newssting
Radio
BITING NEWS :
ఓ ఆసుపత్రిలో మహిళా రోగిపై ఉద్యోగి అత్యాచారం. గురుగ్రామ్ నగరంలో వెలుగుచూసిన దారుణం. ప్రైవేటు ఆసుపత్రిలోని ఇంటెన్సివ్ కేర్ యూనిట్ లో 21 ఏళ్ల యువతి క్షయ వ్యాధితో చికిత్స కోసం చేరగా వెంటిలేటరుపై చికిత్స పొందుతూ స్పృహ లేని స్థితిలో ఉన్నపుడు ఆసుపత్రి ఉద్యోగి ఒకరు తనపై అత్యాచారం చేశాడని తన చేత్తో రాసిన నోట్ ద్వారా తండ్రికి తెలిపిన బాధితురాలు * నలుగురు ఆమ్ ఆద్మీ పార్టీ శాసనసభ్యులపై కేసులు నమోదు చేసిన ఢిల్లీ పోలీసులు. ఢిల్లీలో పారిశుద్ధ్య పనుల ప్రైవేటీకరణకు వ్యతిరేకంగా ఉద్యమించిన నలుగురు ఆప్ ఎమ్మెల్యేలపై పోలీసులు కేసులు. పారిశుద్ధ్య పనుల ప్రైవేటీకరణకు వ్యతిరేకంగా ఆప్ నాయకుడు దుర్గేష్ పాథక్ 1500మంది ప్రజలతో పౌరకేంద్రం ముందు నిరసన కార్యక్రమం చేపట్టగా..అనుమతి లేకుండా నిరసన చేపట్టారని కేసులు నమోదు * 317వ రోజుకు చేరుకున్న అమరావతి రైతు నిరసనలు. రాజధానిగా అమరావతినే కొనసాగించాలని డిమాండ్ చేస్తూ రైతులు, మహిళలు చేపట్టిన నిరసనలు. అమరావతి గ్రామాల్లోని శిబిరాల్లో కొనసాగుతున్న రైతుల ఆందోళనలు. కరోనా సూచనలు పాటిస్తూ సాగుతున్న అమరావతి ఉద్యమం * ఉత్తర తమిళనాడుకు ఆనుకుని నైరుతి బంగాళాఖాతంలో ఏర్పడిన ఉపరితల ఆవర్తనం. రానున్న 24 గంటల్లో కోస్తా, రాయలసీమల్లో చెదురుమదురుగా వర్షాలు కురుస్తాయని, మిగిలినచోట్ల పొడి వాతావరణం కొనసాగుతుందని తెలిపిన వాతావరణ శాఖ. కాగా ఈశాన్య గాలులు ప్రారంభం కావడంతో అనేకచోట్ల, ముఖ్యంగా ఏజెన్సీ ప్రాంతాల్లో కురుస్తున్న మంచు. పగటిపూట మాత్రం కొనసాగుతున్న ఎండ * గ్రేటర్‌ ఎన్నికలకు పడిన మరో ముందడుగు. వార్డుల వారీగా రిటర్నింగ్‌, అసిస్టెంట్‌ రిటర్నింగ్‌ అధికారులను నియమిస్తూ రాష్ట్ర ఎన్నికల సంఘం ఉత్తర్వులు జారీ. గ్రేటర్‌లో 150 వార్డులకు తహసీల్దార్‌, ఎంపీడీఓ తదితర కేడర్‌ అధికారులను రిటర్నింగ్‌, అసిస్టెంట్‌ రిటర్నింగ్‌ ఆఫీసర్లుగా జీహెచ్‌ఎంసీ సూచించిన వారిని నియమిస్తున్నట్లుగా రాష్ట్ర ఎన్నికల సంఘం ఆమోదం * బేగంపేట మెట్రో స్టేషన్‌ పై నుంచి పడి యువకుడు మృతి. ఈ నెల 26న జరగ్గా ఆలస్యంగా వెలుగులోకి వచ్చిన ఘటన. చార్టెడ్‌ అకౌంటెన్సీ కోర్స్‌ చేస్తున్న కర్నూల్‌ జిల్లా మంత్రాలయం రామచంద్రనగర్‌కు చెందిన జీ మంజునాథ్‌ (23) ఈ నెల 14న నగరానికి రాగా ఆత్మహత్య చేసుకున్నట్లుగా సీసీ కెమెరాలలో రికార్డు * గురువారం నుంచి అందుబాటులోకి వచ్చిన తెలంగాణ ప్రభుత్వం అత్యంత ప్రతిష్టాత్మకంగా తీసుకొస్తున్న ధరణి ఫోర్టల్‌ సేవలు. మేడ్చల్‌ జిల్లా మూడుచింతలపల్లిలో ముఖ్యమంత్రి కేసీఆర్‌ ప్రారంభం. ధరణి సేవలు మొదలైతే తాసిల్దార్‌ కార్యాలయాల్లో రోజుకు16 డాక్యుమెంట్లు రిజిస్ట్రేషన్ చేసే వెసులుబాటు * చెన్నై నగరాన్ని అతలాకుతలం చేస్తున్న భారీ వర్షాలు. గత రాత్రి నుంచి మహానగరంలో ఎడతెరపిలేకుండా కురుస్తున్న భారీ వర్షాలు. తిరువాన్మియూర్, మైలాపూర్, రాయపెట్ట, అడయార్‌లలో వర్షాలు కురుస్తున్నాయి. కుండపోతగా కురుస్తున్న వర్షాలకు పలు కాలనీలు నీట మునిగగా వర్షపు నీటిని తొలగించడానికి అధికారులు అన్ని చర్యలు చేపట్టారు * మంచిర్యాల జిల్లాలోని హజీపూర్ మండలం నర్సింగ పూర్ శివారులో పెద్ద పులి సంచారం . ఎల్లంపల్లి ప్రాజెక్టు దిగువన పులి సంచారాన్ని గుర్తించిన గ్రామస్థులు. విషయం తెలిసిన అటవీ శాఖ అధికారులు అక్కడకు చేరుకుని అడుగుల ద్వారా పులి సంచారాన్ని నిర్ధారించారు. దీంతో సమీప అటవీ ప్రాంతాలకు ప్రజలు వెళ్ళొద్దని అధికారులు సూచనలు జారీ.

ఏపీకి మూడు రాజధానులు.. జగన్ సంచలన నిర్ణయం?

17-12-201917-12-2019 18:50:20 IST
Updated On 18-12-2019 08:59:22 ISTUpdated On 18-12-20192019-12-17T13:20:20.638Z17-12-2019 2019-12-17T13:20:17.856Z - 2019-12-18T03:29:22.550Z - 18-12-2019

ఏపీకి మూడు రాజధానులు.. జగన్ సంచలన నిర్ణయం?
facebooktwitterGooglewhatsappwhatsappGoogle
ఏపీ రాజధాని అమరావతిపై ఎడతెగని సస్పెన్స్ కొనసాగుతూనే వుంది. తాజాగా మళ్ళీ రాజధాని అంశం హాట్ టాపిక్ అయింది. అసెంబ్లీలో అమరావతిపై చర్చ సందర్భంగా కొత్త ప్రతిపాదనలు తెరమీదకు వచ్చాయి. అభివృద్ధి వికేంద్రీకరణ దిశగా ముఖ్యమంత్రి వైఎస్ జగన్ అడుగులు వేస్తున్నట్టు కనిపిస్తోంది. ఏపీ అసెంబ్లీ సమావేశాల సందర్భంగా అమరావతి రాజధాని పై జరిగిన చర్చలో కీలక వ్యాఖ్యలు చేశారు సీఎం జగన్.

ఈసందర్భంగా జగన్ దక్షిణాఫ్రికాను ప్రస్తావించారు. సౌత్ ఆఫ్రికాకు మూడు రాజధానులు ఉన్నాయని ..బహుశా ఏపీలో కూడా అలాంటి పరిస్థితి వస్తుందేమో అంటూనే ప్రసంగం చివరలో అందరికీ క్లారిటీ వచ్చిందని అనుకుంటానంటూ వ్యాఖ్యానించారు. దీంతో మూడు ప్రాంతాలను ప్రస్తావించారు. 

అమరావతి : లెజిస్లేటర్ క్యాపిటల్

విశాఖపట్నం : ఎగ్జిక్యూటివ్ క్యాపిటల్

కర్నూలు : జ్యూడిషియరీ క్యాపిటల్

కొద్దిరోజుల క్రితమే శాసనమండలిలో ప్రభుత్వం ప్రకటన చేసింది. అమరావతి విషయంలో నెలకొన్న సందిగ్ధతకు తెరపడిందని భావిస్తున్న తరుణంలో మళ్లీ ఈ అంశం హాట్ టాపిక్ అయింది. తాజాగా నిపుణుల కమిటీ నివేదిక వారంలో వస్తుందని.. త్వరలోనే దీనిపై నిర్ణయం తీసుకుంటామని సీఎం జగన్ చెప్పారు. మంత్రి బొత్స సత్యనారాయణ మాట్లాడుతూ.. రాష్ట్రంలోని అన్ని ప్రాంతాలను అభివృద్ది చేయడమే తమ లక్ష్యం అని స్పష్టం చేశారు.

మొత్తం మీద వైసీపీ అధికారంలోకి వచ్చినప్పటినుంచి రాజధానిపై సందిగ్థత కొనసాగుతూనే వుంది. రాజధాని ఏర్పాటుపై నెలకొన్న అనేక అపోహలు,సందేహాలకు ముఖ్యమంత్రి తన ప్రకటనతో తెరదించినట్టు అయింది. మూడు రాజధానుల ప్రకటనతో రాష్ట్రంలోని ఉత్తరాంధ్ర,రాయలసీమ,కోస్తాంధ్ర ప్రాంతాలకు సమన్యాయం చేస్తున్నామన్న సంకేతాలను జగన్ పంపించారని రాజకీయ విశ్లేషకులు చెబుతున్నారు. ఈ మూడు రాజధానుల గురించి ప్రజల నుంచి ఎలాంటి స్పందన వస్తుందో చూడాలి. ఇప్పటికే చంద్రబాబు జగన్ నిర్ణయాలను తుగ్లక్ పాలన అంటూ దుయ్యబడుతున్న సంగతి తెలిసిందే. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle