newssting
BITING NEWS :
*అరుదైన రికార్డు నెలకొల్పిన విరాట్ కోహ్లీ*చేతులెత్తేసిన సౌతాఫ్రికా... సిరీస్‌ కైవసం చేసుకున్న టీమిండియా*తెలంగాణలో పదో రోజుకు చేరిన ఆర్టీసీ కార్మికుల సమ్మె.. నేడు ఇందిరాపార్క్ దగ్గర ట్రేడ్ యూనియన్ల బహిరంగసభ*ఏపీ సీఎం వైఎస్‌ జగన్మోహన్‌రెడ్డితో భేటీ కానున్న నటుడు చిరంజీవి*ఢిల్లీ: నేటి నుంచి అయోధ్యపై సుప్రీంకోర్టులో తుదిదశ వాదనలు.. ఈ నెల 17లోపు వాదనలు పూర్తిచేయాలని సుప్రీం నిర్ణయం*నేడు, రేపు నెల్లూరు జిల్లాలో టీడీపీ అధినేత చంద్రబాబు పర్యటన.. జిల్లా నేతలదో సమీక్షలు*సీపీఐ రాష్ట్రకమిటీ అత్యవసర భేటీ.. ఆర్టీసీ సమ్మె, హుజూర్‌నగర్ ఉపఎన్నికల్లో టీఆర్ఎస్‌కు మద్దతుపై చర్చ*మా తండ్రి తో ఎలాంటి గొడవలు లేవు...కోడెల మృతికి ఒత్తిడే కారణం: కొడుకు శివరాం, భార్య వాంగ్మూలం *తెలంగాణ ఆర్టీసీలో నియామకాలకు నోటిఫికేషన్...తాత్కాలిక ప్రాతిపదికన డ్రైవర్లు, కండక్టర్లు, మెకానిక్, ఎలక్ట్రీషియన్‌ పోస్టులకూ దరఖాస్తుల ఆహ్వానం*నిండుకుండలా సోమశిల జలాశయం..ప్రాజెక్టు పూర్తిస్థాయి సామర్థ్యం 78 టీఎంసీలు...ప్రస్తుత నీటిమట్టం 75 టీఎంసీలు*ఇవాళ గోదావరిలో మునిగిపోయిన బోటు వెలికితీత పనులు మళ్ళీ ప్రారంభం

ఏపీలో మద్యపాన నిషేధం.. వెక్కిరిస్తున్న అమెరికా అనుభవం

29-09-201929-09-2019 16:07:25 IST
2019-09-29T10:37:25.717Z29-09-2019 2019-09-29T10:12:54.877Z - - 14-10-2019

ఏపీలో మద్యపాన నిషేధం.. వెక్కిరిస్తున్న అమెరికా అనుభవం
facebooktwitterGooglewhatsappwhatsappGoogle
తాము అధికారంలోకి వస్తే దశలవారీగా రాష్ట్రంలో మద్యపాన నిషేధం అమలు చేస్తాం.. ఇది వైఎస్ జగన్మోహన్ రెడ్డి గత ఎన్నికల ప్రచారంలో గల్లీ గల్లీ తిరిగి చెప్పిన మాట. ఆ నవరత్నాల మ్యానిఫెస్టోలో కూడా మద్యం ఊసు లేకుండా చేసే బాధ్యత నాదని అచ్చేసుకున్నారు. అఖండ విజయం తర్వాత నిషేధం సంగతి ఏంటంటే దశలవారీగా అని చెప్పాం కదా తొలిదశలో తామే మద్యం దుకాణాలు పెడతాం.. అంతా ప్రభుత్వ అధీనమే.. ఆదాయం ప్రభుత్వానికే అని కొత్త పాలసీని ప్రకటించేసింది. దీని ప్రకారం అక్టోబర్‌ 1 నుంచి మద్యం విక్రయాలను ప్రభుత్వమే చేపట్టనుంది. 

ఈ షాపులు ఉదయం 10 గంటల నుంచి రాత్రి 9 గంటల వరకు రాష్ట్రంలోని అన్ని మండలాలు, మున్సిపాలిటీలు, కార్పొరేషన్లలో నిర్వహిస్తారు. ఇప్పటి వరకు ఉన్న విధానానికి నూతన మద్యం విధానానికి తేడా ఏంటంటే మొత్తంగా 800 షాపులను తగ్గించింది...దుకాణాల ప‌క్క‌నే ప‌ర్మిట్ రూమ్ లు ఉండ‌వు.. ఓ గంట సమయం తగ్గించింది. కొత్త పాలసీని తొలి దశ అనుకుంటే మరో రెండు దశలలో సంపూర్ణ మద్యపాన నిషేధం చేయగలరా? ఇప్పటికే ఎక్సైజ్ శాఖామంత్రి, డిప్యూటీ ముఖ్యమంత్రులు సంపూర్ణ నిషేధం చేశాకే మళ్ళీ ఎన్నికల్లో ప్రజల వద్దకు వెళ్లి ఓట్లు అడుగుతామని ఘంటాపదంగా చెప్తున్నారు. 

మరి సంపూర్ణ నిషేధం చేసే దమ్ము ఈ ప్రభుత్వానికి ఉందా? ఎన్నికలకు ముందు తూతూ మంత్రంగా నిషేధం పేరుతో హడావుడి చేసి చేతులు దులుపుకుంటారా? అసలు సంపూర్ణ మద్యపాన నిషేధం సాధ్యమయ్యేపనేనా? నిజానికి సీఎం జగన్మోహన్ రెడ్డికి ఇదే అసలైన సవాల్. ఎందుకంటే ఇంతకుముందు ఉమ్మడి రాష్ట్రంలో ఎన్టీఆర్ మద్యపాన నిషేధం నుండి అమెరికాలో ఎనిమిది దశాబ్దాల క్రితమే విధించిన నిషేధం వరకు ఎన్నో అనుభవాలు వెక్కిరిస్తున్నాయి. ప్రతిదీ ఓ గుణపాఠంగా ఛాలెంజ్ చేస్తున్నాయి. 

నిషేధం దిశగా అడుగులే విమర్శలతో మొదలైంది. నిషేధం పేరుతో ప్రభుత్వమే నిర్వహించడమే తొలి విమర్శ కాగా కొన్ని ప్రాంతాలలో సున్నిత ప్రదేశాలలో కూడా ఈ దుకాణాలను ఏర్పాటు చేసారని మరో విమర్శ. పాలసీలు చేయడం గొప్పకాదు.. ఆ పాలసీలను అమలు చేయడమే గొప్ప. 

గతంలో ఉమ్మడి ఏపీ ముఖ్యమంత్రిగా నందమూరి తారకరామారావు మద్యపాన నిషేధం చేస్తానని ప్రకటించి ఏడాదిన్నర పాటు ఆ నిషేధాన్ని అమలు చేశారు. కానీ, క‌ల్తీ మ‌ద్యాన్ని అరిక‌ట్ట‌డం స‌వాలుగా మారింది. ఆ త‌రువాత‌, ప్ర‌భుత్వ‌మే సారాయి దుకాణాలు తెర‌వాల్సి వ‌చ్చింది. దాంతో పెద్ద ఎత్తున విమ‌ర్శ‌లు ఎదుర్కోవాల్సి వ‌చ్చింది. ఆ త‌రువాతి ప‌రిస్థితులు ఏంటో అంద‌రికీ తెలిసిందే. ఆ తర్వాత జరిగిన రాజకీయ పరిణామాల్లో సీఎంగా బాధ్యతలు చేపట్టిన చంద్రబాబు నాయుడు ఆ నిషేధాన్ని ఎత్తివేస్తూ ఇది సాధ్యం కాదని ఒక సున్నితమైన వివరణ రాష్ట్ర ప్రజలకు ఇచ్చి మద్యం అమ్మకాలను ప్రభుత్వానికి ప్రధాన ఆదాయ వనరుగా మార్చేశారు. 

ప్రభుత్వం భరించగలుగుతున్న ఉచిత పథకాలకు ఇప్పుడు అదే అతిపెద్ద ఆదాయ వనరు కాగా బ్యాన్ చేస్తే ప్రభుత్వం ముందుగా ఆర్ధిక ఇబ్బందులకు సిద్ధంగా ఉండాలి. ఇంకో మరో స‌వాలు స‌రిహ‌ద్దు రాష్ట్రాలలో యథేఛ్ఛ అమ్మకాలు. ఆంధ్రా స‌రిహద్దు రాష్ట్రాలైన తెలంగాణ‌, త‌మిళ‌నాడు, ఒడిశాల‌లో మ‌ద్య నిషేధం ఉండదుకనుక పెద్ద ఎత్తున మ‌ద్యం అక్ర‌మ రవాణా అనే వ్యాపారంగా మొదలవుతుంది. గతంలో ఆ వ్యాపారాలు చేసి అక‌స్మాత్తుగా ధ‌న‌వంతులైపోయి, ఆ త‌రువాత రాజ‌కీయ నాయ‌కులు అయిపోయిన‌వారు కళ్ళముందే కనబడుతున్నారు. కాబ‌ట్టి, స‌రిహ‌ద్దు రాష్ట్రాల నుంచి అక్రమ రవాణా అతిపెద్ద సమస్య.

అమెరికా లాంటి అగ్రరాజ్యం ఎనిమిది దశాబ్దాల క్రితమే మద్యపాన నిషేధం కోసం ప్రయత్నాలు చేసి అభాసుపాలైంది. అందుకే ప్రపంచంలో మద్యపాన నిషేధం ఎక్కడ అమలవుతున్నా, అక్కడ అమెరికా అనుభవం వెక్కిరిస్తూ ఉంటుంది. అదే సమయంలో బ్రిటిష్ ఇండియా రాష్ట్రాల్లో అమలైన మద్యపాన నిషేధం కూడా ఇదే విషయాన్ని వివరిస్తోంది.

మద్యపాన నిషేధం రాజకీయ పలుకుబడి, మద్దతు లేని పేదల మీద ప్రతాపం చూపుతుంది. పోలీసు యంత్రాంగం బలం పెరిగిపోతుంది. పట్టణాల్లో డబ్బు, పలుకుబడి ఉన్నోళ్లకు మద్యం నేరుగా డోర్ డెలివరీ అవుతుంది. ఇలాంటి వైభోగం సాధ్యం కాని పేదలు అక్రమ మార్గాల్లో తాగుడును అలవాటు చేసుకుని కేసుల్లో ఇరుక్కుంటారు. అంతవరకు చట్టాన్ని గౌరవిస్తూ వచ్చిన వాళ్లు, నిషేధ కాలంలో రెండు గుక్కెల కోసం చట్టాన్ని ఉల్లంఘించాల్సి వస్తుంది. అమెరికాలో జరిగిందదే. భారత్‌లో ఇప్పుడు నిషేధం అమల్లో ఉన్న రాష్ట్రాలన్నింటిలోనూ జరుగుతోందదే.  

అమెరికా నిషేధం సమయంలో అందరినీ సమానంగా చూడాల్సిన చట్టం.. పేదలకు, శ్వేతజాతీయేతరులకు మాత్రమే శాపంగా మారింది. దాని అమలులో పలుకుబడి, అవినీతి చొరబడింది. దొంగ వ్యాపారం ద్వారా మద్యం ఏరులై పారింది. పేరుకు నిషేధమే కానీ, రాజకీయ నాయకులు, పోలీసులు, ధనవంతులు దర్జాగా 'ప్రైవేటు'గా మందు సేవిస్తూనే ఉండేవారు. 'ప్రైవేటు' వసతి లేని పేదలు చట్టం బారిన, 'కూ క్లక్స్ క్లాన్' బారిన పడ్డారు. నిషేధంతో విసిగి వేసారి, చివరకు రాజకీయ నిర్ణయం తీసుకుని నిజమైన భద్రత కోసం డెమోక్రట్ల పంచన చేరారు.

ఓ పవిత్రాశయంతో తెచ్చిన చట్టం అమెరికా రాజ్యాంగ చరిత్రలో ఒక కామిక్ ట్రాజెడీగా మారి నిషేధం కోసం చేసిన రాజ్యంగ సవరణను (18వ సవరణ)ను మరొక సవరణ (21వ సవరణ) చేసి ఉపసంహరించుకోవాల్సి వచ్చింది. ఈ అనుభవాలన్నిటిని దృష్టిలో పెట్టుకొని సంపూర్ణ నిషేధం అమలు జరగాల్సి ఉంది. అంతటి పారదర్శకత ఈ ప్రభుత్వంలో ఉంటుందా? దేశంలోనే ఎవరికి సాధ్యంకాని ఫీట్ సీఎం జగన్ చేసి చూపిస్తారా? లేక తూతూ మాత్రంగా బ్యాన్ పేరుతో మసిపూసి మారేడుకాయ చేస్తారా? లెట్స్ వెయిట్ అండ్ సీ!

కేంద్రంఫై ఎదురుదాడికి దిగుతున్న ఏపీ సర్కార్..!

కేంద్రంఫై ఎదురుదాడికి దిగుతున్న ఏపీ సర్కార్..!

   a minute ago


రైతు భరోసాకు సర్వం సిద్ధం.. బ్యాంకులకు జగన్ మార్గనిర్దేశం

రైతు భరోసాకు సర్వం సిద్ధం.. బ్యాంకులకు జగన్ మార్గనిర్దేశం

   an hour ago


తెలంగాణ ఆర్టీసీ కార్మికులకు ఆంధ్ర ఆర్టీసీ బాసట

తెలంగాణ ఆర్టీసీ కార్మికులకు ఆంధ్ర ఆర్టీసీ బాసట

   an hour ago


పదోరోజుకి సమ్మె,. ఆర్టీసీ జేఏసీ వర్సెస్ ఉద్యోగ జేఏసీ

పదోరోజుకి సమ్మె,. ఆర్టీసీ జేఏసీ వర్సెస్ ఉద్యోగ జేఏసీ

   2 hours ago


సమ్మెపై సర్కార్ సమ్మెట- ప్రజాస్వామ్య హక్కుల సమాధి!

సమ్మెపై సర్కార్ సమ్మెట- ప్రజాస్వామ్య హక్కుల సమాధి!

   2 hours ago


ఉసురు తీస్తున్న సమ్మె.. కేసీఆర్ కు కార్మికుల శాపనార్థాలు

ఉసురు తీస్తున్న సమ్మె.. కేసీఆర్ కు కార్మికుల శాపనార్థాలు

   19 hours ago


కావాల్సినంత ఇసుక.. రోజుకి లక్షటన్నులు

కావాల్సినంత ఇసుక.. రోజుకి లక్షటన్నులు

   19 hours ago


ఏపీ ఆర్ధిక పరిస్థితి ఇప్పట్లో మెరుగుపడే అవకాశమేలేదా?

ఏపీ ఆర్ధిక పరిస్థితి ఇప్పట్లో మెరుగుపడే అవకాశమేలేదా?

   20 hours ago


ఉధృతంగా ఆర్టీసీ సమ్మె-కార్మికుల వంటావార్పు

ఉధృతంగా ఆర్టీసీ సమ్మె-కార్మికుల వంటావార్పు

   21 hours ago


ఆర్టీసీ సిబ్బంది ప్రాణాల పట్ల తెలంగాణ సమాజానికి బాధ్యత లేదా

ఆర్టీసీ సిబ్బంది ప్రాణాల పట్ల తెలంగాణ సమాజానికి బాధ్యత లేదా

   21 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle