newssting
BITING NEWS :
*అక్రమ వలసదారులను పంపిస్తాం: హోం మంత్రి అమిత్ షా *నేడు, రేపు తెలంగాణ శాసనసభ.. రేపు మండలి సమావేశాలు *మున్సిపల్‌ చట్టాల బిల్లును ప్రవేశపెట్టనున్న ప్రభుత్వం *22న నింగిలోకి.. చంద్రయాన్‌–2 *కర్నాటకలో ఇవాళ కుమారస్వామి ప్రభుత్వ విశ్వాసపరీక్ష * కుల్ భూషణ్ కి రిలీఫ్.. పాక్ విధించిన మరణశిక్షను రద్దుచేసిన అంతర్జాతీయ న్యాయస్థానం * కర్నాటక అసెంబ్లీకి వెళ్లే ప్రసక్తే లేదు: రెబల్స్‌ *తిరుమలలో ఎల్1, ఎల్ 2, ఎల్ 3 దర్శనాలు రద్దు *ముంబయి పేలుళ్ల సూత్రధారి సయీద్‌ అరెస్టు

ఆ ఇద్దరు సెంటిమెంటును బ్రేక్ చేస్తారా..?

11-04-201911-04-2019 09:13:50 IST
Updated On 06-07-2019 15:54:38 ISTUpdated On 06-07-20192019-04-11T03:43:50.125Z11-04-2019 2019-04-11T03:43:19.189Z - 2019-07-06T10:24:38.494Z - 06-07-2019

ఆ ఇద్దరు సెంటిమెంటును బ్రేక్ చేస్తారా..?
facebooktwitterGooglewhatsappwhatsappGoogle
రాజకీయాల్లో సెంటిమెంట్లు కాస్త ఎక్కువే ఉంటాయి. కొందరు నేతలకు ప్రజా బలం ఉన్నా సెంటిమెంట్లు దెబ్బ తీస్తుంటాయి. యాధృచ్చికమో, ఇంకేమైనా కారణమో కానీ సెంటిమెంట్ల వల్ల కొందరు నేతలు రాజకీయంగా ఎదగలేకపోయారు. ఇటువంటి నేతల్లో ఒకరు ఎమ్మెల్సీ పయ్యావుల కేశవ్. అనంతపురం జిల్లా టీడీపీలో సీనియర్ నేతగా ఉన్న ఆయనకు లక్ అస్సలు కలిసిరావడం లేదు. ఐదుసార్లు పోటీ చేసి మూడు సార్లు గెలిచిన ఆయనకు అన్ని అర్హతలు ఉన్నా మంత్రి పదవి మాత్రం దక్కడం లేదు. 

రాష్ట్రమంతా టీడీపీకి ఎదురుగాలి వీచిన సందర్భాల్లో ఆయన ఉరవకొండ నుంచి 2004, 2009 ఎన్నికల్లో గెలిచారు. అంతకుముందే అయన 1994 ఎన్నికల్లో విజయం సాధించారు. 2014 ఎన్నికల్లో గెలిస్తే ఆయనకు కచ్చితంగా మంత్రి పదవి దక్కి ఉండేది. ఎదురుగాలిలోనూ గెలిచినా అయన గత ఎన్నికల్లో అనంతపురం జిల్లాలో టీడీపీ హవా ఉన్నా ఓడిపోయారు.

దీంతో మంత్రి పదవి మిస్ చేసుకున్నారు. తర్వాత ఆయనను చంద్రబాబు గుర్తించి ఎమ్మెల్సీ పదవి ఇచ్చి విప్ పదవి కూడా కట్టబెట్టారు. ఎమ్మెల్యేకు సమానంగా పవర్ సెంటర్‌గా పనిచేసిన కేశవ్ నియోజకవర్గాన్ని బాగా అభివృద్ధి చేశారు. ప్రత్యర్థి, వైసీపీ అభ్యర్థి విశ్వేశ్వర్ రెడ్డికి పార్టీలో విభేదాలు తలనొప్పిగా మారాయి. 

దీంతో ఈసారి గెలిచేందుకు కేశవ్‌కు అవకాశాలు మెరుగ్గా ఉన్నాయనే విశ్లేషణలు ఉన్నాయి. ఈసారి గెలిచి, పార్టీ అధికారంలోకి వస్తే ఆయనకు మంత్రి పదవి దక్కడం ఖాయం. ఒకవేళ మళ్లీ  సెంటిమెంట్ రిపీట్ అయ్యి అయన గెలిచినా పార్టీ అధికారం లోకి రాకపోతే మాత్రం అయన దురదృష్టం అనే చెప్పాలి.

కృష్ణా జిల్లాలోనూ ఇటువంటి సెంటిమెంట్ ఎదుర్కుంటున్నారు గుడివాడ ఎమ్మెల్యే కొడాలి నాని. 2004, 2009 ఎన్నికల్లో రాష్ట్రమంతా పార్టీకి వ్యతిరేఖ పవనాలు వీచినా అయన మాత్రం టీడీపీ తరపున విజయం సాధించారు. 2014కు ముందు అయన టీడీపీని వీడి వైసీపీలో చేరారు. మళ్లీ 2014 ఎన్నికల్లో గెలిచినా వైసీపీ మాత్రం అధికారం లోకి రాలేదు. అయన మూడుసార్లు గెలిచినా అయన ఉన్న పార్టీలు అధికారంలోకి రాకపోవడంతో రాజకీయంగా ఇంకా ఉన్నత స్థాయికి వెళ్లలేక పోయారు.

ఈసారి ఆయన మళ్లీ గుడివాడ నుంచి బరిలో ఉన్నారు. మాస్ ఇమేజ్ ఉన్న నాయకుడు కావడం, ప్రజల్లో ఉండటంతో ఆయనకు ఈసారి కూడా విజయావకాశాలు మెండుగా కనిపిస్తున్నాయి. ఈసారి కూడా అయన గెలిచి పార్టీ అధికారంలోకి వస్తే మాత్రం ఆయనకు మంత్రి పదవి దక్కడం ఖాయం అంటున్నారు. మరి, ఈసారైనా కొడాలి నాని సెంటిమెంటును బ్రేక్ చేస్తారా చూడాలి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle