newssting
National (Loksabha)542/542
PartyLeadWin
  NDA0348
  UPA094
  BSP+SP+RLD018
  Others082
Andhra Pradesh (Assembly)175/175
PartyLeadWin
  TDP0024
  YSRCP00150
  Janasena +0001
  Others00
Andhra Pradesh (Loksabha)22/25
PartyLeadWin
  TDP0301
  YSRCP0021
  Janasena +00
  Others00
Telangana (Loksabha)17/17
PartyLeadWin
  TRS0009
  Congress0003
  BJP0004
  Others001
Odisha (Assembly)117/147
PartyLeadWin
  BJD1895
  Congress0307
  BJP0715
  Others010
BITING NEWS :
* ఏపీ సీఎం చంద్రబాబు రాజీనామా ఆమోదించిన గవర్నర్ నరసింహన్ * ఒక్క సీటుకే పరిమితం అయిన జనసేన.. పవన్ రెండుచోట్ల ఓటమి * జగన్ కు శుభాకాంక్షలు, అభినందనలు తెలిపిన చంద్రబాబు * పులివెందులలో జగన్ ఘన విజయం.. 30న ప్రమాణ స్వీకారం చేస్తానని ప్రకటించిన జగన్*వెంకటగిరిలో 38,557 ఓట్ల ఆధిక్యంలో వైసీపీ అభ్యర్ధి ఆనం రాంనారాయణరెడ్డి * ఏపీలో ఫలితాలపై టీడీపీ నేతల షాక్.. ఫలితాలపై తమ అంచనాలు తారుమారయ్యాయన్న నేతలు *తెలంగాణ లోక్ సభ ఎన్నికలలో రేవంత్, ఉత్తమ్, కోమటిరెడ్డి విజయం

కేసీఆర్ అడుగుజాడల్లో జగన్..!

08-01-201908-01-2019 15:07:40 IST
2019-01-08T09:37:40.665Z08-01-2019 2019-01-08T09:16:04.412Z - - 24-05-2019

కేసీఆర్ అడుగుజాడల్లో జగన్..!
facebooktwitterGooglewhatsappwhatsappGoogle
ఏపీ అసెంబ్లీ ఎన్నికలకు విపక్ష వైసీపీ రెడీ అవుతోంది. ప్రజాసంకల్పయాత్రలో ఏడాదికి పైగా బిజీగా ఉన్న జగన్.. తొలి జాబితా కూర్పుపై తలమునకలై ఉన్నారు. పార్టీ తరఫున గెలిచిన ఎమ్మెల్యేలు, సిట్టింగ్‌లు, సర్వేలో సానుకూల ఫలితాలు వచ్చినవారికే స్థానం కల్పించనున్నారు, పాదయాత్ర ముగింపు రోజైన 9వ తేదీన జాబితా ప్రకటించే అవకాశాలు మెండుగా ఉన్నాయి. దీంతో వైసీపీ టికెట్ ఆశిస్తున్న ఆశావహులు జాబితాలో తమ పేరుకోసం వేయి కళ్ళతో ఎదురుచూస్తున్నారు. ఈ విషయంలో కేసీఆర్ బాటలోనే జగన్ ప్రయాణం చేయబోతున్నారని తెలుస్తోంది, తెలంగాణలో ఎన్నికలకు నాలుగు నెలల ముందే అభ్యర్థులను ప్రకటించి ఘన విజయం సాధించింది. ఏపీలో కూడా వీలైనంత తొందరగా అభ్యర్థులను ప్రకటిస్తే తమకు గెలుపు సొంతమవుతుందనే భావనలో జగన్‌మోహన్‌రెడ్డి ఉన్నారని తెలుస్తోంది. 

అందులో భాగంగా ఇప్పటివరకూ నిర్వహించిన సర్వేల్లో సమర్థులుగా తేలినవారు, సిట్టింగ్‌లతో కలిపి 70 నుంచి 90 మందితో తొలి జాబితా సిద్ధం చేశారు. మిగిలిన రాజకీయ పార్టీలతో పాటు వైసీపీకి ఈ ఎన్నికలు చావోరేవో తేల్చుకోవాల్సినవి.  ఎలాగైనా కనీసం 100 సీట్లలో విజయం సాధించడం ద్వారా పార్టీ ఉనికిని కాపాడుకోవాలని జగన్‌మోహన్‌రెడ్డి భావిస్తున్నారు. పాదయాత్ర అనంతరం ప్రజల్లో పార్టీకి సానుకూల పవనాలు ఉన్నాయని వివిధ సర్వేలు చెబుతున్నాయి, వీటి ఆధారంగా అభ్యర్థులను ఎంపిక చేయాలని నిర్ణయించుకున్నారు. పాదయాత్ర ముగింపు కార్యక్రమంలో అందరి దృష్టిని ఆకర్షించేలా ఏదైనా ప్రకటన చేయాలని జగన్‌ కొంతకాలంగా పార్టీ నేతల వద్ద అభిప్రాయపడుతున్నారు. ఈ తొలి లిస్ట్‌ను ఇచ్ఛాపురం వేదికగా ప్రకటించాలని జగన్‌ నిర్ణయించుకున్నారని జగన్ సన్నిహితులు చెబుతున్నారు. అయితే సంకాంత్రి ముందు మంచి రోజులు కానందున, పండుగ వెళ్లిన తర్వాత ప్రకటించే అవకాశం కూడా లేకపోలేదు. 

తొలిజాబితాలో టిక్కెట్ కోసం ఇద్దరు, ముగ్గురు పోటీ పడుతున్న స్థానాల్లో అభ్యర్థుల ఎంపికను వాయిదా వేయనున్నారు. తొలి జాబితాలో రాష్ట్రవ్యాప్తంగా 70-100 మందికి స్థానం కల్పించనున్నట్టు పార్టీ నేతలు పేర్కొంటున్నారు. తొలి జాబితాలో విశాఖ జిల్లా నుంచి ముగ్గురు లేదా నలుగురికి మాత్రమే చోటు దక్కనుంది. మాడుగుల టిక్కెట్‌ను అక్కడి సిట్టింగ్‌ ఎమ్మెల్యే బూడి ముత్యాలనాయుడుకు ఖరారు చేయగా, ఎలమంచిలి సీటుని మాజీ ఎమ్మెల్యే కన్నబాబురాజుకు కేటాయిస్తున్నారని తెలుస్తోంది.  పశ్చిమగోదావరి జిల్లాలో ఒక్క ఎమ్మెల్యే సీటు కూడా జగన్ దక్కించుకోలేదు. దీంతో ఈ జిల్లాపై జగన్ స్పెషల్ ఫోకస్ పెట్టారు. అలాగే విశాఖ నగర పరిధిలోని ఏడు నియోజకవర్గాల్లో ఒక్క నియోజకవర్గంపై కూడా పేర్లు ఖరారు కాలేదు. వైసీపీ బలం ఎక్కువగా ఉన్న రాయలసీమ విషయంలో జగన్ ప్రత్యేక శ్రద్ధ తీసుకుంటున్నారు.

తెలుగుదేశం పార్టీలో చేరిన వైసీపీ ఎమ్మెల్యేలను ఎలాగైనా ఓడించేందుకు ఆయన స్కెచ్చేశారు. వీరికి టీడీపీలో సీట్లు వస్తాయో రావోనన్న అనుమానాలు కూడా వ్యక్తం అవుతున్నాయి. గతంతో పోలిస్తే ఈసారి పోటీ తీవ్రంగా ఉండే అవకాశాలున్నాయి. ఇటు వైసీపీ, జనసేన ప్రభుత్వ వ్యతిరేక ఓటును ఎంతవరకూ తమ ఖాతాలో వేసుకోగలుగుతాయనేది అంతుచిక్కడం లేదు. పవన్-జగన్ కలిస్తే చంద్రబాబుకి గడ్డుకాలం రావచ్చంటున్నారు రాజకీయ విశ్లేషకులు. అయితే పవన్‌తో తానసలు మాట్లాడలేదన్నారు జగన్. మరోవైపు 175 స్థానాల్లో తాము వామపక్షాల మినహా ఎవరితోనూ పొత్తు పెట్టుకోవడం లేదని, జనమే తమ బలం అని పవన్ ఈమధ్య స్పష్టం చేశారు. ఈ పరిస్థితుల నేపథ్యంలో వైసీపీ-జనసేన మధ్య పొత్తు పొడుస్తుందా? 


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle