newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

ఇద్దరు అల్లుళ్ళ రూటే సెపరేటు !

27-01-201927-01-2019 17:09:24 IST
Updated On 27-01-2019 20:55:10 ISTUpdated On 27-01-20192019-01-27T11:39:24.853Z27-01-2019 2019-01-27T11:39:08.150Z - 2019-01-27T15:25:10.067Z - 27-01-2019

ఇద్దరు అల్లుళ్ళ రూటే సెపరేటు !
facebooktwitterGooglewhatsappwhatsappGoogle
ఎన్.టీ.రామారావు ఇద్దరు అల్లుళ్ళు రూటే సెపరేటు! పెద్దల్లుడు దగ్గుబాటి వెంకటేశ్వర రావుకు చిన్నల్లుడు చంద్రబాబు నాయుడికి ఎప్పుడూ ఎడ్డెమంటె తెడ్డేమే ! ఎన్టీఆర్ అధికారంలో ఉన్నపుడు ఎవరి గ్రూపులు వాళ్ళవి. ఒకరి మీద మరొకరు కారాలూ మిరియాలూ నూరుకునే టైపు. ఇప్పుడు దగ్గుబాటి కుమారుడు హితేష్ జగన్ పార్టీలో చేరిపోవడానికి తయారవుతున్న వేళ మళ్ళీ ఆ కుటుంబం వార్తల్లోకి వచ్చింది. 

ఎన్టీఆర్‌ను గద్దెదింపడానికి ఇద్దరు అల్లుళ్ళూ 1995 లో ఏకమయ్యారు. నీకు ఉపముఖ్యమంత్రి పదవిని ఇస్తానంటూ తనవైపు రప్పించుకున్న చంద్రబాబు ఆ తరువాత ఆ పని చేయలేదు. దాంతో దగ్గుబాటి దూరం జరిగారు. కొన్ని రోజులు లక్ష్మీపార్వతి పార్టీలో ఉండి ఆ తరువాత కాంగ్రెసులోకి వెళ్లిపోయారు. భార్య పురందేశ్వరి కూడా కాంగ్రెసులో చేరిపోయి కేంద్ర మంత్రిగా పనిచేశారు. ఆ తరువాత దగ్గుబాటి రాజకీయ సన్యాసం పుచ్చుకుంటే భార్య పురందేశ్వరి మాత్రం బీజేపీ గూటికి చేరారు. ఏపీలో ముఖ్యమంత్రి అయిపోయిన బాబు వ్యవహారాలన్నింటిపైనా బీజేపీ అధిష్టానానికి ఫిర్యాదులు చేసేపనిలో పడిపోయారు. బాబు  అమరావతి కథలన్నీ పూసగుచ్చినట్లు అధిష్టానానికి ఎప్పటికప్పుడు నివేదికలు అందచేసింది ఆమేనని అంటారు. బాబు కూడా ఈ భార్యాభర్తల్ని దూరంగానే ఉంచారు. ఎన్టీఆర్ కుటుంబంలో వీళ్ళిద్దరినీ  బాబు ఎప్పుడూ దూరమే ఉంచారు. తనకు అవసరం అనుకున్నారో ఏమో గానీ బాలకృష్ణకు మాత్రం దగ్గరయ్యారు. వియ్యంకుడిగా మారారు. 

ఎప్పుడూ ఒక పార్టీలోలేని (వైస్రాయ్ తిరుగుబాటు ఉదంతం తప్ప) అల్లుళ్ళు ఇద్దరూ ఎదురుపడితే ముఖాలు కూడా చూసుకోలేని పరిస్థితి.  అంతేకాదు ఇప్పుడు చంద్రబాబు బద్ద శత్రువు జగన్ మోహన్ రెడ్డి పార్టీలోకి తన కొడుకును చేర్పించి అక్కడ నుంచి ఎమ్మెల్యేగా బరిలోకి దించే పనిలో పడ్డారు దగ్గుబాటి. గతంలో పర్చూరు నియోజకవర్గం నుంచి పోటీ చేసిన అభ్యర్థి ఓటమి పాలవడంతో ఆ టిక్కెట్టును తన కొడుక్కి ఇప్పించాలన్నది దగ్గుబాటి ఆలోచన. విజయసాయి రెడ్డి తోడ్పాటుతో జగన్ని కలిసి వచ్చారు. ఇప్పుడు అదే నియోజకవర్గం ఇంచార్జ్‌గా బాధ్యతలు నిర్వహిస్తున్న రావి రాంబాబు ఆ టిక్కెట్టును ఆశిస్తున్నారు. అతన్ని కాదని దగ్గుబాటి కుమారుడు హితేష్‌కు టిక్కెట్టు ఇస్తే పరిస్థితి ఎలా ఉంటుందన్నది చర్చ. మొత్తం మీద ఎన్టీఆర్ కుటుంబంలో ఇద్దరల్లుళ్ల రూటే సెపరేటు ! 2019 ఎన్నికల వేళ వీరి వ్యవహారశైలి ఎలా ఉంటుందోనని అంతా ఆసక్తిగా ఎదురుచూస్తున్నారు. 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle