newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

కోవర్టులా? కోరుకున్న స్నేహితులా? -1

21-06-201921-06-2019 23:01:29 IST
Updated On 22-06-2019 09:36:05 ISTUpdated On 22-06-20192019-06-21T17:31:29.557Z21-06-2019 2019-06-21T17:31:12.645Z - 2019-06-22T04:06:05.147Z - 22-06-2019

కోవర్టులా? కోరుకున్న స్నేహితులా? -1
facebooktwitterGooglewhatsappwhatsappGoogle
‘బీజేపీలో బాబు కోవర్టులు’ అనే శీర్షికతో ఏపీలో అధికార పార్టీ సొంత పత్రిక ‘సాక్షి’లో వచ్చిన వార్తా కథనం, ఆ పార్టీ నేతలు చేస్తున్న విమర్శలు తెలుగు ప్రజానీకాన్ని డైలామాలో పడేశాయి. కేంద్ర సర్కారుతో చంద్రబాబుకు సత్సంబంధాలు ఉన్న రోజుల్లో వైసీపీ రాజ్యసభ సభ్యుడు విజయసాయిరెడ్డి వెళ్లి ప్రధానమంత్రి కార్యాలయం దగ్గర తచ్చాడినప్పుడు తెలుగుదేశం శిబిరానికి కలిగిన డైలమాలాంటిదే ఇది. 

అప్పట్లో విజయసాయిరెడ్డి ప్రధానమంత్రిని కలిసి వైసీపీ, బీజేపీ మధ్య సరికొత్త స్నేహబంధానికి పునాదులు వేశారన్న వార్తలే కేంద్రంతో చంద్రబాబు కటీఫ్ చెప్పడానికి కారణమైందనేది తెలిసిందే. మరిప్పుడు తాజా కథనం ద్వారా ‘సాక్షి’ ఏం చెప్పబోతోంది?

టీడీపీ, బీజేపీ మధ్య మళ్లీ అనురాగం చిగురిస్తోందని బాహ్య ప్రపంచానికి చాటి చెబుతోందా? ఒకవేళ సాక్షి కథనమే నిజమనుకుంటే బీజేపీతో లోపాయికారి ఒప్పందం చేసుకుని బాబు మున్ముందు మోడీకి దగ్గర అవుతారా? దీన్నే వేరే అర్ధంలో చెప్పాలంటే ఇక ముందు బీజేపీ ఇప్పటి తన వైరి టీడీపీని చేరదీసి వైసీపీని దూరం పెడుతుందా? ఇవీ ఇవాళ సాధారణ ప్రజానీకానికి కలిగిన సవాలక్ష సందేహాలు. 

ఈ ముగ్గుర్నీ చంద్రబాబే బీజేపీలోకి పంపించాడనేది ఒకరకంగా విపరీత వ్యాఖ్యానం. రాజ్యసభ సభ్యుల్ని పంపి చంద్రబాబు రాజీకి ప్లాన్ చేశారని వైసీపీ రాజ్యసభ సభ్యుడు ట్విట్టర్ వేదికగా చంద్రబాబును తిట్టిపోస్తున్నారు.

నిశితంగా పరిశీలిస్తే, తన ఎంపీల్ని కోవర్టులుగా పంపాల్సిన అగత్యం అసలు టీడీపీకి ఉంటుందా. ? తమ ఎంపీల్ని కోవర్టులుగా పంపి ఎవరైనా సొంత పార్టీని ఖాళీ చేసుకుంటారా? అలా చేసి దేశవ్యాప్తంగా అప్రదిష్ట తెచ్చుకునేంత తెలివితక్కువ పని 40 ఏళ్ల రాజకీయ అనుభవం ఉన్న చంద్రబాబు వంటి నాయకుడు చేయగలడా? ఎలా చూసినా ‘సాక్షి’ కోవర్టుల కథనం ఏవిధమైన లాజిక్‌కూ అందడం లేదు. పోనీ, కొత్తగా వచ్చి చేరిన ఈ ముగ్గురితో బ్రహ్మాండం బద్దలైపోతుందని అటు బీజీపీ భ్రమ పడుతుందా అంటే అలా అని అనుకోవడానికీ లేదు. కాకపోతే, రాజ్యసభలో తమకు ఎదురే ఉండకూడదని కేంద్రంలో అధికారంలో ఉన్న పార్టీ అనుకుని వీరిని చేర్చుకుంటే చేర్చుకోవచ్చు. 

మున్ముందు తాము తీసుకొచ్చే బిల్లులకు ఉభయ సభల్లో అడ్డే ఉండకూడదని మోడీ-షా భావిస్తుండవచ్చు. అది అందరికీ తెలిసిందే. ఇలావుంటే, ఢిల్లీ వేదికగా జరిగిన పరిణామాలు తమ పార్టీకి ఎలాంటి నష్టం కలిగించబోవని తెలుగుదేశం పార్టీ నేతలు ఘంటాపథంగా చెబుతున్నారు. తమ నాయకుడు దేశంలో లేని వేళ ఆయన ఎంతో నమ్మి పదవులు కట్టబెడితే చివరికి టీడీపీ రాజ్యసభ సభ్యుల టీం ఇలా చేయడం 37 ఏళ్ల తెలుగుదేశం పార్టీలోని శ్రేణుల్ని మాత్రం నిర్ఘాంతపరిచింది. అదే సమయంలో తమ పార్టీ అధినేత వ్యవహార శైలిని కూడా కార్యకర్తలు ఇదే సందర్భంగా తప్పుబడుతున్నారు. 

తగిన పదవులకు తగిన అభ్యర్ధుల ఎంపిక ప్రక్రియ తమ పార్టీలో సక్రమంగా సాగడం లేదనేది ఇటీవల వారి నుంచి వినవస్తున్న విమర్శ. తాజా ఎపిసోడ్ నేపథ్యంలో తమ నేత వ్యవహరించిన తీరును వారు బాహాటంగానే విమర్శిస్తున్నారు. అసలు మొన్నటి సార్వత్రిక ఎన్నికల్లో సరైన అభ్యర్ధుల్నిఎంపిక చేయకపోవడం వల్ల ఫలితం ఇప్పుడు అనుభవిస్తున్నామని,  ఆరోపణలు ఎదుర్కొన్న పాత వారిని మార్చి కొత్తవారికి అవకాశం ఇచ్చి వుంటే అసలు ఓడిపోయేవారమే కాదని  ఓపక్క శ్రేణులన్నీ వాపోతున్నాయి. ఈ తరుణంలో ఇప్పుడు రాజ్యసభలో తమ పార్టీని ఖాళీ చేసేశారన్న వార్త వారి పాలిటి పిడుగుపాటుగా మారింది. 

‘పెద్దల సభ’కు అభ్యర్ధుల్ని ఎంపిక చేసే విషయంలో నేతల గుణగణాల్ని బట్టి కాకుండా వారి ‘ధనబలాన్ని’ చూసి నిర్ణయాలు తీసుకోవడం వల్లనే ఇప్పుడు ఇలాంటి పరిస్థితి ఎదురైందని టీడీపీలోని ద్వితీయశ్రేణి నాయకులు, పార్టీ కార్యకర్తలు దుయ్యబడుతున్నారు.  (ఇంకా ఉంది)

కోవర్టులా? కోరుకున్న స్నేహితులా? -2


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle