newssting
BITING NEWS :
*బెంగళూరు వన్డేలో టీమ్ ఇండియా విజయం. 3 వన్డేల సీరీస్ ను 2-1 తేడాతో కైవసం చేసుకున్న టీమ్ ఇండియా. 7 వికెట్ల తేడాతో ఆస్ట్రేలియాపై గెలుపు *అమరావతిలో హైటెన్షన్.. అసెంబ్లీ ముట్టడికి టీడీపీ ప్లాన్*చంద్రబాబు ప్రజలకు వాస్తవాలు చెప్పడం లేదు. రాజధాని రైతులకు జగన్ కౌలు కూడా ఇచ్చారు. సామాన్యులకు రాజధానితో పనేముంది? అమరావతిలో పోలీసులకు చంద్రబాబు నీళ్లు కూడా ఇవ్వకుండా చేస్తున్నారు-హోంశాఖ మంత్రి సుచరిత *ఇవాళ అసెంబ్లీ ప్రత్యేక సమావేశం *బెజవాడలో నేతలకు పోలీసుల నోటీసులు. టీడీపీ మాజీ ఎమ్మెల్యేలు బోండా ఉమ, ఎంపీ కేశినేని నానికి నోటీసులు. ఎమ్మెల్సీలు బుద్దా, రాజేంద్రప్రసాద్, తంగిరాల సౌమ్య సహా పలువురు టీడీపీ నేతలకు నోటీసులు. వామపక్షాలు, జేఏసి నేతలకు కూడా పోలీసుల నోటీసులు *రేపటి కేబినెట్, అసెంబ్లీకి రహస్యంగా సిద్ధమవుతోన్న నోట్స్, బిల్లులు. గుంభనంగా సాగుతున్న ప్రభుత్వ చర్యలు*తెలంగాణలో ఊపందుకున్న మునిసిపల్ పోరు *తెరాస, కాంగ్రెస్ పార్టీలు ఒకేగూటి పక్షులు. తెరాస కు ఓటు వేస్తె ఎంఐఎం కు ఓటు వేసినట్టే. కేంద్రం ఇచ్చిన నిధులతోనే తెలంగాణలో అభివృద్ధి. కేంద్రం నిధులపై కేటీఆర్ చర్చకు సిద్ధమా ? - లక్ష్మణ్ *విశాఖ: ఓట్ల కోసం గాజువాక.. రాజకీయాలకు అమరావతి కావాల్సి వచ్చిందా? గాజువాక ప్రజలకు పవన్ కల్యాణ్ క్షమాపణలు చెప్పాలి-మంత్రి అవంతి శ్రీనివాస్

ఉత్తరాంధ్రలో సెంటిమెంట్ రగిల్చే పనిలో స్పీకర్ తమ్మినేని!

11-01-202011-01-2020 12:43:09 IST
2020-01-11T07:13:09.760Z11-01-2020 2020-01-11T07:13:04.322Z - - 20-01-2020

ఉత్తరాంధ్రలో సెంటిమెంట్ రగిల్చే పనిలో స్పీకర్ తమ్మినేని!
facebooktwitterGooglewhatsappwhatsappGoogle
స్పీకర్ అంటే రాజ్యాంగబద్ధ పదవిఅని.. ఆ స్థానంలో కూర్చున్న వాళ్ళు రాష్ట్రంలో ప్రభుత్వం-ప్రతిపక్షం అన్న తేడా లేకుండా అందరినీ సమానంగా చూడాలన్న కొలమానం ఎప్పుడో పోయింది. ఇప్పుడొచ్చే స్పీకర్లంతా ఏ ఎండకి ఆ గొడుగులు పట్టే వాళ్లేనని ప్రజలు కూడా ఫిక్స్ అయిపోయారు. అయితే ఏపీ ప్రస్తుత స్పీకర్ తమ్మినేని సీతారాం మాత్రం తానూ స్పీకర్నే కానీ అందరిలా కాదు డిఫరెంట్ అని చెప్పేశారు.

ఇంకా సూటిగా చెప్పాలంటే నేను స్పీకర్నే కానీ ముందు వైసీపీ ఎమ్మెల్యేని.. ఆ పార్టీ మనిషిని అని.. అవసరమైతే ఫక్తు రాజకీయమే చేస్తానని చెప్పేశారు. ఇక ఆయన నోటికి అప్పుడప్పుడు వచ్చే బూతు పురాణాలు కూడా ఏపీ ప్రజలు ఈమధ్యనే వినేశారు. శ్రీకాకుళం జిల్లాలో ప్రభుత్వ ఉద్యోగులు అయితే ఇంకాస్త దగ్గరగా ఆయన బూతు పంచాంగాన్ని విని ఈయనెక్కడి స్పీకర్ అండి బాబు గొణుక్కున్నారు.

ఇక ఇప్పుడు రాజధాని విషయానికి వస్తే విశాఖకు ప్రభుత్వ కార్యాలయాల తరలింపుకి ఏర్పాట్లు జరిగిపోతున్నాయని సచివాలయ పరిసరాలలో హడావుడిని చూస్తేనే అర్ధమైపోతుంది. అక్కడకి వెళ్లేందుకు ఉద్యోగులు ఇష్టంగా లేకపోవడంతో ప్రభుత్వం వారికీ ఇళ్ల స్థలాలు, పాతిక లక్షల ఋణం వంటి బంపర్ ఆఫర్లు కూడా ప్రకటించేసింది. జనవరి నెలాఖరుకి తరలింపు పూర్తి చేయాలని ప్రణాళికలు సిద్ధమవుతున్నాయి.

మరోపక్క రాజధాని ప్రాంతంలో నిరసనలు, ఆందోళనలు రోజురోజుకూ ఉదృతంగా మారిపోతున్నాయి. పోలీసులు ఎక్కడిక్కడ అణచివేసే క్రమంలో నీచంగా ప్రవర్తిస్తున్నా అక్కడి ప్రజలు ఇంకా రెచ్చిపోతున్నారు. అమరావతిలో ఇంతగా పరిస్థితులు ఆందోళనకరంగా మారినా ఉత్తరాంధ్రలో రాజధాని తమదే అనే భావన కానీ.. రాజధాని తమకి రావాలనే డిమాండ్లు కూడా అక్కడి నుండి వినిపించడం లేదు.

ఈక్రమంలో వైసీపీ ఉత్తరాంధ్ర ప్రజలలో సెంటిమెంట్ రగిల్చే ప్రయత్నాలను మొదలుపెట్టినట్లుగా చెప్పుకుంటున్నారు. అయితే అక్కడ నేతలుగా ఉన్న వాళ్లలో మంత్రి బొత్స లాంటి వాళ్ళు రాజధానిలో ప్రజలను అణచివేసి కార్యక్రమంలో బిజీగా ఉండడంతో ఉత్తరాంధ్ర ప్రజలను ఉద్ధరించే నేతలు కరువయ్యారు. ఆ బాధ్యతను స్పీకర్ స్వయంగా తీసుకొని రంగంలోకి దిగారని చెప్తున్నారు.

ఈక్రమంలో తమ్మినేని ఉత్తరాంధ్రలో రోజుకో చోట మాజీ సీఎం చంద్రబాబుని విలన్ను చేసే ప్రయత్నం చేస్తున్నారు. ఉత్తరాంధ్ర ఆకలితో అలమటిస్తుందని జగన్ అన్నం పెట్టాలని చూస్తూంటే.. చంద్రబాబు తన్నేస్తున్నాడని.. ఉత్తరాంధ్ర టీడీపీ నేతలవి ఒక బతుకులేనా.. చంద్రబాబు ఓ మనిషా అంటూ అక్కడ రెచ్చగొట్టి చిచ్చులు పెట్టే ప్రయత్నం చేస్తున్నారు.

అయితే విశాఖ ఎప్పుడో అభివృద్ధి చెందిన నగరం కాగా తమ్మినేని కూడా దశాబ్దాల క్రితమే రాజకీయాలలో ఉన్నారు. మరి అప్పటి నుండి ఉత్తరాంధ్ర ప్రజల ఆకలి తెలియలేదా? విశాఖలో అభివృద్ధి లేక ఉత్తరాంధ్ర ప్రజలు ఆకలి తీరలేదా? ఇప్పుడు రాజధానితో అభివృద్ధి జరిగితే ఉత్తరాంధ్ర ప్రజల ఆకలి తీరుతుందా? నాలుగు అద్దె భవనాలలో రాజధాని ఆకలి తీరుస్తుందా? అని టీడీపీ నేతలు ఎదురుదాడికి దిగుతున్నారు.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle