newssting
BITING NEWS :
*బెంగళూరు వన్డేలో టీమ్ ఇండియా విజయం. 3 వన్డేల సీరీస్ ను 2-1 తేడాతో కైవసం చేసుకున్న టీమ్ ఇండియా. 7 వికెట్ల తేడాతో ఆస్ట్రేలియాపై గెలుపు *అమరావతిలో హైటెన్షన్.. అసెంబ్లీ ముట్టడికి టీడీపీ ప్లాన్*చంద్రబాబు ప్రజలకు వాస్తవాలు చెప్పడం లేదు. రాజధాని రైతులకు జగన్ కౌలు కూడా ఇచ్చారు. సామాన్యులకు రాజధానితో పనేముంది? అమరావతిలో పోలీసులకు చంద్రబాబు నీళ్లు కూడా ఇవ్వకుండా చేస్తున్నారు-హోంశాఖ మంత్రి సుచరిత *ఇవాళ అసెంబ్లీ ప్రత్యేక సమావేశం *బెజవాడలో నేతలకు పోలీసుల నోటీసులు. టీడీపీ మాజీ ఎమ్మెల్యేలు బోండా ఉమ, ఎంపీ కేశినేని నానికి నోటీసులు. ఎమ్మెల్సీలు బుద్దా, రాజేంద్రప్రసాద్, తంగిరాల సౌమ్య సహా పలువురు టీడీపీ నేతలకు నోటీసులు. వామపక్షాలు, జేఏసి నేతలకు కూడా పోలీసుల నోటీసులు *రేపటి కేబినెట్, అసెంబ్లీకి రహస్యంగా సిద్ధమవుతోన్న నోట్స్, బిల్లులు. గుంభనంగా సాగుతున్న ప్రభుత్వ చర్యలు*తెలంగాణలో ఊపందుకున్న మునిసిపల్ పోరు *తెరాస, కాంగ్రెస్ పార్టీలు ఒకేగూటి పక్షులు. తెరాస కు ఓటు వేస్తె ఎంఐఎం కు ఓటు వేసినట్టే. కేంద్రం ఇచ్చిన నిధులతోనే తెలంగాణలో అభివృద్ధి. కేంద్రం నిధులపై కేటీఆర్ చర్చకు సిద్ధమా ? - లక్ష్మణ్ *విశాఖ: ఓట్ల కోసం గాజువాక.. రాజకీయాలకు అమరావతి కావాల్సి వచ్చిందా? గాజువాక ప్రజలకు పవన్ కల్యాణ్ క్షమాపణలు చెప్పాలి-మంత్రి అవంతి శ్రీనివాస్

ఏపీ సర్కార్ నవశకం.. ప్రతివ్యక్తికి ఓ కార్డు

01-12-201901-12-2019 13:05:44 IST
Updated On 02-12-2019 14:24:17 ISTUpdated On 02-12-20192019-12-01T07:35:44.819Z01-12-2019 2019-12-01T07:35:37.458Z - 2019-12-02T08:54:17.636Z - 02-12-2019

ఏపీ సర్కార్ నవశకం.. ప్రతివ్యక్తికి ఓ కార్డు
facebooktwitterGooglewhatsappwhatsappGoogle
ఏపీ సర్కార్ ఇప్పటివరకు అమ్మ ఒడి, రైతు భరోసా, పెన్షన్ల పెంపు, ఆరోగ్యశ్రీలో మార్పులు, కాలేజీ విద్యార్థులకు ఇరవై వేలు, క్యాబ్ డ్రైవర్లకు పదివేలుతో పాటు సీఎం జగన్ ఎన్నికల ప్రచారంలో పేర్కొన్న మిగతా నవరత్నాలను కూడా అమలు చేసేందుకు కసరత్తులు చేస్తున్నారు. అయితే వీటిలో లబ్ధిదారులకు అర్హతలలో మాత్రం విధివిధానాలను ఆ పార్టీ నేతలే ఖరారు చేస్తున్నారని విమర్శలొస్తున్నాయి.

నవరత్నాల సంగతెలా ఉన్నా ఇప్పుడు ప్రభుత్వం నవశకం పేరుతో మరో కార్యక్రమానికి శ్రీకారం చుడుతోంది. రాష్ట్రంలో ప్రతి కుటుంబానికి.. ప్రభుత్వ పథకం అర్హత సాధించిన ప్రతివ్యక్తికి ఓ కార్డు ఇవ్వడమే ఈ కార్యక్రమం ఉద్దేశ్యం కాగా గరిష్టంగా మొత్తం ఈ కార్యక్రమంలో తొమ్మిది కార్డులు ఉంటాయి. మొత్తం తొమ్మిది కార్డులు పొందే కుటుంబం ఉన్నా పెద్దగా ఆశ్చర్యపోవాల్సిన అవసరం లేదు.

ఓ విప్లవంలా ప్రభుత్వం తీసుకొస్తున్న ఈ కార్డుల మేళాలో జనవరి పదవ తేదీలోపు కార్డులు ప్రజలకు చేరేలా ప్రభుత్వం ప్రణాళికలు సిద్ధం చేసి ఉద్యోగులను ఉరుకులు పరుగులు పెట్టిస్తుంది. సరిగా ఈ కార్డులు ప్రజలకు చేరగానే రాష్ట్రంలో పంచాయతీ ఎన్నికలు రానున్నాయి. కార్డులైతే వస్తాయి కానీ అర్హత సాధించిన వారికి లబ్ది మాత్రం ఎన్నికల తర్వాతే వచ్చేలా ప్లాన్ చేసినట్లుగా వినిపిస్తుంది.

అంటే కార్డులు దక్కించుకున్న వారంతా సమగ్రంగా స్థానిక నేతలకు అందుబాటులో ఉంటారు కనుక పంచాయతీ ఎన్నికలలో ఆ పార్టీకి ఓట్లేసిన వాళ్ళకే తర్వాత కార్డుల ద్వారా లబ్ది చేకూరనుంది. అందుకే కార్డుల జారీని ఉరుకుల పరుగుల మీద ఎప్పటికప్పుడు ప్రభుత్వ పెద్దలు, కలెక్టర్లను తొందరపెడుతున్నారు. కలెక్టర్లు రెవెన్యూ శాఖను, వలంటీర్లను, సచివాలయ ఉద్యోగులను పరుగులు పెట్టిస్తున్నారు.

అయితే గత ప్రభుత్వంలో చంద్రబాబు కూడా సాధారణ ఎన్నికలకు ముందు పసుపు-కుంకుమ, క్యాబ్ డ్రైవర్లకు నగదు వంటి పథకాలను కూడా హడావుడిగానే మొదలుపెట్టారు. ఎన్నికలే టార్గెట్ గా చంద్రబాబు ఆ పథకాలను అమలు చేసినా ప్రజలు ఏ మాత్రం పట్టించుకోలేదు. పైగా అయన సొంత సొమ్ము ఏమైనా ఇచ్చారా అంటూ ఇష్టం వచ్చిన వాళ్ళకి ఓటేశారు.

అలానే జగన్ ఆరునెలల పాలనలో చేసిన అభివృద్ధి, సంక్షేమం, రాష్ట్రంలో పరిస్థితులు వంటివి మాత్రమే పంచాయతీ ఎన్నికల ఫలితాలలో ఆ పార్టీకి గెలుపు, ఓటములు నిర్ణయిస్తుంది కానీ ఈ కార్డులు ఏ మాత్రం ఓట్లను తెచ్చే పరిస్థితి ఉండదని విశ్లేషకులు అభిప్రాయపడుతున్నారు. మరి వైసీపీ సర్కార్ తెస్తున్న ఈ కొత్త కార్డులు మరి ఎంతవరకు స్థానిక సమరంలో ఓట్లను కొల్లగొట్టనున్నాయో చూడాల్సి ఉంది.

 

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle