newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

ఏపీ కేబినెట్ భేటీ.. సర్వత్రా ఉత్కంఠ

27-12-201927-12-2019 08:44:06 IST
Updated On 27-12-2019 11:11:32 ISTUpdated On 27-12-20192019-12-27T03:14:06.380Z27-12-2019 2019-12-27T03:07:53.857Z - 2019-12-27T05:41:32.632Z - 27-12-2019

ఏపీ కేబినెట్ భేటీ.. సర్వత్రా ఉత్కంఠ
facebooktwitterGooglewhatsappwhatsappGoogle
ఇవాళ 11 గంటలకు ఏపీ క్యాబినెట్ సమావేశం జరుగుతుంది. రాజధాని మార్పు, జీఎన్‌రావు కమిటీ నివేదికపై చర్చించనున్నారు. ఈ సమావేశంలో ఏం నిర్ణయం తీసుకుంటారోనని సర్వత్రా ఉత్కంఠ రేపుతోంది. కర్నూలులో విద్యార్థులు, ప్రజాసంఘాలు, న్యాయవాదులు నేడు మనవహారాలు, ర్యాలీలకు పిలుపునిచ్చారు.

కర్నూలులో హైకోర్టు ఏర్పాటును అడ్డుకోవద్దని వారు విజ్ఞప్తి చేస్తున్నారు. రైతుల అభిప్రాయాల సేకరణకు క్యాబినెట్ సబ్‌కమిటీ ఏర్పాటవుతుందని భావిస్తున్నారు. 104, 108 వాహనాల కొనుగోలు, దేవాలయాల్లో పాలక మండళ్ల నియామకాలకు సంబంధించి సవరణలపైనా ఈ సమావేశంలో చర్చించే అవకాశం కనిపిస్తోంది. 

అలాగే స్థానిక ఎన్నికల్లో అమలు చేయాల్సిన రిజర్వేషన్లపై కూడా ఈ భేటీలో చర్చించనున్నారు. రాష్ట్రంలో ప్రత్యేక ఎకనామిక్‌ జోన్ల ఏర్పాటు అంశం కూడా చర్చకు వచ్చే అవకాశం ఉంది.

ఇటు రాజధాని రైతులు తమ ఆందోళనను కొనసాగిస్తున్నారు. అమరావతి మందడంలో టెన్షన్ టెన్షన్ వ్యక్తం అవుతోంది. ఉదయం నుంచి రైతుల ధర్నా కొనసాగుతోంది. రోడ్డుపై టెంట్లు తొలగించాలని పోలీసులు సూచించారు.

టెంట్లు తీసేది లేదంటూ గ్రామస్తులు వాగ్వాదానికి దిగుతున్నారు. నిరసనలు తెలిపే హక్కు ఎవరికైనా ఉందని డీజీపీనే స్పష్టం చేశారని. తమను అడ్డుకోవడం ఏంటని రైతులు మండిపడుతున్నారు.

గత నెలలో చంద్రబాబు రాజధాని పర్యటన సందర్భంగా డీజీపీ నిరసనలకు అనుమతి ఇచ్చారని. ఇవాళ శాంతియుతంగా మేము చేసే నిరసనలకూ పోలీసులు అనుమతివ్వాలని రైతులు డిమాండ్ చేశారు.

మరోవైపు సీఎం క్యాంపు ఆఫీస్ లో వైసీపీ నేతలు సమావేశం నిర్వహించారు. 3 రాజధానులు, రైతుల ఆందోళనపై చర్చించారు. కృష్ణా, గుంటూరు జిల్లాల మంత్రులు, ఎమ్మెల్యేలు, ఎమ్మెల్సీలు హాజరయ్యారు.

అమరావతి ప్రాంతవాసులు ఎలాంటి ఆందోళన చెందాల్సిన పనిలేదని, రైతులకు ఇచ్చిన హామీలను నెరవేర్చుతామని పురపాలకశాఖ మంత్రి బొత్స సత్యనారాయణ హామీ ఇచ్చారు. విపక్షనేత చంద్రబాబు రైతుల్ని మోసగించేందుకు ప్రయత్నిస్తున్నారని, ఆయన మాటలు నమ్మవద్దన్నారు.

రాష్ట్రంలోని ఐదు కోట్ల మంది ప్రజల్లో భూములిచ్చిన రైతులు కూడా ఉన్నారని, అందరి సంక్షేమం కోసం ప్రభుత్వం పని చేస్తుందని బొత్స చెప్పారు. మంత్రులు పేర్ని నాని, కొడాలి నానితో కలిసి సీఆర్‌డీఏ కార్యాలయంలో గురువారం రాత్రి బొత్స మీడియాతో మాట్లాడారు. కేబినెట్ భేటీలో ఏం నిర్ణయం తీసుకుంటారోనని అంతా ఆసక్తిగా ఎదురుచూస్తున్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle