newssting
BITING NEWS :
*మంగళగిరి ఎమ్మెల్యే ఆళ్ల రామకృష్ణారెడ్డి కార్యాలయంలో భారీ చోరీ*పాకిస్తాన్‌లో హైదరాబాద్‌ వాసి అరెస్ట్‌...అరెస్ట్‌ అయిన వ్యక్తి ప్రశాంత్‌ గా గుర్తింపు* రాజమండ్రి రైల్వేస్టేషన్ సమీపంలో పట్టాలు తప్పిన గూడ్స్ రైలు*ఇవాళ సమ్మెపై తుది నిర్ణయం.. జడ్జిమెంట్‌ కాపీ చూశాక తుది నిర్ణయం.. సమ్మె యథాతథంగా కొనసాగుతుంది.. సడక్‌బంద్, రాస్తారోకోలు మాత్రం వాయిదా-అశ్వత్థామరెడ్డి*దీక్ష విరమించినా ఆర్టీసీ జేఏసీ ఆందోళన కొనసాగుతుంది-కోదండరాం*ఆర్టీసీ సమ్మెపై విచారణ ముగించిన హైకోర్టు *హైకోర్టుకు కొన్ని పరిమితులుంటాయి.. పరిధిదాటి ముందుకు వెళ్లలేం.. కార్మికశాఖ చూసుకుంటుంది.. 2 వారాల్లో సమస్య పరిష్కరించాలని సూచిస్తాం-హైకోర్టు

కోడెల స్థానంలో మరో నేత.. ఎవరీ అరవిందబాబు ?

15-10-201915-10-2019 15:23:52 IST
2019-10-15T09:53:52.468Z15-10-2019 2019-10-15T09:53:28.725Z - - 20-11-2019

కోడెల స్థానంలో మరో నేత.. ఎవరీ అరవిందబాబు ?
facebooktwitterGooglewhatsappwhatsappGoogle
న‌ర‌సారావుపేట పేరు చెప్ప‌గానే గుర్తుకొచ్చే వారిలో దివంగ‌త రాజ‌కీయ నేత కోడెల శివ‌ప్ర‌సాద్ ఒక‌రు. ఆయ‌న తెలుగుదేశం పార్టీ సీనియ‌ర్ నేత‌గా 1983 నుంచి తుదిశ్వాస విడిచే వ‌ర‌కు పార్టీలోనే కొన‌సాగారు. రాజ‌కీయ‌రంగ‌ప్ర‌వేశం చేయకముందు నుంచే ఆయ‌న‌కు న‌ర‌సారావుపేట‌లోని కోట ఏరియాలో ఇల్లు ఉండేది. ఆ ఇంట్లోనే ఆయ‌న‌ ఆసుప‌త్రి నిర్వ‌హించేవారు.

దివంగ‌త సీఎం ఎన్టీఆర్ పిలుపు మేర‌కు రాజ‌కీయాల్లోకి ఎంట్రీ ఇచ్చాన‌ని చెప్పుకొచ్చే కోడెల శివ ప్ర‌సాద్‌రావు ఆసుప‌త్రి ప్రాంగ‌ణంలోనే టీడీపీ కార్యాల‌యాన్ని ఏర్పాటు చేసుకున్నారు. న‌ర‌సారావుపేట‌లో టీడీపీ కేరాఫ్ అడ్ర‌స్‌గా కోట‌లోనే ఆయ‌న ఇల్లు ఉండేది. గ‌త 35 ఏళ్లుగా న‌ర‌సారావుపేట పార్టీ కార్యాల‌యం కోడెల నిర్వ‌హించే ఆస్ప‌త్రిలోనే ఉంది.

2014 సార్వ‌త్రిక ఎన్నిక‌ల్లో స‌త్తెన‌ప‌ల్లి నుంచి కోడెల పోటీ చేయాల్సి వ‌చ్చింది. నాడు న‌ర‌సారావుపేట‌ను పొత్తులో భాగంగా బీజేపీకి కేటాయించారు. కోడెల స‌త్తెన‌ప‌ల్లికి మారినా న‌ర‌సారావుపేట‌కు మ‌రొక‌రిని ఇన్‌ఛార్జిగా నియ‌మించ‌లేక‌పోయారు. 2019లో న‌ర‌సారావుపేట టికెట్ అర‌వింద బాబుకే ఇచ్చారు. ఆయ‌న ఎన్నిక‌ల కార్యాల‌యాన్ని ప్ర‌త్యేకంగా ఏర్పాటు చేసుకున్నారు. కానీ, నియోజ‌క‌వ‌ర్గ పార్టీ ఆఫీసు మాత్రం కోట‌లోనే కొన‌సాగింది.

కోడెల శివ‌ప్ర‌సాద్‌రావు మ‌ర‌ణం త‌రువాత న‌ర‌సారావుపేట‌లో సీన్ మారింది. నియోజ‌క‌వ‌ర్గ ఇన్‌చార్జ్‌గా ఉన్న చ‌ద‌ల‌వాడ అర‌వింద‌బాబు నియోజ‌క‌వ‌ర్గ పార్టీ కార్యాల‌యాన్ని త‌న ఆసుప‌త్రి ప్రాంగ‌ణంలో ఏర్పాటు చేసుకున్నారు. 35 ఏళ్ల త‌రువాత కోడెల కోట‌లో కాకుండా పార్టీ కార్యాల‌యం బ‌య‌ట ఏర్పాటు చేయ‌డం ఇదే మొద‌టిసారి. ఇప్పుడు ఇదే విష‌యం కార్య‌క‌ర్తల్లో చ‌ర్చ‌నీయాంశంగా మారింది.

టీడీపీ కార్యాల‌యం మార్చి నియోజ‌క‌వ‌ర్గంపై త‌న ప‌ట్టు నిలుపుకునే ప్ర‌య‌త్నం చ‌ద‌ల‌వాడ చేస్తున్నారనే చ‌ర్చ జోరుగా కొన‌సాగుతోంది. కోడెల ప్లేస్‌లో తాను కార్య‌క‌ర్త‌ల‌కు అందుబాటులో ఉంటాన‌ని ఆయ‌న స్పష్టం చేస్తున్నారు. మ‌రోప‌క్క కోడెల త‌న‌యుడు శివ‌రామ్‌కు పార్టీ అధిష్టానం ఎటువంటి ప‌ద‌వి ఇస్తుంది..? అన్న ప్ర‌శ్న‌పై స్ప‌ష్ట‌త రావాల్సి ఉంది. ఇదే క్ర‌మంలో స‌త్తెన‌ప‌ల్లికి ఎవ‌రిని ఇన్‌చార్జిగా నియ‌మిస్తారోన‌న్న ఉత్కంఠ నెల‌కొంది. కోడెల త‌న‌యుడు శివ‌రామ్‌కు ఆ ప‌ద‌వి ద‌క్కుతుందా..? లేదా..? అన్న ప్ర‌శ్న ఇప్పుడు కార్య‌క‌ర్త‌ల్లో నడుస్తుంది. 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle