newssting
BITING NEWS :
*టిడిపి జాతీయ అధ్యక్షుడు నారా చంద్రబాబు నాయుడు నేడు విజయనగరం జిల్లాలో పర్యటన* క్యాంప్ కార్యాలయంలో సీఎం జగన్‌తో సినీ నిర్మాతల భేటి...హాజ‌రైన దగ్గుపాటి సురేష్, శ్యాంప్రసాద్ రెడ్డి, నల్లమలుపు బుజ్జి *నేడు 72వ రోజు రాజధాని ప్రాంత రైతుల ఆందోళన *వాళ కర్నూలులో సీఎం జగన్ పర్యటన...ఎమ్మెల్మే శ్రీదేవి కుమారుడి విహహానికి హాజరు కానున్న జగన్*నేడు రాష్ట్రపతి రామ్‌నాథ్‌ కోవింద్‌ను కలవనున్న కాంగ్రెస్ నేతలు..ఢిల్లీలో అల్లర్లపై రాష్ట్రపతికి ఫిర్యాదు *నేడు రాజధానికి సంబంధించిన పిటిషన్లపై హైకోర్టులో విచారణ..హైకోర్టులో వాదనలను వినిపించనున్న ప్రభుత్వ తరపు న్యాయవాది *ఇవాళ గుంటూరు జైలు నుంచి రాజధాని రైతుల విడుదల *రాజస్థాన్‌లో ఘోర రోడ్డు ప్రమాదం.. 24 మంది మృతి *మహిళల టీ-20 ప్రపంచకప్...నేడు భారత్ - న్యూజిలాండ్ మ్యాచ్

గవర్నర్ ముందు బీజేపీ ‘అమరావతి’ పంచాయితీ

12-09-201912-09-2019 08:27:48 IST
2019-09-12T02:57:48.266Z12-09-2019 2019-09-12T02:54:12.361Z - - 27-02-2020

గవర్నర్ ముందు బీజేపీ ‘అమరావతి’ పంచాయితీ
facebooktwitterGooglewhatsappwhatsappGoogle
ఏపీ రాజకీయాలపై ఫోకస్ పెట్టిన బీజేపీ ప్రతి అంశాన్ని తనకు అనుకూలంగా మలచుకుంటోంది. ఒకవైపు టీడీపీ మరోవైపు వైసీపీ ఛలో ఆత్మకూరుకి పిలుపునిస్తే.. బీజేపీ మాత్రం రాష్ట్రంలో పాలన సరిగా లేదని. రాజధాని అంశంపై గందరగోళం ఏర్పడిందని గవర్నర్ బిశ్వభూషణ్ హరిచందన్ ని కలిసి వినతిపత్రం అందించారు.

బీజేపీ నేతలు సుజనా చౌదరి, కామినేని శ్రీనివాస్, జమ్ముల శ్యామ్ కిషోర్ ఆధ్వర్యంలో అమరావతి రాజధాని రైతుల బృందం సభ్యులు గవర్నర్ తో భేటీ అయ్యారు. ఈసందర్భంగా బీజేపీ నేతలు రాజధాని పట్ల రైతులు తీవ్ర ఆందోళనలో ఉన్నారని గవర్నర్ దృ‌ష్టికి తెచ్చారు. 

జగన్‌ సర్కార్‌కు పరిపాలనపై దృష్టి లేదని, కేవలం ప్రతిపక్షాలపై దాడి చేయడంపైనే ఎక్కువ దృష్టి ఉందని కేంద్ర మాజీ మంత్రి, బీజేపీ ఎంపీ సుజనాచౌదరి విమర్శించారు. రాష్ట్రంలో శాంతిభద్రతలు గాడి తప్పాయన్నారు.

పాలనపై వైసీపీ నేతలు దృష్టి పెట్టాలని కోరారు.  పోలవరంపై కిరణ్‌కుమార్‌రెడ్డి తీవ్ర నిర్లక్ష్యం వహించారని చెప్పారు. ఇక టీడీపీ హయాంలో కాలయాపన జరగడం వల్ల ట్రాక్ తప్పిందని చెప్పుకొచ్చారు.

ఇప్పుడు వైసీపీ ప్రభుత్వం కూడా ఏకపక్ష ధోరణితో వెళ్తోందన్నారు. కేంద్రం హెచ్చరిస్తున్నా.. పట్టించుకోవడం లేదని ఆరోపించారు. ప్రభుత్వ తీరు ఇలాగే కొనసాగితే కేంద్రం కచ్చితంగా జోక్యం చేసుకుంటుందన్నారు. జమిలి ఎన్నికలపై తనకు సమాచారం లేదన్నారు. జమిలి ఎన్నికలపై మాట్లాడే స్థాయి మాజీ సీఎం చంద్రబాబుకు లేదన్నారు. ఆయన కేవలం ఎమ్మెల్యే మాత్రమేనన్నారు.

మంత్రి బొత్స ప్రకటనతో అమరావతి ప్రాంతంలో రైతులు, ప్రజలు అయోమయంలో ఉన్నారన్నారు. ముఖ్యమంత్రి ప్రకటన కోసం రైతులు ఎదురు చూస్తున్నారని ఈ అంశాలను గవర్నర్ దృష్టికి తీసుకువచ్చామన్నారు సుజనా చౌదరి.

పోలవరం ఆగిపోతే రాష్ట్రంలో వ్యవసాయం సంక్షోభంలో పడుతుంది. కృష్ణాలో నీటి లభ్యత తగ్గిన పరిస్థితుల్లో ఎపికి పోలవరమే దిక్కు. రివర్స్ టెండరింగ్ వద్దని పిపిఎ చేసిన సూచనను రాష్ట్రం బేఖాతరు చేస్తోంది. పోలవరం ఒక పంటకాలం ఆలస్యమైతే రైతులకు పది వేల కోట్ల నష్టం వస్తుందన్నారు ఎంపీ సుజనా చౌదరి. రాష్ట్ర విభజన అనంతరం రాజధాని అమరావతి కోసం సాగుభూములిచ్చిన రైతులకు న్యాయం చేయాలని,  రైతులు ఎదుర్కొంటున్న సమస్యలను, వారి ఆందోళనను గవర్నర్ దృష్టికి తీసుకొచ్చామన్నారు సుజనా చౌదరి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle