newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

కేంద్రంతో సమరానికి జ‌గ‌న్ సై..?

19-07-201919-07-2019 08:00:35 IST
Updated On 20-07-2019 13:37:27 ISTUpdated On 20-07-20192019-07-19T02:30:35.963Z19-07-2019 2019-07-19T02:30:31.437Z - 2019-07-20T08:07:27.244Z - 20-07-2019

కేంద్రంతో సమరానికి జ‌గ‌న్ సై..?
facebooktwitterGooglewhatsappwhatsappGoogle
కేంద్ర ప్ర‌భుత్వంతో స‌ఖ్య‌త‌గా ఉండాల‌ని ఇంత‌కాలంగా భావిస్తున్న ముఖ్య‌మంత్రి వైఎస్ జ‌గ‌న్మోహ‌న్ రెడ్డి ఆలోచ‌న‌లు క్ర‌మంగా మారుతున్నాయా అంటే అవున‌నే స‌మాధానం వ‌స్తోంది. ఇటీవ‌లి ప‌రిణామాలు ఇదే సూచిస్తున్నాయి. జ‌గ‌న్ నిర్ణ‌యాల‌కు కేంద్ర ప్ర‌భుత్వం మొకాల‌డ్డుతుండ‌టంతో జ‌గ‌న్ కూడా కేంద్ర ప్ర‌భుత్వంపై అసంతృప్తితో ఉన్నార‌నే ప్ర‌చారం జ‌రుగుతోంది. 

తాను తీసుకున్న నిర్ణ‌యాల‌ను అమ‌లు చేయ‌డానికి అవ‌స‌ర‌మైతే కేంద్రాన్ని సైతం విభేదించేందుకు జ‌గ‌న్ వెనుకాడ‌బోర‌ని అంటున్నారు. తెలుగుదేశం పార్టీ హ‌యాంలో విచ్చ‌ల‌విడిగా అవినీతి జ‌రిగింద‌ని గ‌త ఐదేళ్లుగా వైఎస్సార్ కాంగ్రెస్ పార్టీ ఆరోపిస్తోంది. ముఖ్యంగా పోల‌వ‌రం ప్రాజెక్టు, విద్యుత్ కొనుగోళ్ల ఒప్పందాలు, రాజ‌ధాని భూముల వ్య‌వ‌హారంలో పెద్ద ఎత్తున అవినీతి జ‌రిగింద‌నేది ఆ పార్టీ ఆరోప‌ణ‌. 

ఇప్పుడు అధికారంలోకి రావ‌డంతో మొద‌టి రోజు నుంచి వీట‌న్నింటిపై స‌మీక్ష జ‌రుపుతామ‌ని జ‌గ‌న్ ప‌లుమార్లు ప్ర‌క‌టించారు. ముందుగా ఆయ‌న విద్యుత్ కొనుగోలు ఒప్పందాల‌పై విచార‌ణ చేయాల‌ని నిర్ణ‌యించారు. వెంట‌నే కేంద్ర ఇంద‌న శాఖ కార్య‌ద‌ర్శి నుంచి సీఎస్‌కు ఓ లేఖ అందింది. ఈ ఒప్పందాల‌ను స‌మీక్షిస్తే పెట్టుబ‌డులు ఆగిపోయే ప్ర‌మాదం ఉంద‌ని, కాబ‌ట్టి ముఖ్య‌మంత్రి తన నిర్ణ‌యాన్ని మార్చుకునేలా చూడాల‌నేది ఆ లేఖ సారాంశం. 

అయినా వెన‌క్కు త‌గ్గ‌ని జ‌గ‌న్ ప్ర‌ధాని న‌రేంద్ర మోడీ తిరుప‌తి వ‌చ్చిన‌ప్పుడు స్వ‌యంగా ఆయ‌నకు విష‌యం చెప్పి ఆమోదం పొందార‌ని తెలుస్తోంది. ప్ర‌ధాని ఇచ్చిన మాట‌తోనే ఆయ‌న ఓ క‌మిటీని కూడా ఏర్పాటు చేశారు. క‌మిటీ ఏర్పాటు విష‌యం తెలుసుకున్న కేంద్ర‌మంత్రి ఈసారి నేరుగా జ‌గ‌న్‌కు లేఖ రాశారు. విద్యుత్ కొనుగోలు ఒప్పందాల జోలికి వెళ్ల‌వ‌ద్ద‌ని ఆయ‌న ఈసారి నేరుగా చెప్పారు. 

దీంతో జ‌గ‌న్ కొంత అసంతృప్తికి గుర‌య్యార‌ని తెలుస్తోంది. ఈ విష‌యంలో వెన‌క్కు త‌గ్గ‌వ‌ద్ద‌ని భావించిన ఆయ‌న రాష్ట్ర ప్ర‌భుత్వ స‌ల‌హాదారు అజ‌య క‌ల్లాంతో ప్రెస్ మీట్ పెట్టి మ‌రీ రాష్ట్ర ప్ర‌భుత్వ నిర్ణ‌యాన్ని స‌మ‌ర్ధించుకున్నారు. త‌ర్వాత పోల‌వ‌రం విష‌యంలోనూ లోక్‌స‌భ‌లో జ‌గ‌న్ వాద‌న‌కు భిన్నంగా కేంద్ర‌మంత్రి మాట్లాడారు.

వైసీపీ ఎంపీ విజ‌య‌సాయిరెడ్డి అడిగిన ప్ర‌శ్న‌కు స‌మాధానంగా పోల‌వ‌రం నిర్మాణంలో ఎటువంటి ఆరోప‌ణ‌లు, ఆధారాలు లేవ‌ని కేంద్ర‌మంత్రి స్ప‌ష్టం చేశారు. ఈ రెండు అంశాలు టీడీపీ వారికి ఆయుధంగా మారాయి. చూశారా.. త‌మ హ‌యాంలో ఎటువంటి త‌ప్పులూ జ‌ర‌గ‌లేద‌ని, వైసీపీ కావాల‌నే త‌మ‌కు అవినీతి మ‌ర‌క అంటించాల‌ని భావిస్తుంద‌ని టీడీపీ నేత‌లు ప్ర‌చారం చేసుకుంటున్నారు.

ఇది వైసీపీకి ఇబ్బందిక‌రంగా మారింది. దీంతో కేంద్రం ఒప్పుకున్నా.. ఒప్పుకోక‌పోయినా తెలుగుదేశం ప్ర‌భుత్వ హ‌యాంలో జ‌రిగిన అవినీతిపై విచార‌ణ జ‌రిపించాల్సిందేన‌ని, ఇందుకు గానూ వేసిన కేబినెట్ స‌బ్ క‌మిటీ నివేదిక అంద‌గానే విచార‌ణ ప్రారంభించాల‌ని ముఖ్య‌మంత్రి జ‌గ‌న్ భావిస్తున్న‌ట్లు తెలుస్తోంది.

ఇక‌, ప్ర‌త్యేక హోదా స‌హా విభ‌జ‌న హామీల అమ‌లులోనూ కేంద్రం స‌హ‌క‌రించ‌డం లేద‌ని, పైగా రాష్ట్ర బీజేపీ త‌మ‌పై ఆరోప‌ణ‌లు ప్రారంభించినందున ఇక తాను కూడా బీజేపీని ఢీకొట్టేందుకు సిద్ధప‌డుతున్నార‌ని తెలుస్తోంది. మ‌రి, పూర్తి మెజారిటీతో కేంద్రంలో అధికారంలో ఉన్న న‌రేంద్ర మోడీని జ‌గ‌న్ విభేదిస్తారా చూడాలి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle