newssting
BITING NEWS :
*దర్శకుడు రాంగోపాల్ వర్మపై కేసు.. సోమవారం విచారణకు హాజరుకావాలని ఆదేశం * యూపీలో ఉన్నావ్ తరహా ఘటన .. మహిళపై అత్యాచారం.. సజీవ దహనానికి యత్నం *రణరంగంగా మారిన ఢిల్లీ..దక్షిణ ఢిల్లీలోని జామియా మిలియా యూనివర్శిటీ వద్ద తీవ్ర ఉద్రిక్తత...క్యాబ్ కు వ్యతిరేకంగా ఆందోళన *హీరో బషీద్ అరెస్ట్...ఎవడ్రా హీరో అనే చిత్రంలో హీరోగా నటించిన బషీద్..రుణాలు ఇప్పిస్తానంటూ మోసానికి పాల్పడినట్టు ఆరోపణ *తూర్పు గోదావరి జిల్లా హసన్ బాద్ లో ప్రమాదం..బైక్ ను ఢీ కొన్న ఐషర్ వ్యాన్..ముగ్గురి మృతి..మరొకరికి తీవ్ర గాయాలు *ముగిసిన నటుడు, రచయత గొల్లపూడి అంత్యక్రియలు..చెన్నైలోని కన్నమ్మపేట దహనవాటికలో తుది వీడ్కోలు *కాల్పులకు దారితీసిన రైతు భరోసా డబ్బుల పంపకం..విశాఖ ఏజెన్సీలోని హుకుంపేట మండలం రంగశీలలో ఘటన*ఏపీ రాజధాని ప్రాంతంలో మళ్లీ కాల్‌మనీ రగడ..తాడేపల్లి పోలీస్‌ స్టేషన్‌ ఎదుట యువకుడి ఆత్మహత్యాయత్నం

ఏపీకి తిరిగి రానని శపథం.. ఎల్వీ సుబ్రహ్మణ్యం

18-11-201918-11-2019 09:33:20 IST
Updated On 18-11-2019 12:01:35 ISTUpdated On 18-11-20192019-11-18T04:03:20.075Z18-11-2019 2019-11-18T04:03:17.134Z - 2019-11-18T06:31:35.281Z - 18-11-2019

ఏపీకి తిరిగి రానని శపథం.. ఎల్వీ సుబ్రహ్మణ్యం
facebooktwitterGooglewhatsappwhatsappGoogle
ఆంధ్రప్రదేశ్ ముఖ్యమంత్రి కార్యాలయంతో ఘర్షణకు దిగి అనూహ్యంగా, అవమానకరంగా పదవి పోగొట్టుకున్న ఏపీ ప్రభుత్వ ప్రధాన కార్యదర్శి ఎల్వీ సుబ్రహ్మణ్యం అధికారిక విధులను నిర్వర్తించడానికి ఇక ఎన్నటికీ ఆంధ్రప్రదేశ్‌కు రాకూడదని కఠోర నిర్ణయం తీసుకున్నట్లు సమాచారం. ప్రభుత్వ ప్రధాన కార్యదర్శి పదవి నుంచి అనామకమైన పదవికి (ఏపీ మానవ వనరుల అభివృద్ధి సంస్థ డైరెక్టర్) బదలాయించబడిన ఎల్వీ సుబ్రహ్మణ్యం వెంటనే నెలరోజులు సుదీర్ఘ లీవుపై వెళ్లిపోయారు.

అప్పటినుంచి తన జాడ తెలియనివ్వని ఆయన డిసెంబర్ 6న తిరిగి విధుల్లో చేరాల్సి ఉంది. అయితే ప్రభుత్వ ప్రధాన కార్యదర్శి పదవినుంచి తప్పించబడిన తాను ఇతర అనామక పదవులను చేపట్టడానికి ఏపీకి తిరిగి రాబోనని ఎల్వీస్ తన సన్నిహితుల వద్ద ప్రస్తావించినట్లు తాజా సమాచారం. అంటే ఆయన తన నెలరోజుల సెలవును నిరవధికంగా పొడగించదల్చినట్లు తెలుస్తోంది.

ఈలోపుగా కేంద్రప్రభుత్వ సేవలకు డిప్యుటేషన్ కింద వెళ్లాలని కూడా ఎల్వీఎస్ తీవ్రంగా ప్రయత్నిస్తున్నట్లు సమాచారం. అయిదునెలలు మాత్రమే సర్వీసు ఉన్న ఎల్వీఎస్ ఢిల్లీలో విధులు నిర్వహించి అక్కడే రిటైర్ అవ్వాలని భావిస్తున్నారు.

అయితే అయిదునెలల సర్వీసు మాత్రమే కలిగి ఉన్న సుబ్రహ్మణ్యం ఇంత స్వల్ప కాలానికి గానూ కేంద్ర ప్రభుత్వంలో ఉద్యోగం దక్కించుకోవడం మామాలు పరిస్థితుల్లో సాధ్యం కాని విషయమని తెలుస్తోంది.

ఎందుకంటే పదవీవిరమణకు అయిదు నెలల స్వల్పకాలం మాత్రమే కలిగివున్న ప్రభుత్వోద్యోగి కేంద్రంలో కొత్త పదవిని చేజిక్కించుకున్నప్పటికీ తనకు కేటాయించిన పనులను అర్థం చేసుకోవడానికి ముందే తన పదవీకాలం ముగిసిపోవచ్చు. పదవీవిరమణ గడువు సమీపించిన వ్యక్తికి ఉన్నత పదవిని ఇవ్వడానికి కేంద్రం కూడా అంగీకరించకపోవచ్చని ఐఏఎస్ వర్గాలు అభిప్రాయపడుతున్నాయి.

కాబట్టి తాను ఇప్పటికే పెట్టిన నెలరోజుల లీవును నిరవధింకంగా పొడిగించుకుని గౌరవప్రదంగా నిష్క్రమించడమే సుబ్రహ్మణ్యం ముందున్న దారి అని తెలుస్తోంది. కానీ తాను పదవీ విరమణ చేయాడానికి ఒక రోజు ముందు తనకు కేటాయించిన బాధ్యతల్లో ప్రభుత్వోద్యోగి చేరాల్సి ఉంటుంది. అప్పుడు మాత్రమే అతడి లేక ఆమె సర్వీసు పూర్తవుతుంది. 

అయితే ఆంధ్రప్రదేశ్‌కు ఉన్నతోద్యోగిగా తిరిగి రానని భీషణ ప్రతిజ్ఞ చేసిన ఎల్వీ సుబ్రహ్మణ్యం ఎలాగోలా కేంద్ర ప్రభుత్వం వద్దకు డిప్యుటేషన్ మీద వెళ్లడానికే ప్రయత్నిస్తున్నట్లు సమాచారం. 

విషాదకరమైన విషయం ఏమిటంటే, ఏపీలో ఎల్వీ సుబ్రహ్మణ్యంకి లాంఛనప్రాయమైన వీడ్కోలు లభించకపోవడమే. అంత అత్యున్నత పదవికి చేరుకున్న ఐఏఎస్ అధికారికి ఇలాంటి గతి పట్టడం బాధాకరమైన విషయం.

ముఖ్యమంత్రి వైఎస్ జగన్ పట్టువిడుపులు లేని మొండితనానికి బలైన ఐఏఎస్ ఉన్నతాధికారిగా ఎల్వీ సుబ్రహ్మణ్యం చరిత్రలో నిలిచిపోనున్నారు. 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle