newssting
BITING NEWS :
*అక్రమ వలసదారులను పంపిస్తాం: హోం మంత్రి అమిత్ షా *నేడు, రేపు తెలంగాణ శాసనసభ.. రేపు మండలి సమావేశాలు *మున్సిపల్‌ చట్టాల బిల్లును ప్రవేశపెట్టనున్న ప్రభుత్వం *22న నింగిలోకి.. చంద్రయాన్‌–2 *కర్నాటకలో ఇవాళ కుమారస్వామి ప్రభుత్వ విశ్వాసపరీక్ష * కుల్ భూషణ్ కి రిలీఫ్.. పాక్ విధించిన మరణశిక్షను రద్దుచేసిన అంతర్జాతీయ న్యాయస్థానం * కర్నాటక అసెంబ్లీకి వెళ్లే ప్రసక్తే లేదు: రెబల్స్‌ *తిరుమలలో ఎల్1, ఎల్ 2, ఎల్ 3 దర్శనాలు రద్దు *ముంబయి పేలుళ్ల సూత్రధారి సయీద్‌ అరెస్టు

ఈ ప్రశ్నలకు బదులేది శివాజీ...!

09-03-201909-03-2019 17:03:03 IST
2019-03-09T11:33:03.417Z09-03-2019 2019-03-09T11:08:03.198Z - - 18-07-2019

ఈ ప్రశ్నలకు బదులేది శివాజీ...!
facebooktwitterGooglewhatsappwhatsappGoogle
రాష్ట్ర విభజన తర్వాత బీజేపీలో చేరారు నటుడు శివాజీ. ఆ తర్వాత ప్రత్యేక హోదా కోసం దీక్ష చేపట్టారు. దీని మీద కూడా అప్పట్లో కొన్ని ఆరోపణలు వచ్చాయి. ఆ తర్వాత బీజేపీని వదిలేసిన శివాజీ... గరుడ పురాణం పేరుతో జనంలోకి వచ్చారు. ఆ తర్వాత విశాఖలో జగన్ మీద దాడి జరగడం... అది కూడా శివాజీ చెప్పినట్లుగా ఉందని ఏకంగా సీఎం చంద్రబాబు అనడం... అప్పట్లో ఆ ఎపిసోడ్‌ను బాగా పండించింది. ఎన్నికల వేళ ఏపీలో ఏం జరుగుతుందో కొన్ని సందర్భాల్లో, కొన్ని సంఘటనలు కాకతాళీయంగా శివాజీ చెప్పినట్లే జరిగాయి.

అయితే డేటా చోరీ అంశంలో ఎందుకో శివాజీ ముందుగా చెప్పలేకపోయారు. కాకపోతే ఐటీ గ్రిడ్ రచ్చ అయిన తర్వాత మాత్రం... మరోసారి ఏపీ ప్రభుత్వాన్ని వెనకేసుకొనే ప్రయత్నం చేశారు. డేటా చోరీలో ఎవరు దొంగలో ఇంకా పోలీసులు తేల్చక ముందే, శివాజీ తేల్చేశారు. తాను తెలుగుదేశం పార్టీ వాడిన కాదంటూనే... చంద్రబాబుకు మద్దతుగా మాట్లాడారు శివాజీ. మరో విషయం ఏంటంటే... ఓట్ల తొలగింపు పేరుతో ప్రత్యేక హోదా, విభజన హామీలపై కేంద్రంతో చేస్తున్న పోరాటాన్ని పక్కదారి పట్టిస్తున్నారని కూడా శివాజీ ఆరోపించారు.

అయితే ఇక్కడ ఆయనో విషయాన్ని మర్చిపోతున్నారు. ఓట్ల తొలగింపు వ్యవహారాన్ని తెర మీదకు తెచ్చింది వైసీపీ అయితే... దానిపై ఎదురు దాడి చేసి విషయాన్ని రచ్చ చేసింది టీడీపీ. ఈ పాయింట్ తెలీకుండా శివాజీ మాట్లాడారంటే ఎవరూ నమ్మరు. డేటా చౌర్యం చేసింది తెలంగాణ ప్రభుత్వమే అన్న శివాజీ... కేసీఆర్‌ను చూసి ఎందుకు భయపడాలని ప్రశ్నించారు. హైదరాబాద్ బ్రాండ్ వేల్యూను చంపేశారని కూడా ఆరోపించారు శివాజీ. హైదరాబాద్ ఉమ్మడి రాజధాని అనే విషయాన్ని తెలంగాణ ప్రభుత్వం గ్రహించాలని కూడా శివాజీ అన్నారు. ఈ మాటలు కూడా చాలా కామెడీగా ఉన్నాయి. ఎందుకంటే... ఐటీ గ్రిడ్ అనేది హైదరాబాద్ కంపెనీ. దాంతో టైఅప్ పెట్టుకుంది ఏపీ ప్రభుత్వం.

ఇక తనను చూసి భయపడాలని ఏనాడూ కేసీఆర్ చెప్పలేదు. ఇప్పుడు శివాజీ మాటలతో హైదరాబాద్ లోని ఏపీ జనంలో లేనిపోని భయాలు మొదలు అయ్యేటట్లు ఉన్నాయి. ఇక హైదరాబాద్ బ్రాండ్ వేల్యూ చంపేశారని చెబుతున్నారు శివాజీ. ఇంతకీ హైదరాబాద్ బ్రాండ్ వేల్యూ అంటే ఏంటి? అది తెచ్చింది ఎవరు? ఇప్పుడు పోగొట్టింది ఎవరు?  అంటే కేసీఆర్ మీదే శివాజీ ఈ ఆరోపణ చేశారా అన్నది కూడా ఆయనే క్లారిటీ ఇవ్వాలి.

ఇక హైదరాబాద్ పదేళ్ల పాటు ఉమ్మడి రాజధాని అని శివాజీ చెప్పారు. ఈ విషయం తెలియకుండానే ఏపీ సీఎం చంద్రబాబు హడావుడిగా అమరావతి వెళ్లిపోయారా? ఇప్పుడు ఈ ప్రశ్నలే అడుగుతున్నారు ఏపీ ప్రజలు. అందుకే వీటన్నింటికీ సమాధానం చెప్పాల్సింది శివాజీ మాత్రమే. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle