newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

కేంద్రాన్ని కడిగిపారేస్తానన్న జగన్.. ఇప్పుడు పలకరే?

15-11-201915-11-2019 01:24:50 IST
2019-11-14T19:54:50.004Z15-11-2019 2019-11-14T19:54:46.285Z - - 15-12-2019

కేంద్రాన్ని కడిగిపారేస్తానన్న జగన్.. ఇప్పుడు పలకరే?
facebooktwitterGooglewhatsappwhatsappGoogle
రాష్ట్రానికి ప్రత్యేకహోదా వస్తే ఏమొస్తదో తెలుసా.. మనమెవరం ట్యాక్స్ కట్టక్కర్లే.. రాష్ట్రానికి పరిశ్రమలొస్తాయి.. ఆసుపత్రులొస్తాయి.. మనందరి జీవితాలు బాగుపడతాయి.. ఈ చంద్రబాబేమో ప్రత్యేకహోదాను తీసుకెళ్లి కేంద్రాన్ని తాకట్టుపెట్టారు. మీ చల్లని దీవెనెలతో.. ఆ దేవుడి ఆశీర్వాదంతో నాకు కనుక 25 ఎంపీ సీట్లిస్తే కేంద్రాన్ని కడిగిపారేసి, మెడలు వంచేసి ప్రత్యేకహోదాను తెచ్చి మీ అందరి బతుకులలో వెలుగు తెచ్చి చూపిస్తా.

ఈ మాటలలో ఒక్క అక్షరం తేడా లేకుండా వైఎస్ జగన్మోహన్ రెడ్డి నోటి నుండి వెలువడ్డాయి. ఒక్కసారి రెండుసార్లు కాదు పదుల సంఖ్యలో ఇదే మాటను ఎన్నికల ప్రచారంలో మ్యానిఫెస్టో మాదిరి ప్రచారం చేశారు. ఇక ఇప్పుడు సీఎం జగన్మోహన్ రెడ్డికి కేంద్రాన్ని కడిగిపారేయాల్సిన సమయం వచ్చింది. మెడలు వంచి ఆంధ్రప్రదేశ్ రాష్ట్రానికి ప్రత్యేకహోదా తీసుకోవాల్సిన అవసరం కూడా రానే వచ్చింది.

ఢిల్లీలో ఏపీకి రావాల్సిన నిధుల పెండింగ్ ఇంకా అలానే ఉంది. సాక్షాత్తు ముఖ్యమంత్రే ఢిల్లీకి వెళ్లినా ప్రధాని సంగతెలా ఉన్నా మంత్రుల అపాయింట్ మెంట్ కోసం కూడా వెయిటింగ్ తప్పడం లేదు. మరోపక్క రాష్ట్రంలో నిధుల కొరత వేధిస్తుండగా ఖర్చులు మాత్రం ఘోరంగా పెరిగిపోయాయి. ఇప్పుడు ఎట్టి పరిస్థితిలో కేంద్రం ఆదుకోవాల్సిందే. కానీ కేంద్రంలో ఏపీ మీద అంత ప్రేమ ఉన్నట్లు కనిపించడం లేదు.

మరి సీఎం జగన్మోహన్ రెడ్డి కేంద్రాన్ని కడిగిపారేస్తారా? త్వరలోనే పార్లమెంట్ సమావేశాలు మొదలుకానున్నాయి. మరి తన 23 మంది ఎంపీలకు ఏమని దిశానిర్దేశం చేయనున్నారు? కేంద్రానికి ఎదురు తిరిగి హక్కులను సాధిస్తారా? గత ప్రభుత్వంలో ఇదే కేంద్రం నుండి రాబట్టలేకపోవడం చంద్రబాబు చేతగాని తనంగా ప్రచారం చేసిన జగన్మోహన్ రెడ్డి ఇప్పుడు ఎవరి చేతగాని తనంగా చెప్పుకోవాలి?

ప్రతిపక్షంలో ఉండగా కేంద్రానికి నిరసనగా తమ ఎంపీలతో రాజీనామా చేయించిన జగన్మోహన్ రెడ్డి ఇప్పుడు అంతకన్నా ఎక్కువమందే ఎంపీలు ఉండగా ఇప్పుడేం చేస్తారు? ఇప్పుడు కూడా కేంద్రానికి నిరసనగా తమ 23 మంది ఎంపీలతో రాజీనామా చేయిస్తారా? అసలు ఆ ఎంపీలు ప్రత్యేకహోదా కావాలని పార్లమెంట్ సాక్షిగా గొంతెత్తి పోరాడుతారా? అన్న ప్రశ్నలు తలెత్తుతున్నాయి.

చంద్రబాబు నాయుడు హోదాను పక్కనపెట్టి ప్యాకేజీకి ఒప్పుకొంటే ప్రత్యేకహోదా తెచ్చేది ఇచ్చేది మేమెనన్న వైసీపీ నేతలు పార్లమెంట్ లో కనీసం ప్రత్యేకహోదా డిమాండ్ అయినా చేయగలరా? అన్నదే అంతుచిక్కడం లేదు. సీఎం జగన్మోహన్ రెడ్డి మీద సిబిఐ కత్తి వేలాడుతుండగా ఆ పార్టీ నేతలు ఒక్క పార్లమెంట్లోనే కాదు ఎక్కడా నోరు మెదిపే పరిస్థితి లేదన్నది రాజకీయ విశ్లేషకుల వాదన.

రోజూ పనిగట్టుకొని రాష్ట్ర బీజేపీ నేతలు వైసీపీ ప్రభుత్వం మీద విమర్శలకు దిగుతున్నా వైసీపీ నేతలు తిరిగి ఒక్కమాట అనే పరిస్థితి లేదు. మరి ఇక పార్లమెంట్లో ఏం పోరాటం చేస్తారని ఓ వర్గం ప్రజల నుండి వస్తున్న నిట్టూర్పు. మరి వైసీపీ స్టాండ్ ఏంటి? జగన్ చెప్పిన మాటలు నీటి మూటలేనా? వైసీపీ ఎంపీలు పార్లమెంటులో ఏం చేయనున్నారు? అసలు ఎంపీలకు జగన్ ఏమని దిశానిర్ధేశం చేయనున్నారు? వేచి చూద్దాం!

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle