newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

‘గో’దారెటు.. తూర్పుగోదావరి టీడీపీ నేతల క్యూ

15-09-201915-09-2019 08:59:22 IST
2019-09-15T03:29:22.956Z15-09-2019 2019-09-15T03:29:05.949Z - - 15-12-2019

‘గో’దారెటు.. తూర్పుగోదావరి టీడీపీ నేతల క్యూ
facebooktwitterGooglewhatsappwhatsappGoogle
తెలుగుదేశం పార్టీకి ఆవిర్భావం నుంచీ బలంగా ఉన్నది గోదావరి జిల్లాలు అని చెప్పడానికి సందేహించాల్సిన అవసరం లేదు. ఉభయ గోదావరి జిల్లాలతో పాటు అనంతపురం, ఉత్తరాంధ్ర జిల్లాలలో కూడా తెలుగుదేశం పార్టీకి బలమైన పునాదులు ఉన్నాయి. అయితే 2019 ఎన్నికల అనంతరం తెలుగుదేశం పునాదులు ఆయా జిల్లాల్లో కదలిపోతున్నాయా అనిపించేలా ఆ పార్టీ నుంచి వలసలు కొనసాగుతున్నాయి.

ముఖ్యంగా గోదావరి జిల్లాలలో పార్టీకి వరుసగా ఎదురు దెబ్బలు తగులుతున్నాయి. ఈ జిల్లాలకు చెందిన బలమైన నేతలు పార్టీని వీడే విషయంలో క్యూకడుతున్నారు. ముఖ్యంగా జిల్లాలో బలమైన సామాజిక వర్గమైన కాపు వర్గానికి చెందిన వారు ఒకరి వెంట ఒకరుగా పార్టీని వీడుతుండటంతో గోదావరి జిల్లాలలో తెలుగుదేశం ఇప్పటిలో కోలుకోగలుగుతుందా అన్న అనుమానాలు వ్యక్త మౌతున్నాయి.

ఒకరి వెంటగా ఒకరు గోదావరి జిల్లాల నుంచి పార్టీని వీడుతున్నారు. తాజాగా తోట త్రిమూర్తులు వైకాపా తీర్ధం పుచ్చుకున్నారు. అంతకు ముందే అంటే ఎన్నికలకు ముందే టిడీఎల్పీ ఉపనాయకుడిగా వ్యవహరించిన తోట నరసింహం పార్టీ మారారు. 

గోదావరి జిల్లాలలో తెలుగుదేశం నుంచి వలసలు అధికంగా ఉండడానికి కారణం కాపు రిజర్వేషన్ల అంశంలో అధికార పార్టీ తీరును కాపు ఉద్యమ నేత ముద్రగడ పద్మనాభం వ్యతిరేకించడం. అలాగే కాపు రిజర్వేషన్ల ఉద్యమం సందర్భంగా జరిగిన అల్లర్ల కేసులలో పలువురు యువకులు ఉండటం కారణమని భావిస్తున్నారు.

ఇంత కాలంగా ఎక్కడ వేసిన గొంగళి అక్కడే అన్నట్లుగా ఉన్న కాపు రిజర్వేషన్ల అంశం 2014 ఎన్నికలలో తెలుగుదేశం విజయం సాధించి అధికారం చేపట్టిన తరువాతనే పట్టాలెక్కిందని చెప్పాలి.

న్యాయపరమైన చిక్కుల తలెత్తకుండా, బీసీల ఆగ్రహానికి గురి కాకుండా కాపులకు రిజర్వేష్లను కల్పించాలన్న ఉద్దేశంతో చంద్రబాబు తీసుకున్న జాగ్రత్తలు కాపు ఉద్యమ నేతలలో జాప్యం చేసే ఎత్తుగడలుగా అనిపించాయి.

అందుకే కాపు కార్పొరేషన్ ఏర్పాటు కేంద్రం పెంచిన ఓబీసీ రిజర్వేషన్లలో కాపులకు భాగం కల్పించడం వంటికి కాపు సామాజిక వర్గ నేతలను సంతృప్తి పరచలేకపోయాయని చెప్పాలి. కాపుల రిజర్వేషన్ అంశం కేంద్రం పరిధిలోది అని కుండబద్దలు కొట్టిన వైకాపా అధినేత జగన్ వ్యాఖ్యల పట్ల కాపు నేతలు ఆగ్రహం వ్యక్తం చేసినప్పటికీ మెజారిటీ కాపు సామాజిక వర్గం జగన్ నే విశ్వసించిందని 2019 ఎన్నికల ఫలితాల తేల్చేశాయి.

ఆ కారణంగానే కాపు సామాజిక వర్గ నేతలు ఒక్కరొక్కరుగా పార్టీని వీడుతున్నారని చెప్పాల్సి ఉంటుంది. ఉభయ గోదావరి జల్లాలలో కాపు సామాజిక వర్గం రాజకీయాలపై, పార్టీల గెలుపోటములపై ప్రభావం చేయగలిగిన స్థితిలో ఉంది. 

ఈ రెండు జిల్లాలలోనూ ఆ వర్గానికి చెందిన వారి సంఖ్యా బలం కూడా అధికం. అందుకే రాజకీయ పార్టీలు ఆ సమాజిక వర్గ ప్రయోజనాల విషయంలో జాగ్రత్తగా వ్యవహరిస్తారు. ఈ నేపథ్యంలోనే ఇంత కాలం బలమైన అండగా నిలిచిన వర్గం తెలుగుదేశంకు దూరమౌతుండటంతో  పార్టీలో ఆందోళన వ్యక్తమౌతున్నది. 

తెలుగుదేశం పార్టీని వీడే నేతలకు బీజేపీ, వైకాపా మధ్య ఛాయిస్ ఉంది. కాపు సామాజిక వర్గం అండ ఎంత ముఖ్యమో తెలిసిన రెండు పార్టీలూ కూడా తెలుగుదేశం నుంచి వచ్చే వారికి రెడ్ కార్పెట్ పరుస్తున్నాయి. దీంతో ఇప్పటి వరకూ పార్టీ వీడే యోచన లేని వారు కూడా తమ ప్రయోజనాలు, సామాజిక వర్గ ప్రయోజనాల విషయంలో ఒక స్పష్టమైన హామీ ఇచ్చే పార్టీ వైపుకే మొగ్గు చూపుతున్నారు. 

తెలుగుదేశం నుంచి వీడాలనుకునే నేతలకు ‘గో’దారిలో రెండు దారులు కనిపిస్తున్నాయి. ఒకటి వైకాపా దారి, మరొకటి బీజేపీ దారి. తమ రాజకీయ ప్రయోజనాలు, తమ వర్గం ప్రయోజనాలు ఏ పార్టీలో సురక్షఇతంగా ఉంటాయన్నది బేరీజు వేసుకుని జెండా మార్చేందుకు ఛాయిస్ ఉండటంతో తెలుగుదేశం నుంచి వలసలు పెరుగుతున్నాయి.

నేతలు పార్టీ మారుతున్న కార్యకర్తలకు పార్టీ వైపే ఉంటారన్న ధీమా ఈ సారి  తెలుగుదేశం పార్టీలో అంతగా కనిపించడం లేదు. వలసలను నిలువరించి గోదావరి జిల్లాలలో పార్టీని పటిష్టంగా ఉంచేందుకు తెలుగుదేశం వద్ద వ్యూహాలు కరువయ్యాయాన్న అనుమానాలు పరిశీలకులు వ్యక్తం చేస్తున్నారు. మొత్తం మీద తెలుగుదేశం పార్టీకి అత్యంత బలమైన గోదావరి జిల్లాలలో ప్రస్తుతం పరిస్థితి అగమ్య గోచరంగా మారిందని చెప్పక తప్పదు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle