newssting
BITING NEWS :
*మంగళగిరి ఎమ్మెల్యే ఆళ్ల రామకృష్ణారెడ్డి కార్యాలయంలో భారీ చోరీ*పాకిస్తాన్‌లో హైదరాబాద్‌ వాసి అరెస్ట్‌...అరెస్ట్‌ అయిన వ్యక్తి ప్రశాంత్‌ గా గుర్తింపు* రాజమండ్రి రైల్వేస్టేషన్ సమీపంలో పట్టాలు తప్పిన గూడ్స్ రైలు*ఇవాళ సమ్మెపై తుది నిర్ణయం.. జడ్జిమెంట్‌ కాపీ చూశాక తుది నిర్ణయం.. సమ్మె యథాతథంగా కొనసాగుతుంది.. సడక్‌బంద్, రాస్తారోకోలు మాత్రం వాయిదా-అశ్వత్థామరెడ్డి*దీక్ష విరమించినా ఆర్టీసీ జేఏసీ ఆందోళన కొనసాగుతుంది-కోదండరాం*ఆర్టీసీ సమ్మెపై విచారణ ముగించిన హైకోర్టు *హైకోర్టుకు కొన్ని పరిమితులుంటాయి.. పరిధిదాటి ముందుకు వెళ్లలేం.. కార్మికశాఖ చూసుకుంటుంది.. 2 వారాల్లో సమస్య పరిష్కరించాలని సూచిస్తాం-హైకోర్టు

ఏపీ కాంగ్రెస్ పరిస్థితి ఏంటి- ఉనికినైనా కాపాడుకోగలదా.?

14-09-201914-09-2019 18:21:33 IST
Updated On 14-09-2019 18:21:27 ISTUpdated On 14-09-20192019-09-14T12:51:33.266Z14-09-2019 2019-09-14T11:46:28.656Z - 2019-09-14T12:51:27.248Z - 14-09-2019

ఏపీ కాంగ్రెస్ పరిస్థితి ఏంటి- ఉనికినైనా కాపాడుకోగలదా.?
facebooktwitterGooglewhatsappwhatsappGoogle
ఉమ్మడి ఆంధ్రప్రదేశ్ రాష్ట్రం విడిపోయి రెండుగా చీలినప్పటి నుంచీ ఏపీలో కాంగ్రెస్ ఉనికి నామమాత్రంగా మారిపోయింది. 2014 ఎన్నికలలో ఏపీ అసెంబ్లీలో ఒక్క సీటు కూడా గెలుచుకోలేక డీలా పడిన ఆ పార్టీకి 2019 ఎన్నికలలో కూడా అదే పరిస్థితి ఏర్పడింది. పోటీలోకి దిగిన కాంగ్రెస్ అభ్యర్థులలో అత్యధికులు కనీసం డిపాజిట్ కూడా గెలుచుకోలేని పరిస్థితిని చూస్తే ఏపీలో కాంగ్రెస్ పార్టీ సంక్షోభం నుంచి సంక్షోభంలోనికి కూరుకు పోతున్న దృశ్యం ఆవిష్కృతం కాక తప్పదు. విభజనలో ఏపీకి అన్యాయ జరిగందన్న ఆవేదన, ఆ అన్యాయం చేసింది కాంగ్రెస్సేనన్న ఆగ్రహం ఆంధ్రప్రదేశ్ ప్రజలలో ఇప్పటికీ అలాగే రగులుతున్నది.

కాంగ్రెస్ తో సమానంగా బీజేపీ కూడా ఏపీకి అన్యాయం చేసిందన్న భావన కూడా ఏపీలో ఉంది. అందుకే బీజేపీకి 2019లో రాష్ట్రంలో ఒక్కటంటే ఒక్క స్థానం రాలేదు. అయితే కేంద్రంలో అధికారాన్ని చేజిక్కించుకున్న బీజేపీ ఏపీలో శ్యూన్యాన్ని పెద్దగా పట్టించుకోవడం లేదు. అయితే కాంగ్రెస్ పరిస్థితి అలా కాదు. కాంగ్రెస్ కు తిరుగులేని పట్టు ఉన్న రాష్ట్రాలలో ఏపీ అగ్రభాగంలో ఉండేది. ఎమర్జెన్సీ తరువాత జరిగిన ఎన్నికలలో దేశం అంతా జనతా పవనాలు విచినా ఆంధ్రప్రదేశ్ లో మాత్రం ఇందిరా గాంధీ నాయకత్వంలోని ఇందిరా కాంగ్రెస్ తిరుగులేని విజయాన్ని సాధించింది.

అంతెందుకు స్వయంగా ఇందిరా గాంధీ మెదక్ నుంచి పోటీ చేసి విజయం సాధించారు. ఉభయ తెలుగు రాష్ట్రాలూ ఉమ్మడిగా ఉన్న కాలంలో అత్యధిక కాలం రాష్ట్రంలో కాంగ్రెస్ దే అధికారం, కాంగ్రెస్ దే ఆధిపత్యం. ఆంధ్రప్రదేశ్ లో తెలుగుదేశం ఆవిర్భవించేంత వరకూ కాంగ్రెస్ కు తిరుగులేదు. అధికారం, ఆధిపత్యం ఆ పార్టీతో ఎన్టీఆర్ తెలుగుదేశం పార్టీని ఏర్పాటు చేసి ఎన్నికల రంగంలోనికి దిగిన తరువాత ఆ పార్టీ కాంగ్రెస్ కు ప్రత్యామ్నాయంగా మారింది. పోటీ కూడా ఇరు పార్టీల మధ్యే అన్నట్లుగా సాగింది.

తెలుగుదేశం చేతిలో పరాజయం పాలైన ఏ సందర్భంలోనూ కూడా రాష్ట్రంలో పార్టీ బలహీనపడిందన్న భావన పార్టీ కేడర్ లో రాలేదు. అయితే 2014 ఎన్నికలలో పరాజయం తరువాత మాత్రం ఏపీలో కాంగ్రెస్ కు పూర్వవైభవం వచ్చే అవకాశాలున్నాయా అన్న సందేహాలు వచ్చాయి.

కాంగ్రెస్ పట్ల ప్రజాగ్రహం ఎంత తీవ్రంగా ఉందంటే..2019 సార్వత్రిక ఎన్నికలలో జాతీయ స్థాయిలో కాంగ్రెస్ తో కలిసి అడుగులు వేసిన తెలుగుదేశం పార్టీని కూడా ఆంధ్రులు ఉపేక్షించలేదు. అటు తెలంగాణ అసెంబ్లీ ఎన్నికలలో కాంగ్రెస్ తో పొత్తు పెట్టుకుని పోటీ చేసినందుకు అక్కడా ప్రజల ఆదరణ కరవైంది. రాష్ట్ర విభజన ఆంధ్రప్రదేశ్ లో కాంగ్రెస్ ఉనికిని ప్రశ్నార్థకం చేసింది. రాష్ట్రంలో పార్టీకి క్యాడర్ నే లేకుండా చేసిందా అన్నట్లుగా ఆ పార్టీకి విభజన తరువాత జరిగిన రెండు ఎన్నికలలో పడిన ఓట్ల శాతం ఉంది. ప్రస్తుతం ఏపీలో కాంగ్రెస్ పార్టీ సారథిలేని అనాథలా ఉంది.

ఏఐసీసీ అధ్యక్ష పదవికి రాహుల్ గాంధీ రాజీనామా చేసిన తరువాత ఏపీసీసీ చీఫ్ గా రఘువీరా రెడ్డి కూడా రాజీనామా చేశారు. ఆయన రాజీనామా ఆమోదం పొందిందా? ఆయన స్థానంలో మరొకరి నియామకం జరిగిందా అన్న విషయం కూడా పట్టించుకునే నాథుడు లేనట్లుగా ఏపీలో కాంగ్రెస్ పరిస్థితి ఉంది. క్షేత్ర స్థాయిలో ప్రజాసమస్యలపై గళమెత్తే నాయకుడే లేని పరిస్థితి ఏపీలో కాంగ్రెస్ ది. ఉన్న నేతలంతా మీడియా సమావేశాలు, పత్రికా ప్రకటనలకే పరిమితమైన పరిస్థితి. ఏదైనా కార్యక్రమం చేపట్టి కదలి రావాలని పిలుపునిద్దామన్నా కలిసి వచ్చేందుకు కార్యకర్తలేని లేక నీరసించిన స్థితిలో ఏపీ కాంగ్రెస్ ఉంది.

2019 ఎన్నికలలో తెలుగుదేశం పార్టీ పరాజయం తరువాతైనా రాష్ట్రంలో తన పట్టును పెంచుకుని ప్రధాన స్రవంతిలోకి రావడానికి కాంగ్రెస్ ప్రయత్నిస్తున్న దాఖలాలు లేవు. ఇప్పట్లో ఏపీలో కాంగ్రెస్ తన ఉనికిని కాపాడుకోవడానికైనా ప్రయత్నించే పరిస్థితి కనిపించడం లేదు.

Image result for andhrapradesh congress party


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle