newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

ఏపీలోనూ నేతల నేరచరిత్ర ఘనమే

08-04-201908-04-2019 08:47:39 IST
2019-04-08T03:17:39.422Z08-04-2019 2019-04-08T03:17:12.896Z - - 22-07-2019

ఏపీలోనూ నేతల నేరచరిత్ర ఘనమే
facebooktwitterGooglewhatsappwhatsappGoogle
ఎన్నికల వేళ ఈసీ, సుప్రీంకోర్టు ఆదేశాలతో నేతల చిట్టా బయటపడుతోంది. తమకు ఆస్తులు, అప్పులు, తమమీద వున్న నేరాలు, కేసులు, పడిన శిక్షలు అన్నీ వెల్లడి అవుతున్నాయి. ఆంధ్రప్రదేశ్‌లో 175 శాసన సభ స్థానాలకు ఎన్నికలు జరుగుతున్నాయి. టీడీపీ, వైసీపీ, జనసేన పార్టీల నుంచి పోటీ చేస్తున్న అభ్యర్థుల్లో 171 మంది వివిధ కేసుల్లో నేరాభియోగాలను ఎదుర్కొంటున్నట్టు వెల్లడయింది.

సీఎం చంద్రబాబునాయుడుపై కేసు ఉంది.మహారాష్ట్రలో బాబ్లీ ప్రాజెక్టు వద్ద ఆందోళనకు సంబంధించిన ఈ కేసులోనే మంత్రి నక్కా ఆనందబాబు, దేవినేని ఉమామహేశ్వరరావు తదితరులు కూడా నిందితులుగా ఉన్నారు.వీరిలో అత్యధికంగా జగన్ పార్టీకి చెందిన 97 మంది వివిధ కేసుల్లో నిందితులుగా ఉన్నారు.

అలాగే టీడీపీ అభ్యర్ధుల్లో 49 మంది, జనసేనలో 25 మందిపై నేరారోపణలు ఉన్నాయి. వైసీపీ అధ్యక్షుడు వైఎస్‌ జగన్మోహన్‌రెడ్డిపై 11 సీబీఐ, 7 ఈడీ కేసులు సహా అత్యధికంగా 31 కేసులున్నట్టు అఫిడవిట్లో వివరించారు. జగన్ తర్వాత స్థానం మాత్రం ఒక టీడీపీ నేతకు దక్కింది. ఆయనేం మంత్రికాదు, కేవలం ఎమ్మెల్యే, టీడీపీ విప్. అంతటి ఘన చరిత్ర పశ్చిమగోదావరి జిల్లా దెందులూరు టీడీపీ అభ్యర్థి చింతమనేని ప్రభాకర్‌ది. ఆయన 26 కేసుల్లో నిందితుడిగా ఉన్నారు.

వీరితో పాటు శ్రీకాకుళం వైసీపీ అభ్యర్థి ధర్మాన ప్రసాదరావు జగన్‌ అక్రమాస్తుల కేసుల్లో నిందితుడిగా ఉన్నారు.   వైఎస్‌ ప్రభుత్వంలో రెవెన్యూ మంత్రిగా ఉన్న సమయంలో నిబంధనలకు విరుద్ధంగా భూములను కేటాయించి రాష్ట్ర ప్రభుత్వ ఖజానాకు తీవ్ర నష్టం కలిగించారన్న ఆరోపణలతో ఆయనపై సీబీఐ కేసు నమోదైంది. మోపిదేవి వెంకటరమణ, వసంత కృష్ణప్రసాద్‌, మల్లా విజయ్‌ప్రసాద్‌, ఆదిమూలపు సురేష్‌ తదితరులపైనా సీబీఐ కేసులున్నాయి.

వీరితో పాటు జనసేన అభ్యర్థులు పలువురు హత్యకు పాల్పడటం, హత్యకు కుట్ర పన్నడం, మహిళల ఆత్మ గౌరవానికి భంగం కలిగేలా వ్యవహరించడం, ఇసుక దోపిడీ వంటి తీవ్ర నేరాల్లో అభియోగాలు ఎదుర్కొంటున్నారు. ప్రభుత్వ ఉద్యోగి విధులకు ఆటంకం కలిగించిన కేసులో భీమడోలు న్యాయస్థానం చింతమనేని ప్రభాకర్‌కు వెయ్యి జరిమానా, రెండేళ్ల జైలు శిక్ష విధించింది.

దీనిపై ఆయన హైకోర్టులో అప్పీలుకెళ్లారు. టీడీపీ నేత పి.రామసుబ్బారెడ్డికి ఓ హత్య కేసులో హైదరాబాద్‌ మెట్రోపాలిటన్‌ సెషన్స్‌ కోర్టు యావజ్జీవ ఖైదు, రూ.1,000 జరిమానా విధించింది. భార్య హత్య కేసులో తనకు రెండేళ్ల జైలు శిక్షపడిందని రేపల్లె జనసేన పార్టీ అభ్యర్థి కమతం సాంబశివరావు వివరించారు. 

 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle