newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

గోదారెటు.. బాబు అంతర్మథనం

17-04-201917-04-2019 08:21:36 IST
2019-04-17T02:51:36.354Z17-04-2019 2019-04-17T02:51:05.958Z - - 22-07-2019

గోదారెటు.. బాబు అంతర్మథనం
facebooktwitterGooglewhatsappwhatsappGoogle
ఏపీ ఎన్నికల్లో రెండుజిల్లాలే కీలకం. గోదావరి జిల్లాల ఓటర్లు ఎవరికి పట్టం కడితే వారే రాష్ట్ర ప్రభుత్వ పగ్గాలు చేపడతారు. ఇది చాలాకాలంగా ఆనవాయితీగా వస్తోంది. 2014 ఎన్నిక‌ల్లో చంద్రబాబుకు బ్రహ్మర‌థం ప‌ట్టిన గోదావ‌రి జిల్లాల ప్రజ‌లు, ఈ ఎన్నిక‌ల్లో మ‌న‌సు మార్చుకున్నార‌ట‌. అది కూడా గ‌తంలో ప‌వ‌న్ క‌ల్యాణ్ మాట‌తో టీడీపీకి ఓటేసిన కాపు సామాజిక వ‌ర్గం, ఈసారి ఫ్యాను గుర్తు మీద ఓటేసిన‌ట్లు ప్రచారం జ‌రుగుతోంది. గ‌త ఎన్నిక‌ల్లో తూర్పు గోదావ‌రి జిల్లాలోని 19 సీట్లలో వైసీపీ కేవ‌లం 5 సీట్లే గెల్చుకుంది.

అలాగే ప‌శ్చిమ గోదావ‌రి జిల్లాలోని 15 సీట్లలో టీడీపీ-బీజేపీ క్లీన్ స్వీప్ చేసి వైసీపీని వెక్కిరించింది. ఇదంతా టీడీపీ బ‌లం, మోడీ హ‌వా, ప‌వ‌న్ మ‌ద్దతు ఉండ‌టం వ‌ల్లే జ‌రిగింది. కానీ ఇప్పుడు జ‌న‌సేన ఒంట‌రిగా పోటీలో ఉండ‌టంతో, తెలుగుదేశం పార్టీకి చిక్కులు వ‌చ్చాయ‌ట‌. ప‌వ‌న్ పార్టీకి రెండు గోదావ‌రి జిల్లాల్లోని ప్రతి నియోజ‌క‌వ‌ర్గంలో క‌నీసం 20 వేల ఓట్ బ్యాంక్ ఉంది. గ‌తంలో ఇవ‌న్నీ టీడీపీ ఖాతాలోకి వెళ్లాయి. కానీ ఈసారి ఆ ఓట్లు లెక్క ప్రకారం జ‌న‌సేన‌కు ప‌డాలి. 

కానీ ప్రచారం చివ‌రి అంకంలో చంద్రబాబు, ప‌వ‌న్ మ‌ధ్య అంత‌ర్గత పొత్తు ఉంద‌ని జ‌నానికి అనుమానం వ‌చ్చింద‌ట‌. కొన్నిచోట్ల అభ్యర్దుల ఎంపిక కూడా ఈ అనుమానాల‌కు ఊతం ఇచ్చిన‌ట్లు అయింది. దీంతో ప‌వ‌న్ పార్టీకి ఓటేస్తే, చంద్రబాబుకు వేసిన‌ట్లే అన్న భ‌యం కాపు సామాజిక వ‌ర్గానికి వ‌చ్చింద‌ట‌. అందుకే వారు త‌మ‌కు బ‌లంగా ఉన్న చోట జ‌న‌సేన‌కు, బ‌లం అంత‌గా లేని చోట వైసీపీకి ఓటు వేసిన‌ట్లు ఇప్పుడు గోదావ‌రి జిల్లాల్లో ప్రచారం జ‌రుగుతోంది. 

ఈ లెక్కలు నిజ‌మ‌ని తేలితే ఈసారి చంద్రబాబుకు సీట్లు త‌గ్గడం, జ‌గ‌న్ పార్టీకి సీట్లు అమాంతం పెర‌గ‌డం ఖాయ‌మ‌ని రాజ‌కీయ పండితులు చెబుతున్న మాట‌. పరిశీలకుల అంచనా ప్రకారం రెండు గోదావరి జిల్లాల్లో కలిపి వైసీపీ 10-14  సీట్ల వరకూ రావచ్చని అంటున్నారు. అదే జరిగితే టీడీపీకీ ఇబ్బందులు తప్పవంటున్నారు. 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle