newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

ఈసీ తీరుపై బాబు ఫైర్.. బాబుది డ్రామా అంటున్నవైసీపీ

10-04-201910-04-2019 15:00:54 IST
Updated On 11-04-2019 14:57:52 ISTUpdated On 11-04-20192019-04-10T09:30:54.410Z10-04-2019 2019-04-10T09:30:52.853Z - 2019-04-11T09:27:52.166Z - 11-04-2019

ఈసీ తీరుపై బాబు ఫైర్.. బాబుది డ్రామా అంటున్నవైసీపీ
facebooktwitterGooglewhatsappwhatsappGoogle
ఎన్నికల సంఘం అధికారుల ఏకపక్ష బదిలీలపై సీఎం చంద్రబాబునాయుడు అభ్యంతరం తెలిపారు. అమరావతిలోని ఏపీ ఎన్నికల కమిషన్‌ కార్యాలయం వద్ద ఆయన ఇవాళ ధర్నాకు దిగారు. ఎన్నికల సంఘం ఏకపక్షంగా వ్యవహరిస్తోందంటూ చంద్రబాబు నిరసన తెలిపారు. పార్టీ నాయకులతో కలిసి చంద్రబాబు సెక్రటేరియట్‌లోని 5వ బ్లాక్‌ వద్ద ధర్నాకు కూర్చున్నారు.ఎన్నికల్లో అన్ని పార్టీలకు సమాన అవకాశాలు కల్పించాలన్న ఎన్నికల ప్రవర్తన నియమావళిని ఎన్నికల సంఘం ఎందుకు విస్మరిస్తోంది? అన్నారు. 

అంతకు ముందు సీఎం చంద్రబాబు ఎన్నికల అధికారి గోపాలకృష్ణ ద్వివేదీతో సమావేశమయ్యారు.  8 పేజీల లేఖను చంద్రబాబు ఆయనకు అందచేశారు. టీడీపీ నేతల ఇళ్లపై ఐటీ దాడులను, పోలీసు ఉన్నతాధికారుల బదిలీల విషయమై చంద్రబాబు ప్రస్తావించారు. వైసీపీ నేతలు విజయసాయి రెడ్డి, అనిల్ యాదవ్.. జగన్‌ సతీమణి భారతిరెడ్డి అసిస్టెంట్ అనితా రెడ్డిలకు సంబంధించిన ఆడియో టేపులను సీఈఓకు చంద్రబాబు అందజేశారు.

ఎన్నికలకు ముందు ఒక ముఖ్యమంత్రి సీఈవోను కలవడం ఇదే తొలిసారి అని చంద్రబాబు అన్నారు. తమకు ఈవీఎంలపై నమ్మకం లేదని ద్వివేదీకి చెప్పామన్నారు. వీవీప్యాట్‌ స్లిప్పులను లెక్కించాలని కోరామని చెప్పారు. దేశ ప్రజలకు సమాధానం చెప్పాల్సిన బాధ్యత ఈసీకి ఉందని అన్నారు. ఈసీ పరిధిలో లేకున్నా అధికారులను బదిలీ చేశారని, అకారణంగా సీఎస్‌ను, కడప ఎస్పీని బదిలీ చేశారని దుయ్యబట్టారు. టీడీపీ నేతలు, అభ్యర్ధులపై ఐటీ దాడులు చేయడం వల్ల తమ పార్టీ క్యాడర్లో ఆత్మస్థయిర్యం దెబ్బతింటోందన్నారు.

వైసీపీలో అవినీతిపరులపై ఎందుకు ఐటీ దాడులు జరగడం లేదని చంద్రబాబు మండిపడ్డారు. వైసీపీ నేతలు డబ్బులు వెదజల్లుతున్నా ఈసీ పట్టించుకోవడం లేదన్నారు. ప్రజాస్వామ్య పరిరక్షణకు ప్రతి ఒక్కరూ ముందుకురావాలని చంద్రబాబు పిలుపు ఇచ్చారు. తెలంగాణ బిజెపి అధ్యక్షుడు లక్ష్మణ్ చెందిన వ్యక్తి  ఏకంగా రూ .8 కోట్ల రూపాయిలు డ్రా చేసి పోలీసులకు చిక్కిన ఎటువంటి చర్యలు లేవని ఆగ్రహం వ్యక్తం చేశారు.

మరోవైపు ఏపీ సీఎం చంద్రబాబు తీరుపై వైసీపీ తీవ్రంగా మండిపడింది. ఎన్నికల ఫలితాలపై చంద్రబాబుకు భయం ఉందన్నారు. ఫలితాలు ఏం వచ్చినా అన్ని పార్టీలు వ్యవహరించాలని వైసీపీ నేత నాగిరెడ్డి అన్నారు. ప్రజాస్వామ్యం గురించి గతంలో చంద్రబాబు వ్యవహరించిన తీరు హాస్యాస్పదంగా ఉందన్నారు. ఈసీకి ఇచ్చిన లేఖను సీఎం హోదాలో ఇవ్వడం నిబంధనలకు విరుద్ధం అన్నారు నాగిరెడ్డి. ఒకపార్టీ అధ్యక్షుడిగా లేఖ రాయవచ్చన్నారు. కానీ అధికార దుర్వినియోగం చేయడంపై ఈసీ సుమోటోగా తీసుకుని చర్యలు తీసుకోవాలని నాగిరెడ్డి కోరారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle