newssting
BITING NEWS :
*కర్ణాటక అసెంబ్లీలో బలపరీక్ష *విజయవాడ రానున్న ఏపీ కొత్త గవర్నర్ బి.బి హరిచందన్ *బీజేపీ పార్లమెంటరీ సమావేశం*బీజేపీలో చేరనున్న మాజీ ఎంపీ వివేక్* ఎర్రమంజిల్ భవనం కూల్చివేతే కేసుపై హైకోర్టులో విచారణ *ప్రారంభం కానున్న జపాన్ ఓపెన్ బ్యాట్మింటన్ టోర్నీ

ఉద్యోగులకు జగన్ సర్కార్ ‘ఇంటెరిమ్’ షాక్!

06-07-201906-07-2019 22:40:30 IST
2019-07-06T17:10:30.979Z06-07-2019 2019-07-06T17:09:41.262Z - - 24-07-2019

ఉద్యోగులకు జగన్ సర్కార్ ‘ఇంటెరిమ్’ షాక్!
facebooktwitterGooglewhatsappwhatsappGoogle
‘రావాలి జగన్.. కావాలి జగన్..’ అని అప్పట్లో బృందగానం చేసిన వాళ్లలో ప్రభుత్వోద్యోగులు ఉన్నారన్నది నిజ్జంగా నిజం. ‘మావోడు.. మా మేలు కోరేవాడు వచ్చాడ’ని వారు సంబరంలో మునిగి తేలుతుంటే పిడుగులాంటి జీవో బయటికి రావడంతో సర్కారు ఉద్యోగులు నిర్ఘాంతపోతున్నారు.

రాష్ట్ర ప్రభుత్వ ఉద్యోగులకు 27% తాత్కాలిక భృతి (ఇంటెరిమ్ రిలీఫ్) ఇస్తున్నట్టుగా ప్రభుత్వం విడుదల చేసిన తాజా ఉత్తర్వు వారాంతంలో విశ్రాంతి తీసుకుంటున్న వేళ వారందరూ హతాశులయ్యారు.

ఒక్కొక్కరికీ రూ.30 నుంచి 90 వేల వరకు ఐఆర్ నష్టం

విషయం ఏంటంటే.. చంద్రబాబు ప్రభుత్వం ఫిబ్రవరి 18, 2019న రాష్ట్ర ప్రభుత్వ ఉద్యోగులందరికీ 01.04.2019 నుంచి 20 శాతం జీతాలు పెంచుతూ ఒక ఉత్తర్వు (జీవో నెంబర్ 21) ఇచ్చింది. ఆ జీవో ప్రకారం ఏప్రిల్, మే, జూన్ నెలలలో పెరిగిన ఐఆర్ ఈ జూలై నెల నుంచి అందరికీ రావాల్సివుంది. ఈలోపు జగన్ మోహన్ రెడ్డి అధికార పీఠం ఎక్కడంతో సీన్ రివర్సయ్యింది. 

తాజాగా ప్రభుత్వం ఇచ్చిన ఉత్తర్వులో 27 శాతం తాత్కాలిక భృతిని ఈ నెల నుంచి (జూలై నుంచి) మాత్రమే ఇస్తున్నట్టుగా స్పష్టంగా పేర్కొంది. చంద్రబాబు ఇస్తానన్న 20 శాతం పెరుగుదల గడచిన మూడు నెలలకు (అంటే 60 శాతం) ఇవ్వడం లేదని ఈ జీవో ద్వారా జగన్ సర్కార్ తేల్చేయడంతో ఉద్యోగులు గొల్లుమంటున్నారు. 

ఏప్రిల్, మే, జూన్ మాసాల్లో చంద్రబాబు పెంచిన 20 శాతం ఐఆర్ ఇప్పుడు జగన్ ఎగనామం పెట్టటంతో ఒక్కొక్క ఉద్యోగికి వేలల్లో నష్టం కనిపించడంతో దిమ్మతిరిగి మైండ్ బ్లాంక్ అయ్యింది. 

ఈ మూడు మాసాల నష్టం ఒక్కొక్క ఉద్యోగికి రూ.30 వేల నుంచి రూ.90 వేల వరకు ఉంటుందని ఒక అంచనా.  జగన్ సర్కార్ ఇప్పటి నుంచి 9 నెలలు పాటు 27 శాతం ఇచ్చినా, ఈ ఏడాదికి సగటున పెరిగేది 20 శాతం మాత్రమేనని ఉద్యోగులు ఇంటి దగ్గర కూర్చుని లెక్కలేసుకుని ‘వామ్మో.. ’ అంటూ వాపోతున్నారు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle