newssting
BITING NEWS :
*హైదరాబాద్‌: ఓయూ ప్రొఫెసర్ కాశింను హైకోర్టు చీఫ్ జస్టిస్ నివాసంలో హాజరుపర్చిన గజ్వేల్ పోలీసులు*షిర్డీలో కొనసాగుతోన్న బంద్.. షిర్డీతో పాటు చుట్టుపక్కల గ్రామాల్లోనూ బంద్.. షిర్డీలో తెరుచుకోని షాపులు, బంద్ కొనసాగించాలని షిర్డీ గ్రామ సభ నిర్ణయం*తిరుమల: రేపటి నుంచి శ్రీవారి భక్తులకు ఉచితంగా లడ్డూ... సబ్సిడీపై ఇస్తున్న లడ్డూలను నిలిపివేయనున్న టీటీడీ.. అదనపు లడ్డూ కోసం రూ.50*నేడు షిరిడీ బంద్... బాబా ఆలయం తెరిచి ఉంటుంది, దర్శనాలకు ఎలాంటి ఇబ్బందిలేదు, భక్తులు ప్రయాణాన్ని రద్దు చేసుకోవాల్సిన అవసరం లేదు, భక్తులకు ఇబ్బంది లేకుండా షిరిడీ బంద్-సాయి ట్రస్ట్*హైదరాబాద్‌: జూబ్లీహిల్స్‌లో డ్రంక్ అండ్ డ్రైవ్ తనిఖీలు... 32 కేసులు నమోదు, 16 కార్లు, 16 బైక్‌లు సీజ్... నలుగురు యువతులను అదుపులోకి తీసుకున్న పోలీసులు*విశాఖను ఎగ్జిక్యూటివ్ కేపిటల్‌గా ప్రకటించాలని నేడు మంత్రి అవంతి శ్రీనివాస్ ఆధ్వర్యంలో తగరపు వలసలో భారీ ర్యాలీ*నేడు భారత్-ఆస్ట్రేలియా మధ్య మూడో వన్డే.. బెంగళూరు వేదికగా మధ్యాహ్నం 1.30 గంటలకు మ్యాచ్ ప్రారంభం

ఎంపీలపై జగన్ ఆంక్షలు.. అసహనమా? అనుమానమా?

20-11-201920-11-2019 17:01:31 IST
2019-11-20T11:31:31.304Z20-11-2019 2019-11-20T11:31:24.782Z - - 19-01-2020

ఎంపీలపై జగన్ ఆంక్షలు.. అసహనమా? అనుమానమా?
facebooktwitterGooglewhatsappwhatsappGoogle
ఏపీ సీఎం జగన్మోహన్ రెడ్డి తమ పార్టీ ఎంపీలపై ఆంక్షలు విధించారట. ప్రస్తుతం పార్లమెంట్ సమావేశాలు జరుగుతున్న సంగతి తెలిసిందే. ఈ సమావేశాలకు దేశంలోని అన్ని రాష్ట్రాల, అన్ని పార్టీల ఎంపీల మాదిరే వైసీపీ ఎంపీలు కూడా పార్లమెంటుకు హాజరయ్యారు. అయితే వైసీపీ ఎంపీలు ఎవరూ ప్రధాని నరేంద్ర మోడీతో కానీ కేంద్రమంత్రులతో కానీ సమావేశాలు, చర్చలు మాత్రం పెట్టవద్దని ఆదేశించారట.

వైసీపీకి ఉన్న 23 మంది ఎంపీలలో మిదున్ రెడ్డి మినహా మిగతా వాళ్ళెవరూ కూడా తమ సొంత నియోజకవర్గాల గురించి కానీ రాష్ట్రంలో సమస్యల గురించి కానీ ఎక్కడా కేంద్ర ప్రభుత్వంతో చర్చలు పెట్టవద్దని, కనీసం కేంద్ర మంత్రుల దృష్టికి కూడా తీసుకెళ్లవద్దని ఆంక్షలు విధించారట. ఏదైనా ఉంటే పార్లమెంటరీ నేత విజయసాయి రెడ్డి లోక్ సభ నేత మిదున్ రెడ్డిలకు మాత్రమే తెలియజేయాలని వారి అనుమతితోనే ముందుకెళ్లాలన్నారట.

దేశంలో ఏ ఎంపీకైనా తమ నియోజకవర్గంలో సమస్యలు, అభివృద్ధికి సంబంధించిన అంశాలను కేంద్ర ప్రభుత్వం దృష్టికి తీసుకెళ్లే అవకాశం ఉంటుంది. కానీ వైసీపీ మాత్రం తమ ఎంపీలను కట్టడి చేస్తుంది. పైగా కాదు కూడదు అని గీత దాటితే వేటు పడడం ఖాయమని, షోకాజ్ నోటీసులను సైతం జారీచేసేందుకు వెనకాడబోమని అధిష్టానం తేల్చిచెప్పేసిందట.

సీఎం ఆంక్షలతో ఎంపీలలో తీవ్ర అసహనం వ్యక్తమవుతోందని తెలుస్తుంది. ఇప్పటికే రాష్ట్రంలో ఎమ్మెల్యేలకు ప్రాధాన్యం ఇస్తున్న సీఎం ఎంపీలను పట్టించుకోవడం లేదని, ఇప్పుడు ఢిల్లీలో కూడా తమపై ఆంక్షలు విధించడం తమను తీవ్రంగా అవమానించడమేనని వాపోతున్నారట. కనీసం ప్రోటోకాల్ ప్రకారం వచ్చే తమ హక్కులపై కూడా ఇలా పెత్తనం చేయడం సమంజసం కాదని సీఎంకి తెలియజేయాలని ఎంపీలు విజయసాయిని కోరారట.

అయితే అసలు జగన్ ఎంపీలను కట్టడి చేయడం ఎందుకు అనే దాని మీద రాజకీయ వర్గాలలో రకరకాల చర్చలు సాగుతున్నాయి. ఎంపీలు మంత్రులను లేదా ప్రధానిని కలిస్తే రాష్ట్రంలో పరిస్థితిలు, వ్యతిరేక విధానాలపై ఆరాతీసే అవకాశం ఉందని, సీఎంపై కేసులు, విచారణ తదితర అంశాలపై రాష్ట్రంలో పరిస్థితిలపై కూడా చర్చలు పెడితే తమకి కేంద్రం నుండి ఇబ్బందులు ఎదురయ్యే పరిస్థితిలు రావచ్చని జగన్ ఈ నిర్ణయం తీసుకున్నారని కొందరి అభిప్రాయం.

ఇక రాష్ట్రంలో ప్రభుత్వం తీసుకుంటున్న కొన్ని నిర్ణయాలతో ప్రజలలో వ్యతిరేకత పెరుగుతున్న నేపథ్యంలో తమ ఎంపీలు బీజేపీ వైపు మొగ్గు చూపే అవకాశం లేకపోలేదని సీఎం ఆందోళనలో ఉన్నారని మరికొందరు అభిప్రాయపడుతున్నారు. అంటే రాష్ట్రంలో ప్రతిపక్షాలకు చేరికలతో సమాధానం చెబుతున్న జగన్ కేంద్రంలో ఆ పరిస్థితి తనకు రాకూడదనే ఎంపీలపై ఆంక్షాలు విధించారని చెబుతున్నారు. ఏది ఏమైనా ఈ నిర్ణయంతో ఎంపీలలో మాత్రం తీవ్ర అసహనం వ్యక్తమవుతోంది.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle