newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

ఐఏఎస్ శ్రీలక్ష్మి పడరానిపాట్లు.. తోడుగా విజయసాయి

29-11-201929-11-2019 13:28:08 IST
Updated On 29-11-2019 14:44:33 ISTUpdated On 29-11-20192019-11-29T07:58:08.984Z29-11-2019 2019-11-29T07:57:52.765Z - 2019-11-29T09:14:33.422Z - 29-11-2019

ఐఏఎస్ శ్రీలక్ష్మి పడరానిపాట్లు.. తోడుగా విజయసాయి
facebooktwitterGooglewhatsappwhatsappGoogle
ఉమ్మడి రాష్ట్రంలో అవినీతి మరకలు అంటిన ఐఏఎస్ అధికారులలో శ్రీలక్ష్మి ముందువరసలో ఉన్నారు. ఇప్పటి ఏపీ సీఎం జగన్మోహన్ రెడ్డి తండ్రి రాజశేఖరరెడ్డి సీఎంగా ఉన్న సమయంలో పాల్పడిన అవినీతి, అక్రమసంపాదన కేసులలో శ్రీలక్ష్మి కీలకంగా వ్యవహరించారని సిబిఐ తన ఛార్జ్ షీట్లలో ఆరోపించింది. ఆ కేసులలో అప్పటి మంత్రులతో పాటు మరికొందరు ఐఏఎస్ అధికారుల పేర్లు కూడా ఉన్న సంగతి తెలిసిందే.

కొన్నాళ్ల పాట్లు జైలు జీవితం కూడా గడిపిన శ్రీలక్ష్మి రాష్ట్ర విభజన తరువాత తెలంగాణ క్యాడర్ లోకి వెళ్లిపోయారు. అయితే ఏపీలో జగన్మోహన్ రెడ్డి సీఎం అయ్యాక ఏపీకి వచ్చేందుకు రకరకాల ప్రయత్నాలు చేస్తున్నారని వినిపించింది. వీటికి తగ్గట్లే శ్రీలక్ష్మి తెలంగాణకు సంబంధించి విధులకు హాజరుకాకపోగా ఏపీ సీఎంఓలోకి తీసుకోవాలని కేంద్రం వద్ద ప్రతిపాదన పెట్టారు. ఈ ప్రపోజల్ కొద్దిరోజులుగా పెండింగ్ లో ఉంది.

జగన్ ప్రభుత్వం కొలువుదీరాక తెలంగాణ నుంచి స్టీఫెన్ రవీంద్ర అనే మరో ఐపీఎస్ ను డిప్యూటేషన్ పై ఏపీకి తీసుకురావాలని జగన్ భావించారు. అయితే సర్వీస్ రూల్స్ ప్రకారం అలా పంపడం కుదరదని కేంద్రం తేల్చిచెప్పేసింది. ఇక ఐఏఎస్ శ్రీలక్ష్మి విషయంలో మాత్రం కేంద్రప్రభుత్వం గత నాలుగు నెలలుగా పెండింగ్ లోనే ఉంచింది. దేనికోసం శ్రీలక్ష్మి పడరాని పాట్లు పడుతున్నట్లుగా కనిపిస్తుంది.

ఆ మధ్య కొద్దిరోజులు ఢిల్లీలో ఉన్న శ్రీలక్ష్మి పలువురు కేంద్రమంత్రులతో సంప్రదింపులు జరిపారు. దీనికోసంగా ఢిల్లీలో ఏపీ వ్యవహారాలను అధికారికంగా చూస్తున్న విజయసాయి రెడ్డి శ్రీలక్ష్మి వ్యవహారంలో రాయబారం నడుపుతున్నారు. కానీ కేంద్రంలో మాత్రం ఈ విషయంలో స్పష్టత ఇవ్వడం లేదు. ఇప్పుడు విజయసాయి రెడ్డి- శ్రీలక్ష్మి మరోసారి కేంద్ర పెద్దల వద్ద సంప్రదింపులు మొదలుపెట్టారు.

ప్రస్తుతం డీల్లీలోని ఏపీ భవన్ లో మకాంవేసిన శ్రీలక్ష్మిని విజయసాయి రెడ్డి వెంటపెట్టుకొని కేంద్ర సిబ్బంది వ్యవహారాల మంత్రి జితేంద్రసింగ్‌ను పార్లమెంట్‌లో కలిసి క్యాడర్ మార్పుపై మరోసారి సంప్రదింపులు జరిపారు. పార్లమెంట్ సమావేశాలు జరుగుతుండగా మంత్రులు అందుబాటులో ఉండడంతో శ్రీలక్ష్మి క్యాడర్ మార్పుపై పట్టువీడని విక్రమార్కుడిలా ప్రయత్నాలు చేస్తూనే ఉన్నారు.

మరి కేంద్రం దీనిపై స్పష్టత ఇస్తుందో లేదో.. ఇస్తే ఎప్పటికి ఇస్తుందో కానీ ఈలోగా ఏపీ ఖజానాకు చిల్లుపడుతుంది. ఇంకా తెలంగాణ క్యాడర్లోనే ఉన్న శ్రీలక్ష్మి ప్రస్తుతం ఏపీ భవన్ లోనే మకాం వేసి ఉన్నారు. ఆమెకి సకల సౌకర్యాలను ఏపీ ప్రభుత్వమే భరిస్తుంది. నిబంధనల ప్రకారం ఇంకా తెలంగాణకే చెందిన డీల్లీలో పెట్టే ప్రతిరూపాయిని ఏపీ ప్రభుత్వమే చెల్లిస్తుంది.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle