newssting
BITING NEWS :
*దిశ కేసులో నలుగురు నిందితులను షాద్ నగర్ లో ఎన్ కౌంటర్ చేసిన పోలీసులు*దిశ కేసులో నిందితుల ఎన్‌కౌంటర్‌పై స్పందించిన జాతీయ మానవ హక్కుల కమిషన్ *దిశ ఘటన హెచ్చరిస్తోంది - పవన్ కళ్యాణ్ * నర పీడితులకు సరైన శిక్ష పడింది - మాజీ సీఎం శివరాజ్ సింగ్ చౌహన్ *దేశంలో ఒక భయంకరమైన సంఘటన జరిగింది, మీరు నిందితులను చంపకూడదు- ఎంపీ మేనకాగాంధీ * దిశకు తగిన న్యాయం జరిగింది - అక్కినేని నాగార్జున, జూనియర్ ఎన్టీఆర్, మంచు మనోజ్, నాని, పూరీజగన్నాధ్ * రూ.150కి చేరిన కిలో ఉల్లి ధర.. ఉల్లి కొనలేక ఇబ్బంది పడుతున్న ప్రజలు *దిశ ఘటన తర్వాత దేశం మొత్తం ఆగ్రహంతో ఉంది - కేజ్రీవాల్*కేంద్రీయ సైనిక్ బోర్డుకు కోటి రూపాయలు విరాళంగా ప్రకటించిన జనసేన అధినేత పవన్ కల్యాణ్*రేపిస్టులపై రాష్ట్రపతి కీలక వ్యాఖ్యలు.. రేపిస్టులపై దయ అవసరంలేదు.. నిందితులు క్షమాభిక్ష పిటిషన్ పెట్టుకునే అవకాశమే ఉండకూడదన్న రాష్ట్రపతి *నిందితుల హత్యకేసుపై దిశ తల్లిదండ్రుల స్పందన.. మా బిడ్డకు తగిన న్యాయం జరిగిందని వ్యాఖ్య

క‌డ‌ప గ‌డ‌ప‌లో తొలి విజ‌యం దిశ‌గా బీజేపీ..!

29-09-201929-09-2019 16:49:20 IST
Updated On 30-09-2019 14:54:26 ISTUpdated On 30-09-20192019-09-29T11:19:20.068Z29-09-2019 2019-09-29T11:05:41.399Z - 2019-09-30T09:24:26.545Z - 30-09-2019

క‌డ‌ప గ‌డ‌ప‌లో తొలి విజ‌యం దిశ‌గా బీజేపీ..!
facebooktwitterGooglewhatsappwhatsappGoogle
ఇటీవ‌ల కాలంలో ఆంధ్ర‌ప్ర‌దేశ్ కేంద్రంగా బీజేపీ నేత‌ల హ‌డ‌రావుడి పెరిగింది. కేంద్ర‌, రాష్ట్ర స్థాయి నేత‌ల ప‌ర్య‌ట‌న‌లు అందుకు అద్దం ప‌డుతున్నాయి. మీడియా స‌మావేశాలు పెడుతూ పార్టీ విధి విధానాల‌ను పూర్తి స్థాయిలో ప్ర‌జ‌ల్లోకి తీసుకెళ్లేందుకు త‌మ‌వంతుగా ప్ర‌య‌త్నాల‌ను ముమ్మ‌రం చేస్తున్నారు. అందులోను ఈ మ‌ధ్య‌కాలంలో బీజేపీ స‌మావేశాలూ పెరిగాయి. ప్ర‌తి స‌మావేశానికి బీజేపీ కేంద్ర నేత‌ల‌తోపాటు రాష్ట్ర నేత‌లు ముఖ్యంగా క‌డ‌ప‌కు రాక‌పోక‌ల‌ను కొన‌సాగిస్తూవ‌స్తున్నారు.

రాయ‌ల‌సీమ న‌డిబొడ్డున ఉన్న క‌డ‌ప కేంద్రంగా బీజేపీ చేస్తున్న హ‌డావుడి ఇప్పుడు అంద‌రిలోను ఎన్నో సందేహాలు రేకెత్తించేలా ఉంది. గ‌తంలో వైసీపీతో బీజేపీ సంబంధాలు నెరుపుతుందంటూ వ‌చ్చిన విమ‌ర్శ‌లు ఇప్పుడు ప‌టాపంచ‌లైపోయాయా..?  టీడీపీ, బీజేపీల స్నేహం మ‌ళ్లీ చిగురించిందా..? అంటూ కొంద‌రు రాజ‌కీయ ప‌రిశీల‌కులు ఆరా తీయ‌డం చేస్తున్నారు.

కేంద్రం ఇచ్చిన ఆదేశాల‌ను కూడా పెడ చెవిన పెడుతున్న సీఎం వైఎస్ జ‌గ‌న్‌ను సొంత జిల్లాలోనే క‌ట్టడి చేయాల‌ని బీజేపీ కేంద్ర నాయ‌క‌త్వం ఆలోచిస్తున్న‌ట్టుగా ఉంద‌ని ప‌లువురు రాజ‌కీయ విశ్లేష‌కులు భావిస్తున్నారు. ఈ మేర‌కు పార్టీ రాష్ట్ర నాయ‌క‌త్వానికి స్ప‌ష్ట‌మైన దిశానిర్దేశం చేస్తుంద‌ట బీజేపీ.

గ‌త ఎన్నిక‌ల్లో చావుదెబ్బ తిన్న టీడీపీని ప్ర‌జ‌ల్లో ఇంకా పాపులారిటీ ఉన్న కాంగ్రెస్ నేత‌ల‌కు గాలం వేయ‌డం ద్వారా సీఎం దూకుడుకు చెక్ పెట్టాల‌ని బీజేపీ నాయ‌క‌త్వం వ‌చ్చింద‌ని, అందులో భాగంగా ఆప‌రేష‌న్ ఆక‌ర్ష్‌కు తెరతీసిన క‌మ‌ల‌ద‌ళం ప్ర‌స్తుతం ఇత‌ర పార్టీ నేత‌ల‌కు గాలం వేసే ప‌నిలో బిజీగా ఉందని స‌మాచారం. అందులో భాగంగానే జిల్లాలో టీడీపీతో అంటీఅంట‌న‌ట్టు ఉన్న నేత‌ల‌ను కేడ‌ర్‌కు అక్కున చేర్చుకునే ప‌నిలో బీజేపీ పెద్దక‌స‌ర‌త్తే చేస్తోంది.

ఇప్ప‌టికే రాజ్య‌స‌భ స‌భ్యుడు సీఎం ర‌మేష్‌ను పార్టీలో చేర్చుకున్న బీజేపీ మాజీ మంత్రి ఆదినారాయ‌ణ‌రెడ్డితోపాటు మాజీ ఎమ్మెల్యేలు వీర‌శివారెడ్డి, వ‌ర‌ద‌రాజులురెడ్డిల‌తో సంప్ర‌దింపులు జ‌రుపుతున్నారు. వీరిలో మాజీ మంత్రి ఆదినారాయ‌ణ‌రెడ్డి చేరిక ఇటీవ‌లె జ‌ర‌గాల్సి ఉన్నా భారీగా చేరిక‌లు జ‌రిగాక క‌డ‌ప కేంద్రంగా బ‌హిరంగ స‌భ నిర్వ‌హించి అంద‌ర్నీ ఒకేసారి పార్టీలో చేర్చుకోవాల‌ని క‌మ‌ల‌ద‌ళం వ్యూహం రూపొందించిన‌ట్టు రాజ‌కీయ విశ్లేష‌కులు పేర్కొంటున్నారు.

ఉమ్మ‌డి ఆంధ్ర‌ప్ర‌దేశ్ చివ‌రి ముఖ్య‌మంత్రి న‌ల్లారి కిర‌ణ్‌కుమార్‌రెడ్డితో సంప్ర‌దింపులు జ‌రుపుతున్న క‌మ‌ల‌నాధులు ఆయ‌న ద్వారా వ‌ల‌స‌ల‌ను ప్రోత్స‌హించాల‌న్న నిర్ణ‌యానికొచ్చార‌ని, దివంగ‌త ముఖ్య‌మంత్రి వైఎస్ రాజ‌శేఖ‌ర్‌రెడ్డి ముఖ్య అనుచ‌రుల‌ను క‌మ‌లం గూటికి చేర్చే బాధ్య‌త‌ను కిర‌ణ్‌కుమార్‌రెడ్డికి అప్ప‌గించ‌నున్న‌ట్టు స‌మాచారం. ఈ మేర‌కు చ‌ర్చ‌లు కూడా పూర్త‌య్యాయ‌ని, క‌డ‌ప కేంద్రంగానే రాజ‌కీయ ఎత్తుగ‌డలు వేయాల‌ని బీజేపీ అధినాయ‌క‌త్వం నిర్ణ‌యించింది. వ‌చ్చే సార్వ‌త్రిక ఎన్నిక‌ల్లో క‌డ‌ప కేంద్రంగా తొలి విజ‌యం న‌మోదు చేయాల‌ని భావిస్తున్న బీజేపీ ప‌న్నుతున్న వ్యూహాల‌ను వైసీపీ ఎలా ఎదుర్కొంటుందో చూడాలి మ‌రీ..!


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle