newssting
BITING NEWS :
*శాసన మండలిలో మళ్ళీ గందరగోళం...కొనసాగుతోన్న మూడు రాజధానుల రగడ..రూల్‌ 71పై చర్చకు అనుమతించిన మండలి ఛైర్మన్‌..అభ్యంతరం వ్యక్తం చేసి నినాదాలు చేస్తున్న వైసీపీ సభ్యులు *మండలి ఛైర్మన్ ఛైర్ వద్దకు వెళ్లిన పీడీఎఫ్, టీడీపీ ఎమ్మెల్సీలు..వాయిదా పడ్డాక మండలి ఛైర్మనుతో మంత్రుల భేటీ*ఐదోసారి శాసన మండలి వాయిదా..మండలి వద్ద భారీగా మార్షల్స్ మొహరింపు..మండలి ఛైర్మన్ వద్దకు వచ్చి ఆయనతో మాట్లాడిన బుద్దా వెంకన్న*ఎంపీ గల్లా జయదేవ్ కి బెయిల్ మంజూరు..బెయిల్ మంజూరు చేసిన మంగళగిరి సెషన్స్ కోర్టు..గుంటూరు సబ్ జైలు నుండి విడుదలైన ఎంపీ, పోలీసుల తీరు సరిగా లేదన్న గల్లా *ఫ్యాక్షన్ తరహా పాలన చేయాలని వైసీపీ చూస్తోంది.. వైసీపీ నిర్ణయాలు వాళ్ల వినాశనం కోసమే.. ఇకపై ఏపీలో వైసీపీకి అధికారం అనేదే ఉండదు..వైసీపీ ప్రభుత్వాన్ని కూల్చేవరకు నిద్రపోను-పవన్ కల్యాణ్‌*నాకు రాజకీయాలను ఆపాదించవద్దు... నిబంధనల ప్రకారమే వ్యవహరిస్తున్నాను-మండలి ఛైర్మన్ షరీఫ్*నిర్ణయాన్ని మార్చుకున్న వైసీపీ సర్కార్... విజయవాడలోనే రిపబ్లిక్ డే*అమరావతి: ఎస్సీ కమిషన్ బిల్లుపై చర్చలో గందరగోళం.. చర్చకు అడ్డుతగిలిన టీడీపీ సభ్యులు... జై అమరావతి అంటూ టీడీపీ సభ్యుల నినాదాలు.. టీడీపీ సభ్యులపై తీవ్ర ఆగ్రహం.. సభ నుంచి వెళ్లిపోయిన స్పీకర్ *వికేంద్రీకరణ, సీఆర్డీఏ రద్దు బిల్లుకు ఏపీ శాసనసభ ఆమోదం.. ఏపీకి ఇక నుంచి మూడు రాజధానులు.. విశాఖ ఎగ్జిక్యూటివ్ క్యాపిటల్, అమరావతి లేజిస్లేటివ్ క్యాపిటల్, కర్నూలులో జ్యూడీషియల్ క్యాపిటల్‌కు సభ ఆమోదం

క‌మ్యూనిస్టుల్లోనూ రాజ‌ధాని చిచ్చు

14-01-202014-01-2020 07:51:51 IST
Updated On 14-01-2020 12:03:43 ISTUpdated On 14-01-20202020-01-14T02:21:51.109Z14-01-2020 2020-01-14T02:21:41.888Z - 2020-01-14T06:33:43.677Z - 14-01-2020

క‌మ్యూనిస్టుల్లోనూ రాజ‌ధాని చిచ్చు
facebooktwitterGooglewhatsappwhatsappGoogle
ఆంధ్ర‌ప్ర‌దేశ్ రాజ‌ధాని వ్య‌వ‌హారం ఇప్పుడు క‌మ్యూనిస్టు పార్టీల్లోనూ చిచ్చు పెట్టింది. రాజ‌ధానిపై త‌లో బాట అన్న‌ట్లుగా క‌మ్యూనిస్టు నేత‌లు సాగుతున్నారు. ముఖ్యంగా సీపీఐ పార్టీలో అమ‌రావ‌తి అంశం ర‌గ‌డ రేపుతోంది. ఓ వైపు సీపీఐ రాష్ట్ర కార్య‌ద‌ర్శి రామ‌కృష్ణ అమ‌రావ‌తిని కాపాడుకోవాలి అంటూ ప్ర‌తిప‌క్ష నేత చంద్ర‌బాబు నాయుడుతో క‌లిసి పోరాడుతున్నారు. మ‌రోవైపు ఆయ‌న వైఖ‌రికి, పార్టీ రాష్ట్ర క‌మిటీ నిర్ణ‌యానికి వ్య‌తిరేకంగా సీపీఐ క‌ర్నూలు శాఖ తీర్మానం చేసింది.

ఆంధ్ర‌ప్ర‌దేశ్‌లో నామ‌మాత్రంగా మిగిలిపోయిన సీపీఐ, సీపీఎం పార్టీలు ఉనికి చాటుకునేందుకు తీవ్రంగా ప్ర‌య‌త్నిస్తున్నాయి. త‌మ‌కంటే పెద్ద‌దైన ఏదో ఒక పార్టీతో క‌లిసి ప‌ని చేసేందుకు ఆ రెండు పార్టీలూ ఉవ్విళ్లూరుతుంటాయి. గ‌త ఎన్నిక‌ల్లో జ‌న‌సేన పార్టీతో క‌లిసి నడిచిన క‌మ్యూనిస్టులు ఇప్పుడు ప‌వ‌న్ క‌ళ్యాణ్‌కు దూర‌మయ్యారు.

సీపీఐ ఇప్పుడు చంద్ర‌బాబు నాయుడుతో క‌లిసి న‌డుస్తోంది. ముఖ్యంగా ఆ పార్టీ రాష్ట్ర కార్య‌ద‌ర్శి రామ‌కృష్ణ అయితే అమ‌రావ‌తిని కాపాడుకునేందుకు చంద్ర‌బాబు అడుగులో అడుగేస్తున్నారు.

రాజ‌ధాని విష‌యంలో సీపీఐ, సీపీఎం ఒకేర‌కమైన వైఖ‌రితో ఉన్నాయి. అభివృద్ధి వికేంద్రీక‌ర‌ణ‌ను వ్య‌తిరేకించ‌డం లేదు కానీ, అమ‌రావ‌తిలోనే రాజ‌ధానిని కొన‌సాగించాల‌ని డిమాండ్ చేస్తున్నాయి.

ఈ విష‌యంలో సీపీఎం పెద్ద‌గా స్పందించ‌డం లేదు. కేవ‌లం అమ‌రావ‌తి రైతుల‌కు మ‌ద్ద‌తు ఇచ్చింది కానీ అమ‌రావ‌తిలో మాత్ర‌మే రాజ‌ధాని ఉండాల‌ని ఎటువంటి ఆందోళ‌న‌లు చేప‌ట్ట‌డం లేదు. సీపీఐ మాత్రం ఈ విష‌యంలో చాలా దూకుడుగా వెళుతోంది. తెలుగుదేశం పార్టీ చేప‌డుతున్న అన్ని ఆందోళ‌ణ‌ల్లోనూ సీపీఐ రాష్ట్ర కార్య‌ద‌ర్శి రామకృష్ణ పాల్గొంటున్నారు.

ఇప్పుడు ఇదే ఆ పార్టీలో ఇచ్చు రేపింది. త‌మ పార్టీ కార్య‌ద‌ర్శి చంద్ర‌బాబుతో క‌లిసి అమ‌రావ‌తిలో మాత్ర‌మే రాజ‌ధాని ఉండాల‌ని పోరాడుతుంటే క‌ర్నూలు జిల్లా సీపీఐ శాఖ మాత్రం రామ‌కృష్ణ వైఖ‌రికి భిన్నంగా వ్య‌వ‌హ‌రిస్తోంది.

అధికార వికేంద్రీక‌ర‌ణ‌, క‌ర్నూలులో హైకోర్టును స్వాగ‌తిస్తూ క‌ర్నూలు సీపీఐ తీర్మానం చేసింది. అంతేకాదు, రాయ‌ల‌సీమ, ఉత్త‌రాంధ్ర‌లోనూ అసెంబ్లీ స‌మావేశాలు పెట్టాల‌ని కోరింది. చంద్ర‌బాబు వ‌ల్లే రాజ‌ధాని స‌మ‌స్య వ‌చ్చింద‌ని ఆరోపించింది. అమ‌రావ‌తిని తాత్కాలిక రాజ‌ధానిగా చంద్ర‌బాబే మార్చార‌ని ఆరోపించింది.

అయితే, త‌మ పార్టీలో రెండు అభిప్రాయాలు లేవ‌ని రామ‌కృష్ణ అంటున్నారు. హైకోర్టు క‌ర్నూలులో పెట్ట‌డాన్ని తాను కూడా స్వాగ‌తిస్తున్నట్లు చెబుతున్నారు. అయితే, రాజ‌ధాని మాత్ర‌మే అమ‌రావ‌తిలోనే ఉండాలంటున్నారు.

కానీ, ఆయ‌న క‌లిసి ఉద్య‌మిస్తున్న చంద్ర‌బాబు నాయుడు, అమ‌రావ‌తి రైతులు మాత్రం హైకోర్టు స‌హా రాజ‌ధాని అంతా అమ‌రావ‌తిలోనే ఉండాల‌ని గ‌ట్టిగా డిమాండ్ చేస్తున్నారు. ఇదంతా సీపీఐలో ఒక గంద‌ర‌గోళంలా మారింది. క‌ర్నూలు జిల్లా శాఖ‌నే కాకుండా మిగ‌తా రాయ‌ల‌సీమ‌, ఉత్త‌రాంధ్ర జిల్లాల సీపీఐ నేత‌లు కూడా రామ‌కృష్ణ వైఖ‌రిపై అసంతృప్తిగా ఉన్న‌ట్లు తెలుస్తోంది.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle