూ కోట్లు కుమ్మరించేశారు. ఇద్దరు నేతల మధ్య విమర్శలు, ప్రతివిమర్శలతో కొనసాగుతున్నాయి. ఇవి కేసులు పెట్టుకునే స్థాయి వరకు వెళ్లాయి. ఇక, పులివర్తి నాని తనను హత్య చేయించేందుకు ప్రయత్నించారని చెవిరెడ్డి ఆరోపణలు సైతం చేశారు.

గెలుపే లక్ష్యంగా ఇద్దరు అభ్యర్థులు ఎంత దూరమైనా వెళ్లడానికి సిద్ధమయ్యారు. డబ్బు ప్రభావం కూడా ఎక్కువగా ఉందనే అంచనాలు ఉన్నాయి. ప్రభుత్వ పథకాలు, చంద్రబాబు స్వంత నియోజకవర్గం కావడం, గల్లా అరుణ పూర్తిగా మద్దతు ఇస్తుండటం, నిత్యం ప్రజల్లో ఉండటం పులివర్తి నాని బలాలుగా కనిపిస్తున్నాయి. స్వంత నిధులతో సేవా కార్యక్రమాలు చేపట్టడం, నియోజకవర్గంలో వైసీపీతో పాటు తనకూ పట్టుండటం చెవిరెడ్డికి కలిసిరావచ్చు. అయితే, వివాదాస్పదుడు అని. ఎక్కువ వ్యాపారాలకే పరిమితం అవుతారనే పేరుండటంతో ఆయనకు మైనస్ పాయింట్లుగా కనిపిస్తున్నాయి. మొత్తానికి చంద్రగిరిలో ఈసారి ద్విముఖ పోటీ ఉండనుంది.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle