newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

కారుణ్య మరణానికి రాజధాని రైతులు రాష్ట్రపతికి దరఖాస్తు..

01-01-202001-01-2020 19:30:11 IST
Updated On 02-01-2020 15:27:12 ISTUpdated On 02-01-20202020-01-01T14:00:11.297Z01-01-2020 2020-01-01T13:59:58.267Z - 2020-01-02T09:57:12.625Z - 02-01-2020

కారుణ్య మరణానికి రాజధాని రైతులు రాష్ట్రపతికి దరఖాస్తు..
facebooktwitterGooglewhatsappwhatsappGoogle
ఆంధ్రప్రదేశ్ లో ప్రస్తుత పరిస్థితిలు అందరికీ తెలిసిందే. గత టీడీపీ ప్రభుత్వం విశ్వనగరంగా నిర్మించాలని తలపెట్టిన అమరావతిని ఇప్పటి జగన్మోహన్ రెడ్డి ప్రభుత్వం అభివృద్ధి వికేంద్రీకరణ పేరుతో రాజధానిని మూడు ముక్కలు చేయనున్నామని ప్రకటించారు. అందుకు ప్రభుత్వం మాజీ సీఎం చంద్రబాబుపై ఆరోపణలు.. కులాల ముద్ర వేయడం కూడా జరిగిపోయింది.

సీఎం జగన్ తీసుకున్న ఈ నిర్ణయంలో అభివృద్ధి వికేంద్రీకరణ లేదని కేవలం పరిపాలన వికేంద్రీకరణ మాత్రమేనని మేధావులు తేల్చి చెప్పారు. ప్రస్తుతానికి ప్రభుత్వం కమిటీలతో కాలయాపన చేస్తుండగా రాజధాని కోసం భూములిచ్చిన రైతులు మాత్రం ఆందోళనతో పోరాడుతున్నారు. ఇప్పటికే రైతుల ఆందోళనకు మిగతా రాజకీయ పార్టీలు, ప్రజాసంఘాలు మద్దతు ప్రకటించగా రోజు రోజుకీ ఆందోళనలు ఉధృతమవుతున్నాయి.

మరోవైపు ప్రభుత్వం ఆందోళనను అణచివేసేందుకు విశ్వప్రయత్నాలు చేస్తుంది. ఇందులో భాగంగానే రైతులకు భూములు అభివృద్ధి చేసి ఇస్తామని మంత్రులు ప్రకటిస్తుండగా వేలసంఖ్యలో పోలీసులను దించి ఆందోళనలు అడ్డుకొనే ప్రయత్నం చేస్తున్నారు. అయితే రైతులు మాత్రం రాజధానిపై పట్టువదలకుండా పోరాడుతున్నారు. ఇంకా పోరాటాన్ని ఉదృతం చేసేందుకు సన్నాహాలు చేసుకుంటున్నారు.

కాగా, రాజధాని రైతులు తాజాగా ఉమ్మడి కారుణ్య మరణానికి రాష్ట్రపతికి లేఖ రాశారు. ఈ లేఖలో రైతులు రాజధాని తరలింపుతో తమ భవిష్యత్ అంధకారంగా మారుతుందని.. ఇక తమకి చావే దిక్కని పేర్కొన్నారు. సీఎం జగన్ స్వలాభం కోసమే రాజధాని తరలింపు కుట్ర చేస్తున్నారని.. రెండు వారాలుగా నిరసనలు తెలుపుతున్నా తమ గోడు వినే దిక్కు లేదని తెలిపారు.

అధికార పార్టీ నేతలు తమ నిరసనలను కూడా అవహేళన చేసేలా పెయిడ్ ఆర్టిస్టులు అని స్టేట్మెంట్లు ఇస్తున్నారని.. రైతులపై భౌతిక దాడులకు కూడా దిగుతున్నారని పేర్కొన్నారు. మాకు అండగా నిలవాల్సిన ప్రభుత్వమే కులం పేరుతో రాజధాని కోసం భూములను త్యాగం చేసిన రైతులపై కక్ష్య కట్టిందని పేర్కొన్నారు. మా పిల్లల భవిష్యత్ అంధకారంగా మారిపోతుంటే చూసి భరించలేకపోతున్నామన్నారు.

జీవచ్ఛవంలా ఇలా బ్రతికి ఉండడం కన్నా చావే మేలని నిర్ణయించుకున్నామని.. దయచేసి తమకి కారుణ్య కారణానికి అనుమతి ఇవ్వాలని రాష్ట్రపతిని లేఖలో కోరారు. ఈ లేఖ ఇప్పడు దేశవ్యాప్తంగా సంచలనంగా మారింది. ఇప్పటికే కేంద్రం రాజధాని తరలింపుపై సానుకూలంగా లేదన్న అభిప్రాయం వినిపిస్తుండగా రాష్ట్రపతి ఈ లేఖపై ఎలా స్పందిస్తారన్నది ఆసక్తిగా మారింది.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle