newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

ఇక ఇంటర్వ్యూల చింతలేదు.. రాతపరీక్షలే కొలమానం

18-10-201918-10-2019 08:29:17 IST
Updated On 18-10-2019 15:02:55 ISTUpdated On 18-10-20192019-10-18T02:59:17.212Z18-10-2019 2019-10-18T02:59:10.855Z - 2019-10-18T09:32:55.548Z - 18-10-2019

 ఇక ఇంటర్వ్యూల చింతలేదు.. రాతపరీక్షలే కొలమానం
facebooktwitterGooglewhatsappwhatsappGoogle
ఎంత ప్రతిభ ఉన్నా...ర్యాంకుల పంట పండించినా వివిధ ప్రభుత్వ ఉద్యోగాలకు జరిగే పరీక్షల్లో ఘన విజయం సాధించినా ఇంటర్వ్యూ ప్రక్రియలో అభ్యర్ధులు విజయం సాధించలేకపోతున్నారు. సరైన కమ్యూనికేషన్ స్కిల్స్ లేకపోవడం వల్ల తమ చిరకాలవాంఛ నెరవేరడం లేదని బాధపడుతుంటారు. అలాంటివారికి ఏపీ ప్రభుత్వం చల్లని కబురు అందించింది. ఉద్యోగాల భర్తీలో ఇంటర్వ్యూ పర్వం లేకుండా సంచలన నిర్ణయం తీసుకున్నారు. 

ప్రతీ సంవత్సరం నిర్దిష్టమైన టైమ్ టేబుల్ ప్రకారం ఉద్యోగ నియమకాలు జరిగేలా ఏపీపీఎస్‌సీ నిబంధనలను సవరించాలని నిర్ణయించారు. అమరావతిలో ఏపీపీఎస్‌సీ అధికారులతో సమీక్ష సమావేశం నిర్వహించిన ముఖ్యమంత్రి చారిత్రక నిర్ణయం తీసుకున్నారు. 2020 జనవరి నుంచి భర్తీ చేసే ఉద్యోగాలకు ఇంటర్వ్యూ విధానం రద్దు చేయాలని అధికారులను సీఎం జగన్ ఆదేశించారు.

అత్యంత పారదర్శక విధానంలో ఉద్యోగాల భర్తీకి చర్యలు చేపట్టాలని ఏపీపీఎస్‌సీ అధికారులను ఆదేశించారు.రాత పరీక్షల్లో ఉత్తమ ప్రతిభ ఆధారంగా అత్యంత పారదర్శకంగా ఉద్యోగాలను భర్తీ చేయాలని ఆదేశించారు. 

ప్రతీ జనవరిలో ఉద్యోగాల భర్తీపై క్యాలెండర్ విడుదల చేయాలని, యుపిఎస్‌సీ తరహాలో నిర్దిష్ట కాలపరిమితిలో ఉద్యోగాల భర్తీ పూర్తికావాలని ఆదేశించారు ముఖ్యమంత్రి జగన్. ఏపీపీఎస్‌సీ నిర్వహించే ప్రతీ పరీక్షలో ఐఐటి, ఐఐఎం భాగస్వామ్యం తీసుకునేలా చర్యలు చేపట్టాలని వివరించారు.

ఏపీపీఎస్‌సీ జారీ చేసే ప్రతీ నోటిఫికేషన్ కోర్టు కేసుల్లో ఇరుక్కుంటుందని అధికారులు ముఖ్యమంత్రికి తెలిపారు. ఇకపై అలాంటి లోపాలు తలెత్తకుండా చూసుకోవాలని, అత్యవసర సర్వీసులు అందిస్తున్న విభాగాలలో యుద్దప్రాతిపదికన ఉద్యోగాల భర్తీ జరపాలని ముఖ్యమంత్రి అధికారులను ఆదేశించారు.

ఏపీపీఎస్సీ ద్వారా భర్తీ చేసే ఉద్యోగాలకు సంబంధించి సీఎం వైఎస్‌ జగన్‌ పలు సూచనలు చేశారు. అత్యవసర సర్వీసులు అందించే విభాగాల్లో పోస్టుల భర్తీలో ప్రాధాన్యం ఇవ్వాలని నిర్ణయించారు. ఏపీపీఎస్సీ పరీక్షల నిర్వహణలో విశ్వసనీయత పెంచేందుకు ప్రఖ్యాత ఐఐఎం, ఐఐటీల సహకారం, భాగస్వామ్యాలను తీసుకోవడంపై విధివిధానాలు రూపొందించాలని ఆదేశించారు.

వివిధ శాఖల్లో ఖాళీగా ఉన్న ప్రభుత్వ ఉద్యోగాల జాబితాను తయారు చేస్తారు. భర్తీ చేయాల్సిన పోస్టులు, బడ్జెట్‌ కేటాయింపులు తదితర ప్రతిపాదనలతో నవంబర్‌ నెలాఖరులోగా ముఖ్యమంత్రితో అధికారులు మరోసారి సమావేశం కానున్నారు. జగన్ నిర్ణయం పట్ల నిరుద్యోగ యువత హర్షం చేస్తున్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle