newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

ఏపీలో కెసిఆర్ ఫ్లెక్సీల లొల్లి

14-12-201814-12-2018 13:26:57 IST
Updated On 14-12-2018 13:26:55 ISTUpdated On 14-12-20182018-12-14T07:56:57.125Z14-12-2018 2018-12-14T07:56:55.517Z - 2018-12-14T07:56:55.521Z - 14-12-2018

ఏపీలో కెసిఆర్ ఫ్లెక్సీల లొల్లి
facebooktwitterGooglewhatsappwhatsappGoogle
తెలంగాణ ఎన్నికలు ఏపీలో వేడి పుట్టించేశాయి. తొలుత ఎన్నికల ఫలితాలు వెలువడే వరకూ కోట్లలో బెట్టింగ్ దందాలకు ఆజ్యం పోయగా... రిజల్ట్స్ అనంతరం రాజకీయంగా గొడవలకు దారితీశాయి. భారీ మెజారిటీతో టిఆర్ఎస్ పార్టీ గెలవడంతో ఏపీలో కొన్ని వర్గాలవారు సంబరాలు జరుపుకున్నారు. కెసిఆర్‌కు శుభాకాంక్షలు తెలుపుతూ ఫ్లెక్సీలు కూడా ఏర్పాటు చేశారు. ముఖ్యంగా పశ్చిమగోదావరి జిల్లా నరసాపురంలో కెసిఆర్‌ను తెలంగాణ బాహుబలిగా పేర్కొంటూ పెద్ద ఫ్లెక్సీ వెలిసింది. అందులో వైఎస్ జగన్‌తో పాటు ఇతర వైసిపి నాయకుల ఫోటోలూ ఉన్నాయి. ఇదే అక్కడ అసలు సమస్యకు కారణం అయ్యింది. రాత్రి వరకూ ఉన్న ఆ ఫ్లెక్సీ తెల్లవారుజామున కనిపించలేదు. దీంతో దాన్ని ఎందుకు తొలగించారంటూ ఆ ఫ్లెక్సీని ఏర్పాటు చేసిన వాళ్ళు పోలీస్ స్టేషన్ మెట్లెక్కారు.

అనుమతి లేకుండా ఆ ఫ్లెక్సీని పెట్టడం వల్లే పురపాలక సంఘం తొలగించి ఉండొచ్చని మొదట భావించారు కానీ... విచారణలో మున్సిపాలిటీ తొలగించలేదని తేలింది. దీంతో ఈ వ్యవహారం అక్కడ రాజకీయంగా వేడి పుట్టించేసింది. ఎన్నో ఫ్లెక్సీలు ఉండగా... కెసిఆర్‌దే ఎందుకు తీసేశారంటూ ఫ్లెక్సీ నిర్వాహకులు అగ్గిమీద గుగ్గిలమవుతున్నారు. అధికార పార్టీ వర్గాలే ఈ చర్యకి పాల్పడిందని, వైసిపి తరఫున కెసిఆర్‌కు అభినందనలు తెలపడాన్ని తెలుగు తమ్ముళ్ళు జీర్ణించుకోలేక ఈ పని చేసి ఉంటారని వాళ్ళు మండిపడుతున్నారు. అయితే పోలీసులు మాత్రం తమకు ఈ ఫ్లెక్సీ వివాదంతో ఎలాంటి సంబంధం లేదని చేతులెత్తేశారు. ఈ ఫ్లెక్సీని అభిమానంతో పెట్టారో, లేక టిడిపి నేతలను రెచ్చగొట్టేందుకు ఏర్పాటు చేశారో తెలీదు కానీ... రాజకీయంగా మాత్రం ఇది పెద్ద వివాదానికే దారితీసింది.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle