newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

ఏపీ సీఎంఓలో మొదలైన మరో ముసలం

11-11-201911-11-2019 00:02:49 IST
2019-11-10T18:32:49.766Z11-11-2019 2019-11-10T18:32:43.228Z - - 15-08-2020

ఏపీ సీఎంఓలో మొదలైన మరో ముసలం
facebooktwitterGooglewhatsappwhatsappGoogle
ఏపీ సీఎంఓలో మరో లొల్లి మొదలైనట్లుగా తెలుస్తుంది. సీఎంఓకు.. ప్రభుత్వానికి.. ముఖ్యమంత్రి వ్యక్తిగత అధికారులకి మధ్య తరచుగా వివాదాలు నడుస్తూనే ఉన్నాయని ఈమధ్యనే బహిర్గతం కాగా ఇప్పుడు మరో వివాదం మొదలైనట్లుగా తెలుస్తుంది. మొన్నటి వివాదానికి సీఎంవో ముఖ్యకార్యదర్శి, సాధారణ పరిపాలనశాఖకు కూడా ముఖ్యకార్యదర్శిగా ఉన్న ప్రవీణ్ ప్రకాష్ కారణం కాగా ఈ వివాదానికి కూడా ఆయనే మూలంగా ప్రభుత్వం భావిస్తుంది.

సీఎంఓ ముఖ్యకార్యదర్శిగా ఉన్న ప్రవీణ్ ప్రకాష్ విచక్షణాధికారాలు చెలాయిస్తున్నారని సీఎస్ గా ఉన్న ఎల్వీ సుబ్రహ్మణ్యం షోకాజ్ నోటీసులు జారీచేస్తే.. తనకున్న పలుకుబడినంతా ఉపయోగించి మరీ సిఎస్ ను అవమానకరంగా బదిలీ చేసిన సంగతి అందరికీ తెలిసిందే. కాగా ఇప్పుడు ప్రవీణ్ ప్రకాష్ ప్రభుత్వానికి ఆగ్రహం వచ్చేలా మరో కార్యానికి పూనుకున్నారట.

ప్రస్తుతం రాష్ట్ర ఆర్ధిక పరిస్థితి దారుణంగా ఉందన్న సంగతి తెలిసిందే. ప్రతినెలా జీతాలకు, సంక్షేమ పథకాలకు అప్పులు చేసి నానా తిప్పలు పడీ చెల్లింపులు చేస్తుంది. ఈ ఆర్ధిక కష్టాల స్థితి ప్రభుత్వంలో ఉన్నవారికి.. సీఎంఓలో అధికారులకు ఇంకా బాగా తెలుసు. ప్రభుత్వ ఆర్ధిక లోటు కారణంగా ప్రభుత్వంలో పనిచేసే శాఖలతో పాటు సీఎంఓలో కొన్ని శాఖలలో పనిచేసే ఔట్ సోర్సింగ్ ఉద్యోగులకు రెండు నెలల జీతాలను చెల్లించలేదు.

ఈ క్రమంలోనే ప్రవీణ్ ప్రకాష్ ముఖ్యకార్యదర్శిగా ఉన్న శాఖలో ఔట్ సోర్సింగ్ ఉద్యోగులకు కూడా రెండు నెలల జీతం పెండింగ్ లో ఉంది. ఆ ఉద్యోగులు తరచుగా ప్రవీణ్ ప్రకాష్ వద్దకు వెళ్లి జీతాల గురించి సతాయిస్తున్నారట. దీంతో ఆగ్రహం తెచ్చుకున్న ప్రవీణ్ ప్రకాష్ ఆర్ధికశాఖకు ఓ లేఖ రాశారట. ఇకపై ప్రతినెలా మొదట తన శాఖలో ఔట్ సోర్సింగ్ ఉద్యోగులకు జీతాలను చెల్లించిన తర్వాతనే తనకు జీతాన్ని జమచేయాలని లేఖలో పేర్కొన్నారు.

ప్రవీణ్ ప్రకాష్ లేఖపై అటు ప్రభుత్వం, ఆర్ధికశాఖ గుర్రుగా ఉన్నాయట. ప్రభుత్వం ఉన్న పరిస్థితి తెలిసినా అయన అలా స్పందించడం సమంజసంగా లేదని భావిస్తున్నారట. ఆర్థికశాఖ ప్రభుత్వంలోని శాశ్వత ఉద్యోగులకు జీతాల కోసమే నానాయాతన పడుతుంటే ఔట్ సోర్సింగ్ ఉద్యోగులకు కూడా ప్రతినెలా సరైన సమయంలో జీతాలు చెల్లించడమంటే ఎంతకష్టమో ఊహించే ఈ లేఖ రాశారా? అని ప్రశ్నిస్తున్నారట.

కేవలం ప్రవీణ్ ప్రకాష్ ముఖ్యకార్యదర్శిగా ఉన్న శాఖలు సాధారణపరిపాలన, సీఎంఓకు మాత్రమే అయితే ఎలాగోలా చెల్లిస్తామని.. ఇప్పుడు వారిని చూసి మిగతా శాఖల ఉన్నతాధికారులు కూడా ఒత్తిడి తెస్తున్నారని.. చెల్లింపులు ఎలా సాద్యమని ప్రశ్నిస్తున్నారట. ప్రభుత్వంలో దాదాపు అన్ని శాఖలలో ఔట్ సోర్సింగ్ ఉద్యోగులు కీలకంగా ఉండగా అందరికీ ఈ జీతాల చెల్లింపులో జాప్యమే జరుగుతుంది.

ఇక అన్నిశాఖలలో ప్రధాన కార్యదర్శుల దగ్గర పనిచేసే వారిలో సగానికిపైనే ఈ ఉద్యోగులు ఉన్నారు. అందరికీ ప్రతినెలా మొదటి వారంలో అంటే జరగని పని అని ఆర్ధికశాఖ స్పష్టం చేసిందట. అవసరాన్నిబట్టి.. శాఖలను బట్టి.. నిధుల లభ్యతను బట్టి సర్దుబాట్లు మాత్రమే చేయగలమని.. ఎవరికి వారు తమ నిజాయతీలను నిరూపించుకోవడానికి తమని వాడుకోవడం మంచిపద్దతా అని ప్రశ్నిస్తున్నారట. మరి ఈ కొత్త వివాదం ఎటు దారితీస్తుందో చూడాల్సిఉంది.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle