newssting
BITING NEWS :
*శాసన మండలిలో మళ్ళీ గందరగోళం...కొనసాగుతోన్న మూడు రాజధానుల రగడ..రూల్‌ 71పై చర్చకు అనుమతించిన మండలి ఛైర్మన్‌..అభ్యంతరం వ్యక్తం చేసి నినాదాలు చేస్తున్న వైసీపీ సభ్యులు *మండలి ఛైర్మన్ ఛైర్ వద్దకు వెళ్లిన పీడీఎఫ్, టీడీపీ ఎమ్మెల్సీలు..వాయిదా పడ్డాక మండలి ఛైర్మనుతో మంత్రుల భేటీ*ఐదోసారి శాసన మండలి వాయిదా..మండలి వద్ద భారీగా మార్షల్స్ మొహరింపు..మండలి ఛైర్మన్ వద్దకు వచ్చి ఆయనతో మాట్లాడిన బుద్దా వెంకన్న*ఎంపీ గల్లా జయదేవ్ కి బెయిల్ మంజూరు..బెయిల్ మంజూరు చేసిన మంగళగిరి సెషన్స్ కోర్టు..గుంటూరు సబ్ జైలు నుండి విడుదలైన ఎంపీ, పోలీసుల తీరు సరిగా లేదన్న గల్లా *ఫ్యాక్షన్ తరహా పాలన చేయాలని వైసీపీ చూస్తోంది.. వైసీపీ నిర్ణయాలు వాళ్ల వినాశనం కోసమే.. ఇకపై ఏపీలో వైసీపీకి అధికారం అనేదే ఉండదు..వైసీపీ ప్రభుత్వాన్ని కూల్చేవరకు నిద్రపోను-పవన్ కల్యాణ్‌*నాకు రాజకీయాలను ఆపాదించవద్దు... నిబంధనల ప్రకారమే వ్యవహరిస్తున్నాను-మండలి ఛైర్మన్ షరీఫ్*నిర్ణయాన్ని మార్చుకున్న వైసీపీ సర్కార్... విజయవాడలోనే రిపబ్లిక్ డే*అమరావతి: ఎస్సీ కమిషన్ బిల్లుపై చర్చలో గందరగోళం.. చర్చకు అడ్డుతగిలిన టీడీపీ సభ్యులు... జై అమరావతి అంటూ టీడీపీ సభ్యుల నినాదాలు.. టీడీపీ సభ్యులపై తీవ్ర ఆగ్రహం.. సభ నుంచి వెళ్లిపోయిన స్పీకర్ *వికేంద్రీకరణ, సీఆర్డీఏ రద్దు బిల్లుకు ఏపీ శాసనసభ ఆమోదం.. ఏపీకి ఇక నుంచి మూడు రాజధానులు.. విశాఖ ఎగ్జిక్యూటివ్ క్యాపిటల్, అమరావతి లేజిస్లేటివ్ క్యాపిటల్, కర్నూలులో జ్యూడీషియల్ క్యాపిటల్‌కు సభ ఆమోదం

ఏపీలో అరకోర ‘సంక్షేమం’ - అర్హులకు సైతం అందని వైనం!

09-10-201909-10-2019 12:13:53 IST
2019-10-09T06:43:53.542Z09-10-2019 2019-10-09T06:43:46.845Z - - 21-01-2020

ఏపీలో అరకోర ‘సంక్షేమం’ - అర్హులకు సైతం అందని వైనం!
facebooktwitterGooglewhatsappwhatsappGoogle

ఆంధ్రప్రదేశ్ లో సంక్షేమ పథకాలు ఘనంగా ఉన్నా...అరకొర ప్రయోజనాలే లబ్ధి దారులకు అందుతున్నాయి.  ఉమ్మడి ఆంధ్రప్రదేశ్ రాష్ట్రంలో సంక్షేమ పథకాలు సమాజంలోని అన్ని వర్గాలకూ ఏదో ఒక రూపంలో అందేలా రూపకల్పన చేసి అమలు చేశారు. అవి ఫలించాయి. అప్పటి ప్రభుత్వానికి ప్రజాభిమానాన్ని మెండుగా సంపాదించి పెట్టాయి. ఇప్పుడు ఆంధ్రప్రదేశ్ రాష్ట్రంలో జగన్ సర్కార్ కూడా అదే పంథాలు అనుసరించాలని భావిస్తున్నది. అందుకే సమాజాంలోని ప్రతి వర్గానికీ ఏదో రూపంలో సంక్షేమం అందేలా పథకాలను రూపకల్పన చేసింది. అయితే  ఆ పథకాల అమలుకు ప్రభుత్వమే రూపొందించిన నిబంధనలు అడ్డుగా నిలుస్తున్నాయి. ఈ నిబంధనల కారణంగా చాలా సందర్భాలలో అర్హులకు కూడా ‘సంక్షేమం’ అందకుండా పోతున్నది. అంతే కాదు...అవే నిబంధనలు అవరోధాలుగా మారి...అర్హులు సైతం వాటిని ఆ పథకాల లబ్ధిదారులుగా ముందుకు రావడానికి సంకోచిస్తున్న పరిస్థితి ఏర్పడుతున్నది. 

వాహనమిత్ర పథకాన్నే తీసుకుంటే...లబ్ధిదారులు సైతం ముందుకు రాని పరిస్థితి ఉంది. ఇప్పటికే రెండు సార్లు ఈ పథకం లబ్ధిదారులుగా నమోదుకు ముందుకు రాకపోవడంతో ఇప్పటికే గడువు పెంచిన సర్కార్ మరోసారి కూడా గడువు పెంచేందుకు నిర్ణయించింది. ఈ పథకానికి దరఖాస్తు చేయాలంటే రేషన్ కార్డు, ఆధార్ కార్డు కాపీలు జత చేయాల్సి ఉంటుంది. అలాగే ఒకే కుటుంబంలోని ఇద్దరు వ్యక్తులకు చెరో ఆటో ఉంటే...వారిలో ఒకరికి మాత్రమే ఈ పథకంలో ప్రయోజనం చేకూరుతుంది. జీవనోపాధి కోసం రెండు ఆటోలున్న వ్యక్తి కి కూడా ఒకే ప్రయోజనం చేకూరుతుంది. అంటే కుటుంబంలో అర్హత ఉన్న వ్యక్తులు ఒకరి కంటే ఎక్కువ ఉంటే...అందరికీ ఈ పథకం వర్తించే పరిస్థితి లేదు.

గత వైఎస్ సర్కార్ సంక్షేమ పథకాలలో ఇటువంటి నిబంధనలు ఉండేవి కాదు. ఆరోగ్య శ్రీ, ఫీజు రీయింబర్స్ మెంట్ ఇలా ఏ పథకం తీసుకున్నా...ఒకే కుటుంబంలో ఎంత మంది అర్హులు ఉంటే అంత మందికీ ప్రయోజనం చేకూరేది. అందుకే వైఎస్ఆర్ పథకాలు అంతగా ప్రజాదరణ పొందాయి. ఇప్పుడు జగన్ సర్కార్ రూపొందించిన పథకాల పట్ల లబ్ధి దారులు సైతం అసంతృప్తి వ్యక్తం చేస్తున్న పరిస్థితి నెలకొని ఉంది.జగన్ సర్కార్ నవరత్నాల పేరుతో అమలు చేస్తున్న, చేయనున్న పథకాలన్నీ కూడా బహుళ ప్రజాదరణ పొందేందుకు నిబంధనలు అడ్డువస్తున్నాయి.

అమ్మ ఒడి పథకాన్నే తీసుకుంటే...ఈ పథకం గురించి జగన్ ప్రకటన చేసినప్పుడు ప్రభుత్వ, ప్రైవేటు పాఠశాలలన్న తేడా లేకుండా...ఒక కుటుంబంలో ఎంత మంది పిల్లలుంటే అందరికీ ఈ పథకాన్ని వర్తింప చేస్తామని చెప్పారు. అయితే తీరా పథకం అమలు వద్దకు వచ్చే సరికి ఈ పథకం లబ్ధి కేవలం ప్రభుత్వ పాఠశాలల్లో చదివే వారికేనని ప్రభుత్వం ప్రకటన చేసింది. అదీ ఒక కుటుంబంలో ఒక్కరికే ఈ పథకం వర్తిస్తుందన్న సవరణా చేశారు. దీంతో ఈ పథకం ద్వారా లబ్ధి పొందేవారికి సైతం తీవ్ర అసంతృప్తి ఏర్పడుతోంది. ఇంకా అమలులోనికి రాకముందే...అమ్మఒడి పథకం పట్ల ఆ పథకం వల్ల ప్రయోజనం పొందే వారే అసంతృప్తి చెందుతున్నారు. పథకాల ప్రకటనే కాదు...వాటి అమలు కూడా పకడ్బందీగా ఉన్నప్పుడు మాత్రమే అవి ప్రజల మన్ననలు పొందుతాయి.

అందుకు భిన్నంగా నిబంధనల సంకెళ్లు విధించి...పథకం కోసం దరఖాస్తు చేసుకోవడానికే లబ్ధిదారులు వెనుక ముందులాడేలా ఉంటే అవి ఆశించిన ఫలితాలు ఎంత మాత్రం ఇవ్వజాలవు. అమ్మ ఒడి పథకాన్నే తీసుకుంటే ప్రభుత్వ నిబంధనలు పేదలకు ఒకరి కంటే ఎక్కువ మంది పిల్లలను చదివించుకునే అర్హత లేదని స్వయంగా ప్రభుత్వమే భావిస్తున్నదా అన్న అనుమానాలు వ్యక్తమౌతున్నాయి. ఉన్న ఇద్దరు పిల్లలలో పథకం లబ్ధి కోసం ఒకరిని ప్రభుత్వ పాఠశాలలో చేర్చి మరొకరిని ప్రైవేటు పాఠశాలలో చేర్చడం వల్ల ఆర్థికంగా ఆ కుటుంబానికి లభించే వెసులు బాటు ఏముంటుంది?

ఇలా ఏపీలో జగన్ సర్కార్ అమలు చేస్తున్న, చేస్తామంటున్న ప్రతి సంక్షేమ పథకం లబ్ధిదారులలో అయోమయాన్నీ, అసంతృప్తినీ నింపుతోంది. ఉమ్మడి ఆంధ్రప్రదేశ్ రాష్ట్రంలో వైఎస్ రాజశేఖరరెడ్డి హయాంలో అమలు చేసిన పథకాలు...వంద శాతం లబ్ధిదారులకు చేరేలా లక్ష్యం పెట్టుకుని అందుకు అనుగుణంగా అమలు చేయడం జరిగింది. అందుకే నాడు వైఎస్ హయాంలో అమలు చేసిన పథకాలు నేరుగా లబ్ధిదారుకు చేరాయి.  ఇప్పుడు విభజిత ఆంధ్రప్రదేశ్ రాష్ట్ర ముఖ్యమంత్రిగా ఉన్న వైఎస్ తనయుడు జగన్ మోహన రెడ్డి మాత్రం సంక్షేమ పథకాల ప్రకటనలో తండ్రిని అనుసరిస్తున్నా...వాటి అమలు విషయంలో మాత్రం ఆ బాటలో పయనించడం లేదు. 

అందుకే పథకాలు ఆకర్షణీయంగా, ప్రయోజనకరంగా కనిపిస్తున్నా...వాటిని పొందేందుకు అర్హులైన లబ్ధిదారులు కూడా ఇబ్బందులు పడే పరిస్థితి ఉంది.  పథకాల వల్ల రాజకీయ ప్రయోజనం పొందాలన్న భావనే తప్ప ఆ పథకాలు అర్హులైన వారందరికీ అందుతున్నాయా? అన్న సమీక్ష, అందేలా చూడాలన్న సంకల్పం ప్రభుత్వానికి ఉన్నట్లు కనిపించదు. ఈ విషయంలో ప్రభుత్వం ఒక సారి సమీక్షించి...అమలు కార్యాచరణలో అవసరమైన మార్పులు చేయాల్సిన అవసరం ఎంతైనా ఉంది.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle