newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

ఏపీ కేబినెట్ భేటీ... మరో పథకానికి శ్రీకారం

16-10-201916-10-2019 19:46:31 IST
2019-10-16T14:16:31.320Z16-10-2019 2019-10-16T14:16:29.948Z - - 14-11-2019

ఏపీ కేబినెట్ భేటీ... మరో పథకానికి శ్రీకారం
facebooktwitterGooglewhatsappwhatsappGoogle
రోజుకో కొత్త పథకం.. ఎన్నికల హామీల అమలుకు కృ‌తనిశ్చయం. ఏపీ సీఎం వైఎస్ జగన్ తీసుకుంటున్న నిర్ణయాలు సంచలనంగా మారుతున్నాయి. ఇవాళ సీఎం జగన్‌ అధ్యక్షతన జరిగిన ఏపీ కేబినెట్‌ భేటీ పలు కీలకాంశాలకు, నిర్ణయాలకు వేదికైంది. చేనేత కార్మిక కుటుంబాలకు రూ.24వేల సాయం, మత్స్యకారులకు వేట నిషేధ సమయంలో ఇచ్చే సాయం రూ.10వేలకు పెంపు తదితర కీలక నిర్ణయాలకు మంత్రివర్గం ఆమోదముద్ర వేసింది. కేబినెట్‌ భేటీలో తీసుకున్న నిర్ణయాలను సమాచార, రవాణా శాఖ మంత్రి పేర్ని నాని మీడియాకు తెలిపారు.

చేనేత కార్మికుల కుటుంబాలకు లబ్ది చేకూర్చేలా జగన్ కీలక నిర్ణయం తీసుకున్నారు. ‘వైఎస్‌ఆర్‌ నేతన్న నేస్తం’ కింద ఏడాదికి రూ.24వేల ఆర్థికసాయం ఇవ్వాలని నిర్ణయం. ఏటా డిసెంబర్‌ 21న అందజేత. దీంతో 90వేల కుటుంబాలకు లబ్ధి. ఈ పథకం కింద రూ.216కోట్లు ఖర్చు అవుతుంది. మత్స్యకారులకు వేట నిషేధ సమయంలో ఇచ్చే ఆర్థిక సాయం రూ.10వేలకు పెంచారు.

మెకనైజ్డ్‌ బోట్లు ఉన్నవారికే కాకుండా తెప్పలపై వేట సాగించే వారికి కూడా తొలిసారిగా ఈ పథకం వర్తింపు. అంతర్జాతీయ మత్స్య దినోత్సవం సందర్భంగా నవంబర్‌ 21న ఈ పథకం ప్రారంభం కానుంది. ఇదే కాకుండా..మత్స్యకారులకు డీజిల్‌పై లీటర్‌కు రూ.9 సబ్సిడీ ఇవ్వాలని నిర్ణయం. డీజిల్‌ కొనుగోలు చేసే సమయంలోనే సబ్సిడీ వర్తింపు. దీనికోసం నిర్దేశిత బంకుల ఏర్పాటు. నవంబర్‌ 21 నుంచి అమలు. సుమారు రూ.100కోట్లు ఖర్చు అవుతుందంటున్నారు. 

హోంగార్డులకు జగన్ తీపి కబురు చెప్పారు. కేబినెట్ సాక్షిగా జీతాల పెంపునకు ఆమోదముద్రవేశారు. రోజుకు ఇచ్చే రూ.600 అలవెన్స్‌ను రూ.710కి పెంచుతూ నిర్ణయం తీసుకున్నారు. దీంతో హోంగార్డులు హర్షం వ్యక్తం చేస్తున్నారు. వీరి నెలవారీ వేతనం ఈ పెంపువల్ల 3300 రూపాయలు పెరుగుతుంది. మధ్యాహ్న భోజన పథకం కార్మికుల వేతనం రూ.1000 నుంచి రూ.3వేలకు పెంచారు. ప్రభుత్వంలో విలీనం చేసిన ఏపీఎస్‌ ఆర్టీసీలో కాలం చెల్లిన సుమారు 3500 బస్సులను తొలగించి కొత్త బస్సుల కొనుగోలుకు కేబినెట్‌ ఆమోదం.

దీనికోసం రూ.వెయ్యికోట్ల రుణానికి ఆర్టీసీకి అనుమతిచ్చింది. అందరికీ సురక్షితమైన మంచినీరు అందించేందుకు వాటర్‌గ్రిడ్‌ కార్పొరేషన్‌ ఏర్పాటుకు గ్రీన్ సిగ్నల్ లభించింది. బార్‌ అసోసియేషన్‌లో సభ్యులుగా ఉన్న మూడేళ్లలోపు జూనియర్‌ న్యాయవాదులకు నెలకు రూ.5వేలు ఇచ్చేందుకు కేబినెట్‌ ఆమోదం తెలిపింది. డిసెంబర్‌ 3న జాతీయ న్యాయవాదుల దినోత్సవం సందర్భంగా ఈ పథకం ప్రారంభించాలని నిర్ణయించారు జగన్.  రైతులకు ఉచిత బోర్లు వేసేందుకు 200 డ్రిల్లింగ్‌ యంత్రాల కొనుగోలుకు నిర్ణయం తీసుకుంది. కీలక పథకాలకు శ్రీకారం చుడుతూ తీసుకున్న కేబినెట్ నిర్ణయాలను అంతా స్వాగతిస్తున్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle