newssting
BITING NEWS :
* గోదావరిలో పర్యాటక బోటు మునక పలువురు గల్లంతు. *వైసీపీ ప్రభుత్వ పాలనలో ప్రజలకెన్నో ఇబ్బందులు.. ఇక పోరాటమే:పవన్ కళ్యాణ్ *.హైదరాబాద్ చేరుకున్న సత్య నాదెళ్ళ ...తండ్రి మాజీ ఐఏఎస్ అధికారి బీఎన్ యుగంధర్ అంత్యక్రియలు *బద్వేలులో భారీ అగ్నిప్రమాదం *హుజూర్‌నగర్‌ అభ్యర్థిని ప్రకటించిన కాంగ్రెస్‌ ...కాంగ్రెస్‌ అభ్యర్థిగా పద్మావతి *మిగులు రాష్ట్రాన్ని దివాలా తీయించారు ..కేసీఆర్ పై భట్టి విమర్శలు *నేడు భారత్‌–దక్షిణాఫ్రికా తొలి టి20

ఏపీలో పాలన సున్నా... రాజకీయ రచ్చే మిన్న!

09-09-201909-09-2019 18:12:04 IST
Updated On 09-09-2019 18:11:55 ISTUpdated On 09-09-20192019-09-09T12:42:04.360Z09-09-2019 2019-09-09T12:33:48.244Z - 2019-09-09T12:41:55.467Z - 09-09-2019

ఏపీలో పాలన సున్నా... రాజకీయ రచ్చే మిన్న!
facebooktwitterGooglewhatsappwhatsappGoogle
నవ్యాంధ్రప్రదేశ్‌లో జగన్ సర్కార్ కొలువుతీరి వంద రోజులు దాటిపోయింది. ఈ వంద రోజులూ కూడా ప్రభుత్వ పాలన కంటే రాజకీయం డామినేట్ చేసింది. ప్రజాక్షేత్రంలో ఘన విజయం సాధించి రాష్ట్రంలో అధికారం చేపట్టిన జగన్ సర్కార్ తొలి రోజు నుంచీ రాజకీయ వివాదాలకు కేంద్ర బిందువుగానే నిలుస్తున్నది. ఎన్నికల సమయంలో ఇచ్చిన హామీ మేరకు నవరత్నాల అమలుకు పెద్ద పీట వేస్తున్నట్లుగా బడ్జెట్ కేటాయింపులు చేసినప్పటికీ...పథకాల అమలు కంటే గత ప్రభుత్వం చేపట్టిన పనుల నిలుపుదల, కాంట్రాక్టుల రద్దు వంటి విషయాలతోనే నిత్యం వార్తలలో నిలుస్తూనే ఉంది.

వంద రోజుల పాలనకు ప్రజలు బ్రహ్మరథం పట్టారని వైసీపీ ఘనంగా చెప్పుకుంటుంటే...ప్రజా సంక్షేమం గాలి కొదిలేసి గత ప్రభుత్వ తప్పిదాలను వెతకడంతోనే సరిపెట్టేసిందని విపక్ష తెలుగుదేశం విమర్శలు గుప్పిస్తున్నది. ఇలా ఈ వంద రోజుల కాలమూ విమర్శలు, ప్రతి విమర్శలకే సరిపోయింది. సామాన్యులు కూడా తెలుగుదేశం ప్రభుత్వ విధానాలన్నీ తప్పుడువేనని నిరూపించడానికి తప్ప జగన్ సర్కార్ తానేం చేయాలో అది చేయడానికి ప్రయత్నించడం లేదన్న భావనకు వచ్చే పరిస్థితి ప్రస్తుతం ఏపీలో నెలకొని ఉంది. అన్నిటికీ మించి రాష్ట్రంలో శాంతి భద్రతల పరిస్థితిపై విపక్షంలోనే కాదు జన బాహుల్యంలో కూడా ఆందోళన వ్యక్తమౌతున్నది. 

ఎన్నికల అనంతరం ఒకటి రెండు రోజులు ఎన్నికల ఉద్రిక్తతలు ఉండటం సహజం కానీ ఏపీలో మాత్రం సార్వత్రిక ఎన్నికలు ముగిసి మూడు నెలలు గడిచిపోయినా చాలా ప్రాంతాలలో ఎన్నికల ఉద్రిక్తతలు చల్లారలేదు. అధికార, విపక్ష పార్టీ శ్రేణుల మధ్య దాడులు సాగుతూనే ఉన్నాయి. సహజంగానే ఈ దాడులలో అత్యధికంగా బాధితులు విపక్ష తెలుగుదేశం వారే. విపక్షం కూడా వైకాపా దాడులలో గాయపడిన బాధితులతో పునరావాస కేంద్రాలను ఏర్పాటు చేయడం ద్వారా అధికార పక్షాన్ని డిఫెన్స్ లో పడేసే ప్రయత్నం చేసింది. 

వైకాపా కూడా ప్రతి విమర్శ చేసినప్పటికీ పునరావాస కేంద్రాల ఏర్పాటు అధికార పక్షాన్ని ఇరుకున పెట్టిందనే చెప్పాలి. దీనికి తోడు అధికారం చేపట్టిన తొలినాళ్లలో కరకట్టపై అక్రమ కట్టడాలంటూ హడావుడి చేసిన వైసీపీ సర్కార్...ప్రజా వేదికను కూల్చేయడంతోనే చల్లారిపోవడంతో తెలుగుదేశం అధినేతపై అక్కసు మినహా అక్రమ కట్టడాలపై సర్కార్ కు సీరియస్ నెస్ లేదన్న భావన ప్రజలలో ఏర్పడేందుకు అవకాశం, ఆస్కారం ఇచ్చింది.

అలాగే అమరావతిపై ఒక్కో మంత్రి ఒక్కో విధంగా మాట్లాడటం, పోలవరం టెండర్ల రద్దు వంటి వాటితో జగన్ సర్కార్ పై లేశ మాత్రంగానైనా ప్రజలలో ఒకింత అసంతృప్తి వ్యక్తమయ్యే పరిస్థితి ఏర్పడింది. ఏది ఏమైనా ఏపీలో రాజకీయం గరంగరంగా ఉందనడంలో సందేహం లేదు.  అధికారం చేపట్టిన వంద రోజుల వ్యవధిలోనే వైసీపీపా తీసుకున్న కొన్ని దుందుడుకు నిర్ణయాలు తెలుగుదేశంపై సానుభూతి కలిగేందుకు దోహదపడ్డాయని పరిశీలకులు చెబుతున్నారు. గత ప్రభుత్వ తప్పిదాల నిగ్గు తేల్చడాన్ని ఎవరూ అభ్యంతర పెట్టరు కానీ....తప్పిదాల పేరుతో మొత్తం  పనులనే నిలిపివేయడం వల్ల ఈ పరిస్థితిని స్వయంగా వైసీపీ సర్కారే కొని తెచ్చుకుందని చెప్పడానికి వెనుకాడాల్సిన పని లేదు. 

ఇసుక విధానాన్ని ప్రకటించడంలో జగన్ సర్కార్ చేసిన జాప్యం అధికార పార్టీకి ఎంతో నష్టం చేసిందని చెప్పక తప్పదు. అలాగే  అమరావతి విషయంలో గందరగోళం ఏర్పడేందుకు మంత్రుల పరస్పర విరుద్ధ ప్రకటనలు కారణమయ్యాయి. పీఏపీల రద్దు వంటి నిర్ణయాలు ప్రభుత్వానికి న్యాయపరమైన చిక్కులు తెచ్చిపెట్టాయి. అన్నిటికంటే వైసీపీని ఇబ్బందుల్లోకి నెట్టిన అంశమేమిటంటే తెలుగుదేశం హయాంలో పోలవరం, విద్యుత్ ఒప్పందాల విషయంలో వైసీపీ చెబుతున్నట్లు అవకతవకలు జరిగాయనడానికి ఆధారాలు లేవని కేంద్ర మంతులు కుండబద్దలు కొట్టడమే.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle