newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

ఇoకా ఢిల్లీ చేరని పోలవరం రీటెండర్ల రిపోర్ట్..!

14-10-201914-10-2019 12:43:22 IST
Updated On 14-10-2019 15:19:37 ISTUpdated On 14-10-20192019-10-14T07:13:22.163Z14-10-2019 2019-10-14T07:13:10.597Z - 2019-10-14T09:49:37.417Z - 14-10-2019

ఇoకా ఢిల్లీ చేరని పోలవరం రీటెండర్ల రిపోర్ట్..!
facebooktwitterGooglewhatsappwhatsappGoogle
పోలవరం ప్రాజెక్ట్ టెండర్లు రద్దు చేసి కొత్తవారికి అప్పగిస్తే ప్రాజెక్ట్ ఆలస్యమవుతుందని.. పైగా ఆర్ధిక భారం కూడా పెరుగుతుందని ప్రాజెక్ట్ అథారిటీ కేంద్రానికి నివేదికలిచ్చింది. కేంద్రం కూడా రివర్స్ టెండర్ల ఆలోచనపై మరోసారి ఆలోచించుకోవాలని జగన్మోహన్ రెడ్డికి సూచించింది. కానీ ఏపీ ప్రభుత్వం మాత్రం అవేమీ పట్టించుకోకుండా పాత టెండర్లను రద్దు చేసి పారేసి రివర్స్ టెండరింగ్ కి తెరతీసింది. పాత కాంట్రాక్టర్ నవయుగ టెండర్ల రద్దుపై కోర్టుకెక్కింది. కోర్టు తీర్పు ఈ వ్యవహారంలో కీలకంగా మారింది.

అయితే మరోపక్క సర్కార్ మాత్రం రివర్స్ టెండరింగ్ మొదలుపెట్టేసింది. ఓ కంపెనీతో  మూడుసార్లు టెండర్లు వేయించి దానినే రివర్స్ టెండరింగ్ అంటరాని.. ఈ వ్యవస్థతో ఏకంగా 800 కోట్లు మిగిల్చామని ప్రకటించింది. అదేమాట ఢిల్లీవెళ్లి ప్రధాని నరేంద్రమోదీకి కూడా సీఎం చెప్పి వచ్చారు. అయితే రివర్స్ టెండర్ల ప్రక్రియ రిపోర్ట్ మాత్రం ఇంత వరకూ కేంద్రానికి చేరలేదట. ఈ విషయాన్ని కేంద్ర జలవనరుల మంత్రి షెకావత్‌నే స్పష్టం చేశారు.

తాజాగా ఏపీ బీజేపీ నేతలు పోలవరం ప్రాజెక్టును పరిశీలించి నిర్మాణ, ఆర్ధిక పరిస్థితులను అంచనావేసి కేంద్రానికి నివేదిక అందించారు. ఆ సమయంలోనే కేంద్రమంత్రి షెకావత్ ఆశ్చర్యం వ్యక్తం చేశారట. అసలు పోలవరంలో ఏం జరుగుతుందో తమకు తెలియడం లేదని, రివర్స్ టెండర్లు జరిగాయో లేదో కూడా తమకు తెలియదని, ఆ టెండర్లపై ఏపీ ప్రభుత్వం ఇప్పటివరకు ఒక్క పేజీ కూడా రిపోర్ట్ పంపలేదని చెప్పారట.

నిజానికి పోలవరం పూర్తిస్థాయి కేంద్ర నిధులలో నిర్మాణం చేస్తున్న ప్రాజెక్ట్. అయితే గత ప్రభుత్వంలో చంద్రబాబు త్వరగా పూర్తిచేయాలని నిర్మాణ బాధ్యతను భుజానికెత్తుకున్నారు. ఈ ప్రభుత్వం కూడా ఆ బాధ్యతను తామే నిర్వర్తిస్తామని ప్రకటించింది. అయితే పాత కాంట్రాక్టర్లను మార్చేసి కొత్త వాళ్ళకి అప్పగించింది. దానికి రివర్స్ టెండర్ అనే ప్రక్రియను తీసుకొచ్చింది. అయితే కేంద్రానికి ఇప్పటి వరకు నోటి మాటలే తప్ప అధికారికంగా ఒక్క నివేదిక కూడా పంపకపోవడం ఆశ్చర్యం.

ఇందులో రెండు ప్రధాన కారణాలు కనిపిస్తున్నాయి. రివర్స్ టెండరింగ్ వ్యవహారం కోర్టుకి చేరిన సంగతి తెలిసిందే. కనుక నిర్ణయం వచ్చేవరకు నిర్మాణం మొదలయ్యే పరిస్థితి లేదు. కోర్టు నిర్ణయం తర్వాతే కేంద్రానికి పంపాలని రాష్ట్ర ప్రభుత్వం ఆలోచనగా కనిపిస్తుంది. ఇక పోలవరం ప్రాజెక్టులో మిగిలిపోయిన పనులపై కోర్టు ఎలాంటి స్టే ఇవ్వలేదు.

కానీ విద్యుత్ ప్రాజెక్టుకు కలగలపి టెండరింగ్ ఇవ్వడం వల్ల సమస్యలు వస్తున్నాయి. అందుకే రిపోర్ట్ కేంద్రానికి పంపడం లేదు. కానీ కేంద్రానికి నివేదిక ఇవ్వకుండా.. కేంద్రం ఆమోదం తెలపకుండా కొత్త కాంట్రాక్టర్ మేఘా తట్ట మట్టి తీయలేదు.. గంప కాంక్రీట్ వేయలేదు. మరి కోర్టు తీర్పు వచ్చేది ఎప్పుడు? రాష్ట్రం కేంద్రానికి నివేదిక పంపించేది ఎప్పుడు? పోలవరం మొదలయ్యేది ఎప్పుడు? పూర్తయ్యేది ఎప్పుడు?!

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle