newssting
BITING NEWS :
*ఉన్నావ్ అత్యాచార బాధితురాలు మృతిపై నిరసనలు.. బాధిరాలి కుటుంబాన్ని పరామర్శించిన ప్రియాంకా గాంధీ *నేడు మండపేటలో పవన్ కల్యాణ్ పర్యటన... రైతుల సమస్యలు తెలుసుకోనున్న పవన్ *పఠాన్ చెరువులో బయటపడ్డ మరో సంగీత ఉదంతం.. అత్తింటి వేధింపులపై మాట్లాడేందుకు వెళ్లిన అత్తామామలపై దాడి చేసిన అనూష భర్త, అతని సోదరుడు*నేడు భారత్-వెస్టిండీస్ మధ్య రెండో టీ-20 మ్యాచ్.. తిరువనంతపురం వేదికగా రాత్రి 7 గంటలకు మ్యాచ్ ప్రారంభం*జీహెచ్ఎంసి టౌన్ ప్లానింగ్ లో భారీగా బదిలీలు... 49మంది సెక్షన్ అధికారులను బదిలీ చేసిన జీహెచ్ఎంసి అధికారులు*కేంద్ర మంత్రి నిర్మలా సీతారామన్ కు తెలంగాణ ముఖ్యమంత్రి కెసిఆర్ లేఖ.తెలంగాణకు పన్నుల వాటా పన్నుల విడుదల చేయాలని వినతి *ఏపీలో పెరిగిన ఆర్టీసీ చార్జీలు.. పల్లె వెలుగు, సిటీ సర్వీసులపై కిలోమీటర్ కు 10 పైసలు పెంపు... మిగిలిన అన్ని సర్వీసులపై కిలోమీటర్ కు 20 పైసలు పెంపు*ఎన్ కౌంటర్ మృత దేహాలను గాంధీ ఆసుపత్రికి తరలించాలని హైకోర్టును ఆశ్రయించిన పాలమూరు ఎస్పీ*అమ్మ రాజ్యంలో కడప బిడ్డలు సినిమా విడుదలకు తొలగిన అడ్డంకి...12న విడుదల *కడపజిల్లాలో దొంగనోట్ల చలామణి ముఠా గుట్టురట్టు

ఏపీలో అన్ని జిల్లాల్లో పారిశ్రామిక పార్కులతో దశ తిరగనుందా?

19-09-201919-09-2019 10:59:37 IST
Updated On 19-09-2019 15:45:32 ISTUpdated On 19-09-20192019-09-19T05:29:37.157Z19-09-2019 2019-09-19T05:29:35.239Z - 2019-09-19T10:15:32.512Z - 19-09-2019

ఏపీలో అన్ని జిల్లాల్లో పారిశ్రామిక పార్కులతో దశ తిరగనుందా?
facebooktwitterGooglewhatsappwhatsappGoogle
విశాఖపట్నం నూతన పెట్టుబడులకు కేంద్రంగా ఆవిర్భవిస్తున్న తరుణంలో రాష్ట్రంలోని 13 జిల్లాల్లో ప్రపంచ స్థాయి పారిశ్రామిక పార్కులను అభివృద్ధి చేయనున్నామని ఆంధ్రప్రదేశ్ ఐటీ, పరిశ్రమల మంత్రి మేకపాటి గౌతమ్ రెడ్డి ప్రకటించారు. ఇక శరవేగంగా అభివృద్ధి చెందుతున్న విశాఖపట్నం నగరాన్ని భారతదేశ నూతన పెట్టుబడుల గమ్యస్థానంగా మారుస్తామని చెప్పారు.

రాష్ట్ర పరిశ్రమల విభాగం, ఏపీ వాణిజ్య, పారిశ్రామిక సమాఖ్య ఆధ్వర్యంలో విశాఖపట్నంలో నిర్వహిస్తున్న మొదటి కాన్సులేట్ బిజినెస్ మీట్‌లో ఐటీ మంత్రి ప్రసంగించారు. ఈ సదస్సుకు రష్యా, ఫ్రాన్స్, ఇరాన్, ఇటలీ, థాయ్‌లాండ్ కొలంబియా, కెనడా, జర్మనీ, కొరియా, బెల్జియం తదితర దేశాలకు చెందిన కాన్సుల్ జనరల్స్, ట్రేడ్ కమిషనర్లు హాజరయ్యారు. 

రాష్ట్రంలోని 974 కిలోమీటర్ల పొడవున్న తీరప్రాంతాన్ని అభివృద్ధి చేయడానికి ఉన్న భారీ అవకాశాలను ప్రపంచానికి తెలియపర్చే లక్ష్యంలో భాగంగా ఈ సదస్సును ఏర్పాటు చేశారు. తీరప్రాతంలో వివిధ పరిశ్రమల స్థాపన కోసం విదేశాల సహకారాన్ని కోరే లక్ష్యంతో ఈ సదస్సును తలపెట్టామని మంత్రి చెప్పారు. సులభతర వాణిజ్యానికి అన్ని స్థాయిల్లో వీలు కల్పిస్తూ సుపరిపాలనను, అవినీతి రహితమైన పారదర్శక పాలనను అందించడానికి తమ ప్రభుత్వం చిత్తశుద్ధితో ఉందని మంత్రి తెలిపారు. 

ఎలెక్ట్రిక్ వాహనాల ప్రమోషన్‌ నూతన ప్రభుత్వ ప్రాధాన్యతగా ఉందని, ఆటోమొబైల్ తయారీ యూనిట్లను ప్రోత్సహించడం ద్వారా ఆంధ్రప్రదేశ్‌ని మరొక డెట్రాయిట్‌గా మార్చేందుకు తాము ప్లాన్ రూపొందిస్తున్నామని తెలిపారు.

చమురు రహిత ఎలెక్ట్రిక్ వాహనాలకు సంబంధించిన పాలసీని రూపొందించడం ద్వారా ఏపీ దేశంలోనే పైలట్ స్టేట్‌గా మారనుందని మంత్రి చెప్పారు. రాష్ట్రం నుంచి ఎగుమతుల ద్వారా టర్నోవర్ పెద్దగా లేదని, ఎగుమతులను రెట్టింపు చేయాల్సిన అవసరముందన్నారు. ప్రస్తుతం 4 బిలియన్ల నుంచి 5 బిలియన్ల మేరకు జరుగుతున్న ఎగుమతులను పొడవైన తీరప్రాంతాన్ని సమర్థంగా ఉపయోగించుకోవడం ద్వారా రెట్టింపు చేస్తామన్నారు. 

తైవాన్, వియత్నా వంటి దేశాల్లో అమలవుతున్న ఓపెన్ సీ కల్చర్‌ను పెంపొందించడం ద్వారా సముద్ర ఉత్పత్తుల వృద్ధి కోసం తమ ప్రభుత్వం సముద్ర విధానాన్ని ఖరారు చేయనుందని మంత్రి చెప్పారు. ఫుడ్ ప్రాసెసింగ్ పరిశ్రమలు, కోల్డ్ చైన్స్ రంగంలో పెట్టుబడుల తమ ప్రాధమ్యంగా ఉంటున్నాయని తెలిపారు. అలాగే ప్రపంచ స్థాయి సీఫుడ్ ల్యాబ్‌లను ప్రోత్సహించనున్నామని వెల్లడించారు.

మంత్రి ప్రకటన ఎంత ఆశాజనకంగా ఉన్నప్పిటికీ అన్నీ ఉన్నా అల్లుడి నోట్లో శని అన్న చందంగా అవకాశాలను అందిపుచ్చుకోవడంలో వెనుకబడిపోవడమే ఆంధ్రప్రదేశ్‌కు శాపంగా మారింది. విస్తార తీరప్రాంతంలో కొట్టొచ్చినట్లు కనిపిస్తున్న అభివృద్ధిని ప్రభుత్వాలు ఏమేరకు అందుకుంటాయన్నదే ఆచరణలో తేలాల్సి ఉంది.

 

 

 

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle