newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

కులాల కుంప‌టి రాజేస్తున్నారు..!

08-12-201908-12-2019 19:46:06 IST
Updated On 11-12-2019 11:02:36 ISTUpdated On 11-12-20192019-12-08T14:16:06.278Z08-12-2019 2019-12-08T14:16:02.181Z - 2019-12-11T05:32:36.293Z - 11-12-2019

కులాల కుంప‌టి రాజేస్తున్నారు..!
facebooktwitterGooglewhatsappwhatsappGoogle
ఆంధ్ర‌ప్ర‌దేశ్ రాజ‌కీయాల్లో కులాల ప్ర‌భావం చాలా ఎక్కువ‌. గెలుపోట‌ములు కులాల ఆధారంగా లెక్క‌లేసుకోవ‌డం ఇక్క‌డ స‌హ‌జ‌మే. రెడ్లు వైసీపీకి, క‌మ్మ‌లు టీడీపీ వైపు ఎక్కువ‌గా ఉంటార‌నేది అంచ‌నా. కాపులు, బీసీలు ఎవ‌రి వైపు మొగ్గుతారో వారే ఎన్నిక‌ల్లో గెలుస్తార‌నే లెక్క‌లు ఉన్నాయి. 2014 ఎన్నిక‌ల్లో కాపులు తెలుగుదేశం పార్టీకి ఎక్కువ ఓట్లేశార‌ని, 2019లో వైసీపీకి ఎక్కువ‌గా ఓట్లేశార‌నే విశ్లేష‌ణ‌లు ఉన్నాయి.

2009లో కాపు సామాజ‌క‌వ‌ర్గానికి చెందిన చిరంజీవి ప్ర‌జారాజ్యం పార్టీని స్థాపించిన‌ప్పుడు మెజారిటీ కాపులు ఆ పార్టీ వైపు నిలిచారు. కానీ, ఆయ‌న సోద‌రుడు ప‌వ‌న్ క‌ళ్యాణ్‌కు మాత్రం కాపులు పూర్తిస్థాయిలో మ‌ద్ద‌తు ఇవ్వ‌లేదు. ఫ‌లితంగా కాపుల ప్ర‌భావం ఎక్కువ‌గా ఉండే ఉభ‌య గోదావ‌రి జిల్లాల్లో వైఎస్సార్ కాంగ్రెస్ పార్టీ స‌త్తా చాటింది.

ఇదంతా ప‌క్క‌న పెడితే ఇటీవ‌ల ఆంధ్ర‌ప్ర‌దేశ్‌లో కాపు వ‌ర్సెస్ రెడ్డి అనే భావ‌న ప్ర‌జ‌ల్లో వ‌చ్చేలా తెగ ప్ర‌య‌త్నాలు జ‌రుగుతున్నాయి. ఇటీవ‌ల ప‌వ‌న్ క‌ళ్యాణ్ రాయ‌ల‌సీమ ప‌ర్య‌ట‌న‌లో జ‌రిగిన ప‌రిణామాల త‌ర్వాత ఈ ప్ర‌య‌త్నం పెరిగింది. ఇది మ‌రీ శృతి మించి రెండు కులాల మ‌ధ్య కుంప‌టి రాజేసే ప్ర‌య‌త్నాలు జ‌రుగుతున్నాయి.

ఆంధ్ర‌ప్ర‌దేశ్‌లో రాజ‌కీయాలు చేయాలంటే కులాల లెక్క‌ల‌ను ప‌క్కాగా వేసుకోవాల‌నేది పార్టీల భావ‌న‌. ఇక్క‌డ‌ రాజ‌కీయ స‌మీక‌ర‌ణాల‌న్నీ సామాజ‌క‌వ‌ర్గ స‌మీక‌ర‌ణ‌లే. గ‌త ఎన్నిక‌ల్లో టీడీపీ నుంచి కాపు స‌హా వివిధ సామాజ‌క‌వ‌ర్గాల‌ను త‌మ వైపు తిప్పుకోవ‌డంలో జ‌గ‌న్ స‌క్సెస్ అయ్యారు. ఇది ఇలానే కొన‌సాగితే వ‌చ్చే ఎన్నిక‌ల్లోనూ తెలుగుదేశం పార్టీ, జ‌న‌సేన పార్టీకి భంగ‌పాటు త‌ప్ప‌దు.

చంద్ర‌బాబు నాయుడు ఒక్క క‌మ్మ సామాజ‌క‌వ‌ర్గానికే ప్రాధాన్య‌త ఇస్తున్నార‌ని ముద్ర వేయ‌డంలో స‌క్సెస్ అయిన వైసీపీ గ‌త ఎన్నిక‌ల్లో టీడీపీని దెబ్బ కొట్టింది.

ఇప్పుడు ఇదే స్ట్రాట‌జీతో టీడీపీ, జ‌న‌సేన ఉన్న‌ట్లు క‌నిపిస్తోంది. అందుకే, జ‌గ‌న్‌పై రెడ్డి ముద్ర వేసేందుకు జ‌గ‌న్‌ను జ‌గ‌న్ రెడ్డి అంటూ ప‌వ‌న్ క‌ళ్యాణ్ సంబోధిస్తున్నారు. జ‌గ‌న్ కొంద‌రికే ముఖ్య‌మంత్రిగా వ్య‌వ‌హ‌రిస్తున్నందునే తాను ఇలా పిలుస్తున్నాన‌ని ప‌వ‌న్ క‌ళ్యాణ్ బ‌హిరంగంగానే ప్ర‌క‌టించారు.

ఇక‌, ఈ విష‌యంలో టీడీపీ కొంచెం ఆచితూచి వ్య‌వ‌హ‌రిస్తున్నా.. జ‌గ‌న్ రెడ్ల‌కు మాత్ర‌మే ప్రాధాన్య‌త ఇస్తున్నార‌నే ప్ర‌చారం చేస్తోంది. ఇవ‌న్నీ ఒక ఎత్తైతే తాజాగా జ‌రుగుతున్న ప‌రిణామాలు మాత్రం శృతి మించాయి.

రాజ‌కీయాల కోసం కులాల మ‌ధ్య చిచ్చు పెడుతున్న‌ట్లు క‌నిపిస్తోంది. ఇటీవ‌ల ప‌వ‌న్ క‌ళ్యాణ్ రాయ‌ల‌సీమ‌లో ప‌ర్య‌టించారు. ఈ స‌మ‌యంలో రాప్తాడుకు చెందిన జ‌న‌సేన నేత సాకె ప‌వ‌న్ తీవ్ర వ్యాఖ్య‌లు చేశారు. ఎమ్మెల్యే ప్ర‌కాశ్ రెడ్డే కాదు ఏ రెడ్డిదైనా త‌ల న‌రికేందుకు సిద్ధ‌మ‌ని హెచ్చ‌రించారు.

ఇది సంచ‌ల‌నం సృష్టించింది. ప‌వ‌న్ క‌ళ్యాణ్ సైతం ఈ వ్యాఖ్య‌ల‌ను త‌ప్పుప‌ట్ట‌లేదు. ఈ వ్యాఖ్య‌ల‌కు వైసీపీ రియాక్ట్ అయితే ఎవ‌రికీ ఇబ్బంది ఉండేది కాదు. కానీ, ఏదో రెడ్డి సంఘం ఒక‌టి మాట్లాడి తాము త‌ల‌లు న‌రికేందుకు సిద్ధ‌మే అని ప్ర‌క‌టించింది. వైసీపీ - జ‌న‌సేన మ‌ధ్య ఉన్న ఈ మొత్తం వివాదాన్ని రెడ్డి వ‌ర్సెస్ కాపు కులాల మ‌ధ్య జ‌రుగుతున్న‌ట్లు చిత్రీక‌రించేందుకు ఓ మీడియా సంస్థ‌ బాగా క‌ష్ట‌ప‌డుతోంది.

రెండు కులాల‌కు చెందిన వారితో రెచ్చ‌గొట్టే ప్ర‌క‌ట‌న‌లు ఇప్పిస్తోంది. వాస్త‌వానికి, రెడ్డి, కాపు సామాజ‌క‌వ‌ర్గ ప్ర‌జ‌లు అన్న‌ద‌మ్ముల్లా క‌లిసి ఉంటారు. ఇప్ప‌టివ‌ర‌కు ఈ రెండు సామాజ‌క‌వ‌ర్గాల మ‌ధ్య ఎటువంటి వివాదాలూ లేవు. కానీ, ఎవ‌రో ఓ నియోజ‌క‌వ‌ర్గ స్థాయి నేత మాట్లాడిన మాట‌ల‌ను ప‌ట్టుకొని కులాల మ‌ధ్య చిచ్చుగా మార్చేందుకు ప్ర‌య‌త్నాలు జ‌రుగుతుండ‌టం కొంద‌రికి తాత్కాలిక రాజ‌కీయ ప్ర‌యోజ‌నాలు ఇస్తాయేమో కానీ దీర్ఘ‌కాలికంగా ప్ర‌జ‌ల మ‌ధ్య దూరం పెరిగే ప్ర‌మాదం ఉంది.

ఇది తెలిసి కూడా మీడియా బాధ్య‌త మ‌రిచి స‌ద‌రు మీడియా సంస్థ రెండు కులాల మ‌ధ్య వార్ జ‌రుగుతున్న‌ట్లు పెద్ద ఎత్తున వార్త‌లు వేస్తోంది. వాస్త‌వానికి సాకె ప‌వ‌న్ అంత పెద్ద స్థాయి నేత కూడా కాదు. ఇక కుల సంఘాల విష‌యానికి వ‌స్తే ఒక్కో కులానికి 10 నుంచి 100కు పైగా సంఘాలు ఉన్నాయి. కానీ, ఓ చిన్న నేత‌, ఒక్క కుల సంఘం మాట‌ల ఆధారంగా రెండు కులాల మ‌ధ్య చిచ్చు పెట్ట‌డం మాత్రం స‌రైన‌ది కాద‌ని రాజ‌కీయ విశ్లేష‌కులు అభిప్రాయప‌డుతున్నారు.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle