newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

‘కోడి కత్తి’ కేసులో ట్విస్ట్..!

03-12-201803-12-2018 15:08:52 IST
Updated On 03-12-2018 15:10:30 ISTUpdated On 03-12-20182018-12-03T09:38:52.659Z03-12-2018 2018-12-03T09:38:47.891Z - 2018-12-03T09:40:30.048Z - 03-12-2018

‘కోడి కత్తి’ కేసులో ట్విస్ట్..!
facebooktwitterGooglewhatsappwhatsappGoogle
అక్టోబర్ 25న విశాఖపట్నం ఎయిర్‌పోర్టులో ప్రతిపక్ష నేత వై.ఎస్. జగన్మోహన్ రెడ్డిపై జరిగిన కోడికత్తి దాడి కేసు రోజుకో మలుపు తిరుగుతోంది. ఈ కేసులో ఆంధ్రప్రదేశ్ ప్రభుత్వానికి హైకోర్టులో చుక్కెదురైంది. తనపై హత్యాయత్నం కేసును స్వతంత్ర సంస్థతో నిష్పక్షపాతంగా విచారణ జరపాలని జగన్ హైకోర్టులో పిటిషన్ వేశారు. రాష్ట్ర ప్రభుత్వ విచారణపై తనకు నమ్మకం లేదని జగన్ ఎప్పటినుంచో చెబుతున్నారు. ఈ పిటిషన్ విచారించిన కోర్టు… ఎయిర్ పోర్టులో సంఘటన జరిగితే మీరెలా విచారిస్తారని ఏపీ పోలీసులను ప్రశ్నించింది. కేసును ఎందుకు ఎన్ఐఏకు బదిలీ చేయలేదో కౌంటర్ దాఖలు చేయాలంటూ కోర్టు ఆదేశించింది. తదుపరి విచారణ కోసం ఈ కేసును డిసెంబర్ ఐదుకు వాయిదా వేసింది. అయితే, చట్ట ప్రకారం ఎయిర్ పోర్టు లేదా ఎయిర్ క్రాఫ్ట్ లో సంఘటన జరిగితే ఎన్ఐఏ‌నే విచారించాలని జగన్ తరపు అడ్వకేట్లు కోర్టు దృష్టికి తీసుకెళ్లారు. దాడి ఘటనపై ఏపీ సర్కార్ ఏర్పాటు చేసిన ప్రత్యేక దర్యాప్తు బృందం( సిట్ ) విచారణను నిలిపివేయాలని కోర్టుకు జగన్ తరపు న్యాయవాదులు విజ్ఞప్తి చేశారు. 

ఈ కేసును ఎన్ఐఏకు ఎందుకు బదిలీ చేయలేదో బుధవారం లోగా కౌంటర్ దాఖలు చేయాలంటూ ఏపీ ప్రభుత్వాన్ని హైకోర్టు ఆదేశించడం కేసులో ట్విస్ట్‌గా చెబుతున్నారు. ఈకేసులో కేంద్రం, ఏపీ ప్రభుత్వాలకు కోర్టు నోటీసులు జారీచేసింది. అక్టోబర్ 25న విశాఖ ఎయిర్‌పోర్టుకి వచ్చారు వైఎస్ జగన్మోహన్ రెడ్డి. ఈ సమయంలో జగన్‌ని కలిసేందుకు వచ్చిన అభిమాని శ్రీనివాసరావు అనే వెయిటర్ కత్తితో దాడికి దిగాడు. దాడినుంచి తృటిలో తప్పించుకున్న జగన్ భుజానికి గాయమైంది. దీంతో వెంటనే అప్రమత్తమయిన ఎయిర్ పోర్ట్ పోలీసులు నిందితుడ్ని అదుపులోకి తీసుకున్నారు. దాడి ఘటనపై రాష్ట్రవ్యాప్తంగా నిరసనలకు దిగిన వైఎస్ఆర్ కాంగ్రెస్ పార్టీ కేంద్ర సంస్థలతో దర్యాప్తు చేయాలంటూ డిమాండ్ చేసింది. హోంమంత్రి, రాష్ట్రపతిని కలిసిన వైసీపీ నాయకులు వినతిపత్రాలు కూడా సమర్పించారు. అప్పటినుంచి ఈ కేసు విచారణ సాగుతూనే ఉంది. మరోవైపు నిందితుడు శ్రీనివాసరావు ఈనెల ఏడవ తేదీ వరకూ రిమాండ్‌లో ఉన్న సంగతి తెలిసిందే. ఈనెల ఐదవ తేదీన కోర్టు ఏ నిర్ణయం వెలువరిస్తుందో చూడాలి. 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle