newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

ఐఎండీ కంటే బాబు ఆర్టీజీఎస్ బెస్ట్!

19-12-201819-12-2018 15:30:18 IST
2018-12-19T10:00:18.173Z19-12-2018 2018-12-19T10:00:15.840Z - - 17-07-2019

ఐఎండీ కంటే బాబు ఆర్టీజీఎస్ బెస్ట్!
facebooktwitterGooglewhatsappwhatsappGoogle
అత్యాధునిక టెక్నాలజీని తనకంటే మెరుగ్గా ఎవరూ ఉపయోగించలేరని ఏపీ సీఎం చంద్రబాబు చెబుతుంటారు. అవే పలుకులు ఆయన నోటి నుంచి మళ్ళీ వెలువడ్డాయి. తుపానులు, వర్షాల సమాచారం ఇచ్చే భారత వాతావరణ శాఖ కంటే తన టెక్నాలజీయే గ్రేట్‌ అని సీఎం చంద్రబాబు వ్యాఖ్యానించడం చర్చనీయాంశంగా మారింది. పెథాయ్ తుపాను సందర్భంగా రియ‌ల్ టైమ్ గ‌వ‌ర్నెన్స్ సొసైటీ (ఆర్టీజీఎస్).  1100 కాల్ సెంటర్ ద్వారా బాధితులకు అవసరమయిన సాయం చేయడం, సందేహాలను తీర్చడం సమర్థవంతంగా నిర్వహించామన్నారు. ఇస్రోతో కలిసి ప్రపంచంలోనే అత్యుత్తమ టెక్నాలజీని అందుబాటులోకి తెచ్చానని చంద్రబాబు చెప్పారు. తాను తెచ్చిన ఆర్టీజీఎస్ వ్యవస్థ అద్భుతమైన ఫలితాలను ఇస్తోందన్నారు. పెథాయ్‌ తుపాను కాకినాడ – ఒంగోలు మధ్య తీరం దాటుతుందని ఐఎండీ అంచనా వేయగా, తాను తెచ్చిన టెక్నాలజీ యానాం – తుని మధ్య అని చెప్పగలిగిందన్నారు. పెథాయ్‌ తుపాన్‌ ప్రభావిత ప్రాంతాల్లో పర్యటించేందుకు తూర్పు గోదావరి జిల్లాకు వచ్చిన ముఖ్యమంత్రి చంద్రబాబు కాకినాడ కలెక్టరేట్‌లోని కమాండ్‌ కంట్రోల్‌ కేంద్రంలో మీడియాతో మాట్లాడారు. 

ఆర్టీజీఎస్ వ్యవస్థ ద్వారా ‘భవిష్యత్తులో తుపాన్లు ఎప్పుడు వస్తాయి? వాటి తీవ్రత ఎలా ఉండబోతుంది? ఎక్కడ తీరం దాటుతుందో చెప్పడమే కాదు. ఎన్ని చెట్లు, విద్యుత్‌ స్తంభాలు, ఇళ్లు కూలిపోతాయి? ప్రభుత్వ, ప్రైవేటు ఆస్తులకు ఏ మేరకు నష్టం వాటిల్లబోతుందో కూడా చెప్పగలిగే స్థాయిలో టెక్నాలజీని అభివృద్ధి చేస్తున్నాం’ అని పేర్కొన్నారు. కోనసీమలో 22 ఏళ్ల క్రితం వచ్చిన తుపాను మొదలుకొని లైలా, హుదూద్, ఇటీవల తిత్లీ వరకూ అన్ని భారీ తుపాన్లనూ సాంకేతిక పరిజ్ఞానంతో తాను ఎదుర్కొన్నానన్నారు. కాంగ్రెస్‌ ప్రభుత్వ హయాంలో ఏ స్థాయిలో తుపాను వచ్చినా పట్టించుకోలేదని విమర్శించారు. భారత వాతావరణ శాఖ వెదర్ రీసెర్చ్ ఫోర్ కాస్ట్ ( డబ్ల్యూఆర్ఎఫ్) ఉపయోగిస్తుంటే ఆర్టీజీఎస్ విభాగం అంతర్జాతీయంగా ప్రఖ్యాతి గాంచిన యూరోపియన్ సెంటర్ ఫర్ మీడియం రేంజ్ వెదర్ ఫోర్ కాస్ట్ (ఈఎండబ్ల్యూఎఫ్) ద్వారా సముద్రంలో ఏర్పడే ఉపరితల ఆవర్తనం, అల్పపీడనం, తుపానులను ఖచ్చితంగా అంచనా వేయగలుగుతున్నామన్నారు. షార్ సాయంతో ఆర్టీజీఎస్ మరింత సమర్థంగా పనిచేయనుందన్నారు. ఆర్టీజీఎస్‌లో వివిధ వాతావరణ విభాగాలకు చెందిన 30మంది నిపుణులు అందుబాటులో ఉన్నారన్నారు. తుపానుల గురించి తెలుసుకునేందుకు, సముద్ర తీరంలో తాజా వాతావరణ పరిస్థితులను అవగాహన చేసుకునేందుకు యాప్ అందుబాటులోకి తెచ్చామన్నారు. తుపానులకు సంబంధించి ఇతర రాష్ట్రాలకు ఆంధ్రప్రదేశ్ మార్గదర్శకంగా నిలిచిందంటున్నారు.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle