newssting
BITING NEWS :
*దర్శకుడు రాంగోపాల్ వర్మపై కేసు.. సోమవారం విచారణకు హాజరుకావాలని ఆదేశం * యూపీలో ఉన్నావ్ తరహా ఘటన .. మహిళపై అత్యాచారం.. సజీవ దహనానికి యత్నం *రణరంగంగా మారిన ఢిల్లీ..దక్షిణ ఢిల్లీలోని జామియా మిలియా యూనివర్శిటీ వద్ద తీవ్ర ఉద్రిక్తత...క్యాబ్ కు వ్యతిరేకంగా ఆందోళన *హీరో బషీద్ అరెస్ట్...ఎవడ్రా హీరో అనే చిత్రంలో హీరోగా నటించిన బషీద్..రుణాలు ఇప్పిస్తానంటూ మోసానికి పాల్పడినట్టు ఆరోపణ *తూర్పు గోదావరి జిల్లా హసన్ బాద్ లో ప్రమాదం..బైక్ ను ఢీ కొన్న ఐషర్ వ్యాన్..ముగ్గురి మృతి..మరొకరికి తీవ్ర గాయాలు *ముగిసిన నటుడు, రచయత గొల్లపూడి అంత్యక్రియలు..చెన్నైలోని కన్నమ్మపేట దహనవాటికలో తుది వీడ్కోలు *కాల్పులకు దారితీసిన రైతు భరోసా డబ్బుల పంపకం..విశాఖ ఏజెన్సీలోని హుకుంపేట మండలం రంగశీలలో ఘటన*ఏపీ రాజధాని ప్రాంతంలో మళ్లీ కాల్‌మనీ రగడ..తాడేపల్లి పోలీస్‌ స్టేషన్‌ ఎదుట యువకుడి ఆత్మహత్యాయత్నం

ఏపీ అసెంబ్లీలో బీజేపీ శాసనసభాపక్షం?

14-11-201914-11-2019 10:12:42 IST
Updated On 14-11-2019 15:52:20 ISTUpdated On 14-11-20192019-11-14T04:42:42.159Z14-11-2019 2019-11-14T04:42:16.322Z - 2019-11-14T10:22:20.834Z - 14-11-2019

ఏపీ అసెంబ్లీలో బీజేపీ శాసనసభాపక్షం?
facebooktwitterGooglewhatsappwhatsappGoogle
ఇప్పుడు దేశంలో అత్యంత శక్తివంతమైన వ్యక్తులు ఎవరైనా ఉన్నారంటే అది ప్రధాని నరేంద్ర మోడీ, హోంమంత్రి, బీజేపీ రధసారధి అమిత్ షాలే. దశబ్దాల నాటి వివాదాలకు ఫుల్ స్టాప్ పెట్టడం.. అసంభవం అనుకున్నవాటిని చేసి చూపించడంలో ఇప్పుడు ఈ ఇద్దరూ ఆరితేరిపోయారు. కేంద్రంలో రెండోసారి విజయం తర్వాత వీరి చూపు మొండి వివాదాల పరిష్కారం, ఒక్క అసెంబ్లీ స్థానం కూడా లేని రాష్ట్రాలలో జెండా పాతడమే ధ్యేయంగా మార్చుకున్నట్లున్నారు.

ముఖ్యంగా ప్రాంతీయ పార్టీలు సెంటిమెంటల్ గా వేళ్ళూనుకుపోయిన దక్షణాదిలో కమల వికాసానికి మోడీ-షాల ధ్వయం ప్రత్యేక కసరత్తులు చేస్తూనే ఉంది. ఇప్పటికే ఈ రాష్ట్రాల కోసం ఓ స్పెషల్ టీం పనిచేస్తుండగా వీరి చూపు ఇప్పుడు ఆంధ్రప్రదేశ్ రాష్ట్రం మీద పడినట్లుగా కనిపిస్తుంది. ఏకంగా ఏపీ అసెంబ్లీలో బీజేపీ శాసనసభపక్షాన్ని తయారుచేసేందుకు పావులు కదుపుతున్నట్లుగా కథనాలొస్తున్నాయి.

ఏపీలో అధికార వైసీపీ ప్రతిపక్ష టీడీపీని కోలుకోకుండా దెబ్బకొట్టేందుకు ప్రణాళికలు చేసుకుంటుందని రాజకీయ వర్గాలలో ప్రచారం జరుగుతుంది. ఇందులో భాగంగానే టీడీపీలో కొందరు ఎమ్మెల్యేలతో రాజీనామాలు చేయించి ప్రతిపక్ష హోదా లేకుండా చేయాలనీ తాపత్రయపడుతుంది. కానీ కమలం లెజిస్లేచర్ పార్టీని సృష్టించి అసెంబ్లీలో మరో ప్రధాన ప్రతిపక్షం అయ్యేందుకు పావులు కదుపుతోందని ఇప్పుడు కొత్త ప్రచారం మొదలైంది.

ఇందుకుగాను బీజేపీ జాతీయ ప్రధాన కార్యదర్శి రాంమాధవ్ కొందరు టీడీపీ ఎమ్మెల్యేలను సిద్ధం చేసినట్లుగా చెప్తున్నారు. టీడీపీలోని ఆ ఎమ్మెల్యేల బృందానికి ఉత్తరాంధ్ర టీడీపీలో ముఖ్య నేతగా ఉన్న గంటా శ్రీనివాసరావు సారధ్యం వహిస్తున్నట్లుగా ఢిల్లీ వర్గాల నుండి వినిపిస్తుంది. గంటా ఎల్పీ లీడర్ గా మరో ఏడుగురు సభ్యులతో శాసనసభాపక్షంగా ఏపీ అసెంబ్లీలో అడుగుపెట్టనున్నట్లు తెలుస్తుంది.

కేంద్రంలో టీడీపీ రాజ్యసభ సభ్యుల విషయంలో కూడా ఇదే జరిగింది. రాష్ట్రంలో టీడీపీ ఘోర ఓటమి అనంతరం ఆ పార్టీ రాజ్యసభ సభ్యులు సుజనా చౌదరి, సీఎం రమేష్, టీజీ వెంకటేష్, గరికపాటి రామ్మోహనరావు బీజేపీలో చేరారు. అప్పుడు ఆ వ్యవహారానికి సుజనా చౌదరి సారధ్యం వహించగా ముందుగా టీడీపీ నుండి బయటకి వచ్చిన నలుగురు ప్రత్యేక బృందంగా ప్రయత్నించి తర్వాత బీజేపీ గూటికి చేరిపోయారు.

ఇక ఇప్పుడు అదే మాదిరి ఏపీ అసెంబ్లీలో కూడా సీన్ రిపీట్ కానుందని తెలుస్తుంది. గంటా సారధ్యంలో ముఖ్యంగా కొందరు కాపు ఎమ్మెల్యేలతో కలిసి మొత్తం ఎనిమిది మందితో లెజిస్లేచర్ పార్టీని సృష్టించనున్నారని ప్రచారం జరుగుతుంది. ప్రస్తుతానికి టీడీపీకి రాజీనామా చేసి ఇంకా ఏ పార్టీలోకి దూకని వల్లభనేని వంశీ కూడా ఈ జాబితాలో ఉండే అవకాశాలున్నాయంటున్నారు.

సీఎం జగన్మోహన్ రెడ్డి కేంద్రంతో స్నేహం అంటూనే రాష్ట్రంలో పార్టీని తొక్కేసే విధంగా పనులు చేస్తున్నారని.. కేంద్రం అండతో రాష్ట్రంలో ప్రధాన ప్రతిపక్షం కూడా లేకుండా చేయాలనీ ఆరాటపడుతుండగా బీజేపీ గట్టి స్ట్రోక్ ఇచ్చేందుకు ఈ మాస్టర్ స్కెచ్ వేస్తున్నట్లుగా తెలుస్తుంది.

పనిలో పనిగా కాపు సామాజికవర్గాన్ని మచ్చిక చేసుకొని పవన్ కళ్యాణ్ ను కూడా దగ్గర చేసుకొని పార్టీకి సూపర్ బూస్ట్ ఇవ్వాలని చూస్తున్నట్లుగా తెలుస్తుంది. ఇదే జరిగితే టీడీపీకి గట్టి దెబ్బే కానుండగా అధికార వైసీపీ కేంద్రం-రాష్ట్రం అన్న తేడా లేకుండా కొత్త సవాల్ ఎదుర్కోవాల్సి వస్తుంది. మరి ఏమవుతుందో చూడాలి. 

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle