newssting
BITING NEWS :
*జపాన్ టీంని ఓడించిన ఇండియన్ ఉమెన్స్ హాకీ టీం *ప్రత్యేక హోదాపై తేల్చేసిన కేంద్రం... దేశంలో ఏ రాష్ట్రానికీ ప్రత్యేక హోదా ప్రకటించే అవకాశం లేదన్న ఆర్థిక మంత్రి నిర్మలా సీతారామన్*బీహార్ లో మెదడువాపు వ్యాధికి బలమయిన 152 మంది చిన్నారులు *ప్రజావేదికను కూల్చేయండి.. సీఎం జగన్ ఆదేశం*కొనసాగుతున్న ఏపీలో కలెక్టర్ల కాన్ఫరెన్స్*అఫ్గాన్‌పై బంగ్లా ఘనవిజయం

ఉద్యోగులకు సీఎం జగన్ వరాలు

08-06-201908-06-2019 15:14:37 IST
Updated On 24-06-2019 14:14:05 ISTUpdated On 24-06-20192019-06-08T09:44:37.506Z08-06-2019 2019-06-08T09:44:35.258Z - 2019-06-24T08:44:05.341Z - 24-06-2019

ఉద్యోగులకు సీఎం జగన్ వరాలు
facebooktwitterGooglewhatsappwhatsappGoogle
ఏపీ ముఖ్యమంత్రి జగన్మోహన్ రెడ్డి ఉద్యోగులకు వరాలు ప్రకటించారు. ముఖ్యమంత్రి హోదాలో సచివాలయానికి వచ్చిన జగన్ ఉద్యోగులతో ఇష్టాగోష్టిగా మాట్లాడారు. ‘‘గతంలో ముఖ్యమంత్రిగా చంద్రబాబునాయుడుగారితో పనిచేసి ఉండటం వల్ల కొంతమంది ఉద్యోగుల ఆయనతో సన్నిహితంగా ఉండి ఉండవచ్చు.

ఏదైనా పనులు చేయించుకోవడం కోసం గత ముఖ్యమంత్రితో సన్నిహితంగా ఉండాల్సిన పరిస్థితి ఉంది... కాబట్టి నేను ఆ విషయాన్ని తప్పుగా భావించనని మీ అందరికీ చెబుతున్నాను. ముఖ్యమంత్రితో సన్నిహితంగా ఉండటం ద్వారానే వారితో ఉద్యోగ సంఘాలు ఏవైనా పనులు చేయించుకునే పరిస్థితి ఉంటుంది.

అందువల్ల నేను ఆయా అంశాలను పట్టించుకోనని చెబుతున్నాను. ప్రతి విభాగంలో ప్రతి సెక్రటరీ, హెచ్ వోడీ దగ్గర ఈ మేనిఫెస్టో ఉండాలని వారందరికీ చెప్పాం. మళ్లీ ఎన్నికలు వచ్చే నాటికి ఈ మేనిఫెస్టోలో ప్రతి పని.. ప్రతి అంశం చేశామని చెప్పి ప్రజల దగ్గరకు వెళ్లి ఓటు అడిగే పరిస్థితి ఉండాలి’’ అన్నారు జగన్.

ప్రజలు మంచి ప్రభుత్వాన్ని కోరి ఓటు వేస్తారు. మంచి ప్రభుత్వం అంటే నేనొక్కడినే కాదు.. మీ అందరిని కలుపుకున్నదే మంచి ప్రభుత్వం. మేనిఫెస్టోలోని అన్ని అంశాలు అమలు కావాలని సెక్రటరీలు అందరికీ చెప్పామన్నారు సీఎం జగన్. మేనిఫెస్టోలో చెప్పిన అంశాల్లో ఉద్యోగస్తులకు సంబంధించిన అంశాలు కూడా ఉన్నాయి.  కేబినెట్ లో ఐఆర్ 27 శాతం చేస్తూ నిర్ణయం తీసుకుంటామన్నారు. ఎన్నికల సమయంలో ఇఛ్చిన హామీ మేరకు సీపీఎస్ ను కూడా రద్దు చేస్తాం...  కేబినెట్ లో ఇవన్నీ పూర్తి చేసి ఎలా చేయాలన్న అంశంపై ముందుకు వెళ్లేందుకు కమిటీని ఏర్పాటు చేస్తాం అన్నారు ముఖ్యమంత్రి జగన్మోహన్ రెడ్డి. 

ప్రభుత్వంలో కాంట్రాక్టు పద్దతిలో పని చేస్తున్న వారికి సంబంధించి వారి అర్హత, అనుభవంల ఆధారంగా వీలైనంత ఎక్కువ మంది ప్రభుత్వంలోకి తీసుకుంటాం. వారి సేవలు వినియోగించుకుంటాం.

ఈ అంశం కూడా కేబినెట్ లో పెట్టి ముందుకు వెళతాం అన్నారు. ప్రజలు నమ్మకంతో తమను ఎన్నుకున్నారని, అధికారులు కూడా కలిసి రావాలన్నారు. ఔట్ సోర్సింగ్ ఉద్యోగులకు జీతాలు పెంచుతామని హామీ ఇచ్చారు. ఉద్యోగులకు ఇళ్ల స్థలాలకు సంబంధించి భయపడాల్సిందేమీ లేదు. కేబినెట్ లో రాష్ట్ర వ్యాప్తంగా ఎక్కడ సమస్య లేకుండా ఏం చేస్తామనేది కేబినెట్ లోచెబుతాం అన్నారు ముఖ్యమంత్రి జగన్మోహన్ రెడ్డి


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle