newssting
BITING NEWS :
*కర్ణాటక అసెంబ్లీలో బలపరీక్ష *విజయవాడ రానున్న ఏపీ కొత్త గవర్నర్ బి.బి హరిచందన్ *బీజేపీ పార్లమెంటరీ సమావేశం*బీజేపీలో చేరనున్న మాజీ ఎంపీ వివేక్* ఎర్రమంజిల్ భవనం కూల్చివేతే కేసుపై హైకోర్టులో విచారణ *ప్రారంభం కానున్న జపాన్ ఓపెన్ బ్యాట్మింటన్ టోర్నీ

కొడాలి స్పీడ్‌కు దేవినేని బ్రేక్ వేయగలరా..?

12-03-201912-03-2019 12:08:53 IST
2019-03-12T06:38:53.933Z12-03-2019 2019-03-12T06:38:52.063Z - - 24-07-2019

కొడాలి స్పీడ్‌కు  దేవినేని బ్రేక్ వేయగలరా..?
facebooktwitterGooglewhatsappwhatsappGoogle
కృష్ణా జిల్లాలో ప్రతిష్ఠాత్మకంగా మారిన గుడివాడ సీటుపై ఈసారి ఎలాగైనా త‌మ జెండా ఎగ‌రేయాల‌నుకుంటోంది తెలుగుదేశం పార్టీ. పార్టీ వ్యవ‌స్థాప‌కులు ఎన్టీఆర్ స్వంత నియోజ‌క‌వ‌ర్గమైన గుడివాడ టీడీపీకి కంచుకోట‌గా ఉండేది. టీడీపీ స్థాపించిన‌ త‌ర్వాత ఇక్కడ ఉప ఎన్నిక‌లు క‌లిపి ప‌ది ఎన్నిక‌లు జ‌ర‌గ‌గా టీడీపీ ఏకంగా ఎనిమిది సార్లు విజ‌యం సాధించింది. ఎన్టీఆర్ రెండుసార్లు ఇక్కడ గెలుపొందారు. 2004, 2009లో తెలుగుదేశం పార్టీ త‌ర‌పున విజ‌యం సాధించి కొడాలి వెంక‌టేశ్వర‌రావు(నాని) త‌ర్వాత టీడీపీతో విభేదించి వైసీపీలో చేరారు. 2014 ఎన్నిక‌ల్లో 11 వేల ఓట్లతో విజ‌యం సాధించారు.

ఎన్టీఆర్ స్వంత నియోజ‌క‌వ‌ర్గంలో బ‌ల‌మైన నేత‌గా ఎద‌గ‌డం, టీడీపీపై విమ‌ర్శలు గుప్పించ‌డంలో ముందుంటున్న కొడాలి నాని తెలుగుదేశం పార్టీకి కొర‌క‌రాని కొయ్యగా మారారు. పైగా జూనియ‌ర్ ఎన్టీఆర్‌కు ద‌గ్గర‌వారు కావ‌డం, క‌మ్మ సామాజ‌క‌వ‌ర్గానికి చెందిన వారు కావ‌డం, నియోజ‌క‌వ‌ర్గంలో ఎన్టీఆర్ ఫోటోతోనే ఎన్నిక‌ల‌కు వెళుతుండ‌టంతో ఆయ‌న టీడీపీకి స‌మ‌స్యగా మారారు. ఈసారి ఎలాగైనా గుడివాడ‌లో నానిని ఓడించాల‌ని చంద్రబాబు ప‌ట్టుద‌ల‌గా ఉన్నారు.

ఇంత‌కాలం టీడీపీలో నానికి గ‌ట్టి పోటీ ఇచ్చే బ‌ల‌మైన నాయ‌కులు లేరు. మాజీ ఎమ్మెల్యే రావి వెంక‌టేశ్వర‌రావుకు పోటీ చేసేందుకు ఆస‌క్తిగా ఉన్నా ఆయ‌న‌కు వ్యతిరేకంగా మ‌రో ఇద్దరు నేత‌లు కూడా టిక్కెట్ ఆశించారు. దీంతో టీడీపీలో ఉన్న వ‌ర్గ విభేదాలు కూడా కొడాలి నానికి క‌లిసివ‌చ్చేవి. ఈ విభేదాలకు చెక్ పెట్టి బ‌ల‌మైన అభ్యర్థిని బ‌రిలో దించేతే గుడివాడ‌లో గెలుపు సాధ్యమ‌ని గుర్తించిన చంద్రబాబు... ఈ స్థానానికి మాజీ మంత్రి దేవినేని నెహ్రూ కుమారుడు, తెలుగు యువ‌త రాష్ట్ర అధ్యక్షుడు దేవినేని అవినాష్ పేరును ఖ‌రారు చేశారు.

ఆయ‌న‌కు ఇక్కడ టిక్కెట్ కేటాయించ‌డంతో పాటు టిక్కెట్ ఆశించిన రావి వెంక‌టేశ్వర‌రావుకు ఎమ్మెల్సీ ఇస్తామ‌ని, య‌ల‌వ‌ర్తి శ్రీనివాస‌రావుకు రాష్ట్ర స్థాయిలో నామినేటెడ్ ప‌ద‌వి ఇస్తామ‌ని చంద్ర‌బాబు హామీ ఇచ్చారు. అంద‌రూ క‌లిసిక‌ట్టుగా ప‌నిచేసి గుడివాడ‌లో అవినాష్ ను గెలిపించాల‌ని వారిని బుజ్జగించారు. అయితే, అవినాష్ కొడాలి నానిని ఓడించ‌గ‌ల‌రా అనే అనుమానాలు వ‌స్తున్నాయి.

కొడాలి నాని ఇప్పటికే మూడుసార్లు ఎమ్మెల్యేగా గెలిచి నియోజ‌క‌వ‌ర్గంపై పూర్తి ప‌ట్టు సాధించారు. నియోజ‌క‌వ‌ర్గంలో మాస్ లీడ‌ర్‌గా ఇమేజ్ ఉంది. ప్ర‌జ‌ల‌కు అందుబాటులో ఉంటార‌నే పేరుంది. సామాజ‌క‌వ‌ర్గ స‌మీక‌ర‌ణాలు కూడా ఆయ‌న‌కు క‌లిసొస్తున్నాయి. అయితే, నియోజ‌క‌వ‌ర్గం అభివృద్ధిలో మాత్రం వెనుక‌బ‌డ‌టం, వ‌రుస‌గా మూడుసార్లు ఎమ్మెల్యేగా ప‌నిచేయ‌డం వ‌ల్ల స‌హ‌జంగానే ఏర్ప‌డే వ్య‌తిరేక‌త నానికి ఇబ్బందిగా మారింది.

దేవినేని అవినాష్‌కు జిల్లాలో, ప్రధానంగా ఓ సామాజ‌క‌వ‌ర్గం ఓట‌ర్లలో మంచి పేరే ఉంది. అయితే, గుడివాడ‌కు ఆయ‌న కొత్త‌. ఎన్నిక‌ల‌కు ఎక్కువ స‌మ‌యం కూడా లేదు. ఈ నెల రోజుల్లోనే ఆయ‌న గుడివాడ‌లో బ‌ల‌మైన నేత‌గా ఉన్న కొడాలి నానిని ఢీకొట్టడం సులువు కాదంటున్నారు. పైగా చంద్ర‌బాబు బుజ్జగించినా ఆయ‌న స్థానిక క్యాడ‌ర్ పూర్తిగా స‌హ‌క‌రిస్తార‌నేది అనుమాన‌మే. మొత్తానికి దేవినేని అవినాష్ పై చంద్రబాబు పెట్టుకున్న న‌మ్మకం నెర‌వేరుతుందో, గుడివాడ‌లో మ‌ళ్లీ తెలుగుదేశం జెండా ఎగురుతుందో లేదో చూడాలి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle