newssting
BITING NEWS :
*ఢిల్లీలోనే జనసేన అధినేత పవన్ కల్యాణ్... పలువురు కేంద్రమంత్రులను కలిసే అవకాశం*ఇవాళ తిరుమల శ్రీవారి దర్శనానికి రానున్న సుప్రీంకోర్టు ప్రధాన న్యాయమూర్తి జస్టిస్ రంజన్ గొగోయ్..రేపు ఉదయం శ్రీవారిని దర్శించుకోనున్న చీఫ్ జస్టిస్ *జగన్ సన్ రైజ్ ఆంధ్రప్రదేశ్ ని సూసైడ్ ఆంధ్రప్రదేశ్ గా మార్చేసారు-లోకేష్ * బస్సు రోకోకి ఆర్టీసీ జేఏసీ పిలుపు.. అనుమతిలేదన్న పోలీసులు..బస్ డిపోల దగ్గర 144 సెక్షన్ విధింపు* ఇవాళ కాంగ్రెస్ పార్టీ విస్తృతస్థాయి సమావేశం.. పార్టీ అధ్యక్షత బాధ్యతలు తీసుకున్న తర్వాత సోనియా గాంధీ నేతృత్వంలో తొలిసారి కీలక భేటీ*టీడీపీ నేతలు అచ్చెన్నాయుడు, కూన రవిపై ప్రివిలేజ్ పిటిషన్ ఇచ్చిన వైసీపీ..స్పీకర్ తమ్మినేనిని పరుష పదజాలంతో దూషించారని ఫిర్యాదు *ఎన్నికలు నాకు కొత్తేమీ కాదు.. దమ్ముంటే గన్నవరంలో చంద్రబాబు, లోకేష్ పోటీచేయాలి-వంశీ సవాల్

ఏపీ ప్రజలను కలవరపెడుతున్న కలల రాజధాని!

26-10-201926-10-2019 11:21:40 IST
Updated On 26-10-2019 17:43:40 ISTUpdated On 26-10-20192019-10-26T05:51:40.750Z26-10-2019 2019-10-26T05:51:35.660Z - 2019-10-26T12:13:40.983Z - 26-10-2019

ఏపీ ప్రజలను కలవరపెడుతున్న కలల రాజధాని!
facebooktwitterGooglewhatsappwhatsappGoogle
ఆంధ్రప్రదేశ్ కలల రాజధానిగా అమరావతే ఉంటుందా? అమరావతి అనే నామం చరిత్రగా మారుతుందా? వైసీపీ సర్కార్ అమరావతి నుండి రాజధానిని తరలిస్తుందా? మరోచోటకి మారుస్తుందా? జగన్ ప్రభుత్వం క్యాపిటల్ కోసం నియమించిన కమిటీ మనసులో మాటేంటి? ఆ ప్రభుత్వంలోని మంత్రుల 'అందుబాటులో ఉండే చోటే రాజధాని' మాటల అర్థమేంటి? అసలు సర్కార్ రాజధానిపై ఇచ్చే క్లారిటీ ఏంటి? ఇవే ఇప్పుడు ఏపీ ప్రజల మెదళ్లను తొలిచేస్తున్న ప్రశ్నలు.

ఏపీ రాజధాని కోసం గత తెలుగు దేశం పార్టీ ప్రభుత్వం దాదాపు 33 వేల ఎకరాల భూములను సేకరించింది. దీనికి రాజధాని చుట్టుపక్కల ఉన్న భూములను కలుపుకుంటే దాదాపు యాభై వేల ఎకరాలు రాజధాని పరిధిలో భూమి సమకూరింది. ఆంధ్రుల వారసత్వంతో పాటు ట్రెడిషన్ ను కలిసి అమరావతిగా రాజధానికి నామకరణం జరిగిపోయింది. అక్కడ నుండి ప్రపంచ నగరంగా అమరావతిని నిర్మించేందుకు సీఎం చంద్రబాబు అదే స్థాయిలో కలలు కని ప్రజలను కలలలోకి తీసుకెళ్లారు.

కలలకు తగ్గట్లే సింగపూర్ ప్రభుత్వం, ప్రతినిధుల నుండి రాజధాని కోసం నమూనాలను సేకరించి త్రీడీలో వీడియోలు విడుదల చేశారు. మన రాజధాని ఇలా ఉండబోతుందా అని ప్రజలు విశ్వనగరంపై ఎన్నో ఆశలు పెంచుకున్నారు. ప్రభుత్వం కూడా అందుకు తగ్గట్లే మౌలిక వసతులతో కూడిన నిర్మాణాలకు శంకుస్థాపనలు మొదలయ్యాయి. కనిష్టంగా ఇరవై ఐదు శాతం నుండి గరిష్టంగా డెబ్భై ఐదు శాతం వరకు ప్రధాన నిర్మాణాలు ఆ ప్రభుత్వ హయంలోనే జరిగిపోయాయి.

అదంతా గతం రాష్ట్రంలో ప్రస్తుతం జగన్మోహన్ రెడ్డి ప్రభుత్వం రాజ్యమేలుతుంది. ముందునుండి రాజధాని మీద స్పష్టమైన వైఖరి లేని వైసీపీ అధికారంలోకి వచ్చాక కూడా అదే అస్పష్టత ప్రదర్శిస్తుంది. హైకోర్టు తరలింపుపై మూడు ప్రాంతాలు ఆందోళనకు దిగినా కిమ్మనకుండిపోయిన ప్రభుత్వం రాజధాని అమరావతి మీద కూడా ఎటూ తేల్చడం లేదు. రాజధాని రైతులకు కౌలు చెల్లించిన ప్రభుత్వం రాజధాని నిర్మాణంలో మాత్రం ఒక్క ఇటుకను కదపలేదు.

ఎక్కడైనా భారీ వర్షాలొస్తే వరదలు రావడం సహజం. కానీ ఇక్కడ వరదలొస్తే అమరావతికి భూములిచ్చిన రైతుల గుండెల్లో రైళ్లు పరిగెడుతున్నాయి. ప్రభుత్వం ఎక్కడ భూమి ఎక్కడ వెనక్కు తీసుకోమంటుందోనని రైతులు ఆందోళనలో ఉన్నారు. ఇక రాష్ట్ర ప్రజలది అదే పరిస్థితి. రాజధానంటే రాష్ట్రానికి ఆదాయం తెచ్చిపెట్టే ప్రధాన వనరులలో ఒకటిగా ఉండాలన్నది మేధావుల వాదన. అది అమరావతికి ఉందని నిర్మాణానికి ముందే పలు సందర్భాలలో నిరూపించుకుంది.

అమరావతి పూర్తయితే రాష్ట్రానికి ఓ రూపు కనిపిస్తుందని నమ్మిన వాళ్లంతా ప్రభుత్వం చర్యలకు దిక్కుతోచని స్థితిలోకి వెళ్ళిపోయింది. ఎన్నికలకు ముందు రాజధాని అమరావతికి కట్టుబడి ఉన్నామన్న వైఎస్ జగన్ ప్రభుత్వంలోకొచ్చాక రాజధాని మాట ఎత్తిన పాపాన పోవడం లేదని అసహనం వ్యక్తం చేస్తున్నారు. రాజధానిగా అమరావతిని మార్చబోమన్న వైసీపీ నేతలు ఇప్పడు కమిటీ చెప్పిందే వేదమని మాట్లాడడం అమరావతిపై నీలినీడలు కమ్ముకొచ్చాయి.

ఇప్పటికే అమరావతిలో రాజధాని నిర్మించడం రాష్ట్రానికి ఆర్ధిక భారమన్న ప్రభుత్వ పెద్దలు రేపు కమిటీకి ఏ సూచనలిస్తారు? కమిటీ రాజధాని మార్పు తప్పదంటే అమరావతికి చెల్లిపోయినట్లేనా? గత ప్రభుత్వం రాజధాని కోసం పెట్టిన పదివేలకోట్ల మాటేమిటి? అమరావతిని కాదంటే రాష్ట్రంలో రాజధాని కోసం రగిలే కుంపటి మాటేమిటి? ఇప్పటికే పెట్టుబడుల ఆకర్షణలో అట్టడుగు స్థానంలో ఉన్న రాష్ట్రం ఆందోళనలతో అట్టుడికితే రాష్ట్ర పరిస్థితేంటి? రాష్ట్ర భవిష్యత్తుకు బాధ్యతెవరు? కొత్త ప్రభుత్వం కొత్త రాజధాని ఎంపిక కోసం పుణ్యకాలం పూర్తిచేస్తే రాజధాని లేని రాష్ట్రంగా ఆంధ్ర రాష్ట్రం దశాబ్దాలు గడవాల్సిందేనా? ప్రజలకు ఈ కలవరం తీరేదెప్పుడు? ఇది మా రాజధానని ఆంధ్ర ప్రజలు గర్వంగా చెప్పుకొనేదెన్నడు? అంతా భ్రాంతియేనా!

 

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle