newssting
BITING NEWS :
*దర్శకుడు రాంగోపాల్ వర్మపై కేసు.. సోమవారం విచారణకు హాజరుకావాలని ఆదేశం * యూపీలో ఉన్నావ్ తరహా ఘటన .. మహిళపై అత్యాచారం.. సజీవ దహనానికి యత్నం *రణరంగంగా మారిన ఢిల్లీ..దక్షిణ ఢిల్లీలోని జామియా మిలియా యూనివర్శిటీ వద్ద తీవ్ర ఉద్రిక్తత...క్యాబ్ కు వ్యతిరేకంగా ఆందోళన *హీరో బషీద్ అరెస్ట్...ఎవడ్రా హీరో అనే చిత్రంలో హీరోగా నటించిన బషీద్..రుణాలు ఇప్పిస్తానంటూ మోసానికి పాల్పడినట్టు ఆరోపణ *తూర్పు గోదావరి జిల్లా హసన్ బాద్ లో ప్రమాదం..బైక్ ను ఢీ కొన్న ఐషర్ వ్యాన్..ముగ్గురి మృతి..మరొకరికి తీవ్ర గాయాలు *ముగిసిన నటుడు, రచయత గొల్లపూడి అంత్యక్రియలు..చెన్నైలోని కన్నమ్మపేట దహనవాటికలో తుది వీడ్కోలు *కాల్పులకు దారితీసిన రైతు భరోసా డబ్బుల పంపకం..విశాఖ ఏజెన్సీలోని హుకుంపేట మండలం రంగశీలలో ఘటన*ఏపీ రాజధాని ప్రాంతంలో మళ్లీ కాల్‌మనీ రగడ..తాడేపల్లి పోలీస్‌ స్టేషన్‌ ఎదుట యువకుడి ఆత్మహత్యాయత్నం

ఆర్ఎస్ఎస్ చీఫ్‌తో చంద్రబాబు ర‌హ‌స్య భేటీ..!

01-11-201901-11-2019 11:53:32 IST
Updated On 01-11-2019 17:15:37 ISTUpdated On 01-11-20192019-11-01T06:23:32.944Z01-11-2019 2019-11-01T06:23:28.417Z - 2019-11-01T11:45:37.279Z - 01-11-2019

ఆర్ఎస్ఎస్ చీఫ్‌తో చంద్రబాబు ర‌హ‌స్య భేటీ..!
facebooktwitterGooglewhatsappwhatsappGoogle
తెలుగుదేశం జాతీయ అధ్యక్షుడు, మాజీ సీఎం చంద్ర‌బాబు నాయుడు మ‌రో భారీ యూట‌ర్న్‌ తీసుకునేందుకు ప్ర‌య‌త్నాల‌ను ముమ్మ‌రం చేశారా..? అన్న ప్ర‌శ్న‌కు రాజ‌కీయ వ‌ర్గాల నుంచి అవున‌నే స‌మాధానం వినిపిస్తోంది. కాగా, గ‌త ఏడాది జ‌రిగిన‌ కేంద్ర బ‌డ్జెట్ స‌మావేశాల త‌రువాత టీడీపీ బీజేపీతో సంబంధాల‌ను తెగ‌దెంపులు చేసుకున్న సంగ‌తి తెలిసిందే. ఆ త‌రువాత జ‌రిగిన తెలంగాణ ముంద‌స్తు అసెంబ్లీ ఎన్నిక‌ల్లో చంద్ర‌బాబు నాయుడు నేరుగా కాంగ్రెస్ పార్టీతో డైరెక్టుగానే పొత్తు పెట్టుకున్నారు.

టీడీపీతో బ‌హిరంగ పొత్తు కార‌ణంగా ఆ ఎన్నిక‌ల్లో కాంగ్రెస్ ఘోర ఓట‌మిని చ‌వి చూసింది. ఆ త‌రువాత జ‌రిగిన లోక్ స‌భ ఎన్నిక‌ల్లో కాంగ్రెస్ నేరుగా టీడీపీతోనైతే పొత్తు పెట్టుకోలేదు కానీ.. బ‌హిరంగంగానే స్నేహాన్ని కొన‌సాగిస్తూ వ‌చ్చారు.

చంద్ర‌బాబు నాయుడు ఎన్నిక‌ల స‌మ‌యంలో మోడీకి వ్య‌తిరేకంగా దేశంలోని అన్ని ప్రాంతీయ శ‌క్తుల‌ను, పార్టీల‌ను ఏకంగా చేస్తానంటూ దేశ వ్యాప్తంగా ప‌ర్య‌ట‌న‌ల‌ను కొన‌సాగించారు. ఏపీలో ఎన్నికలు ముగిశాక కాంగ్రెస్ పార్టీ త‌రుపున తానే స్వ‌తంత్రంగా చొర‌వ తీసుకుని దేశంలోని వివిధ ప్రాంతీయ పార్టీల నాయ‌కుల‌ను క‌లిసి మోడీకి వ్య‌తిరేకంగా పోరాటం చేద్దాం అంటూ అంద‌ర్నీ క‌లిశారు.

ఒకానొక ద‌శ‌లో చంద్ర‌బాబు నాయుడునే ప్ర‌ధాని అభ్య‌ర్ధిగా ప్ర‌క‌టించ‌బోతున్నారు..  అంటూ టీడీపీ అనుకూల ప‌త్రిక‌లు కూడా స్థానికంగా క‌థ‌నాలు రాశాయి. అయితే, తీరా ఎన్నిక‌ల ఫ‌లితాలు వ‌చ్చిన త‌రువాత బీజేపీకి భారీగా సీట్లు రావ‌డం మోడీ తిరిగి ప్ర‌ధాని అవ‌డంతో చంద్ర‌బాబు ఒక్క‌సారిగా సైలెంట్ అయిపోయారు. కొన్ని నెల‌ల‌పాటు మోడీ పేరు ఎత్తేందుకు కూడా చంద్ర‌బాబు సాహ‌సించ‌లేదు.

అయితే, ఇటీవ‌ల కొద్ది రోజులుగా బీజేపీకి ద‌గ్గ‌ర‌య్యేందుకు వివిధ మార్గాల్లో చంద్ర‌బాబు నాయుడు ప్ర‌య‌త్నాలు చేస్తూనే ఉన్నారు. త‌న‌కు అత్యంత స‌న్నిహితులు, బినామీలుగా చెప్పుకునే సుజ‌నా చౌద‌రి, సీఎం ర‌మేశ్‌ల‌ను బీజేపీలోకి పంపించారు. ఆ త‌రువాత కూడా వివిధ మార్గాల్లో బీజేపీ నేత‌ల‌ను దువ్వేందుకు చంద్ర‌బాబు నాయుడు య‌త్నిస్తూనే ఉన్నారు.

ఇటీవ‌ల ఓ స‌మావేశంలో త‌న‌కు మోడీతో ఎలాంటి విబేధాలు, వ్య‌క్తిగ‌త విబేధాలు లేవు అని కూడా చంద్ర‌బాబు స్వ‌యంగా ప్ర‌క‌టించారు. ఇలా వివిధ మార్గాల్లో ప్ర‌య‌త్నిస్తున్న చంద్ర‌బాబుకు బీజేపీ నేత‌లు మాత్రం అస‌లు చంద్ర‌బాబుతో పొత్తు పెట్టుకునే అవ‌కాశ‌మే లేదు. త‌లుపులు మూసేశాం. చంద్ర‌బాబుతో క‌లిసే ప్ర‌స‌క్తే లేదు అని చెబుతున్న‌ప్ప‌టికీ కూడా చంద్ర‌బాబు త‌న ప్ర‌య‌త్నాల‌ను చేస్తూనే ఉన్నారు.

ఇప్పుడు నేరుగా మ‌రో అడుగు ముందుకేశారు చంద్ర‌బాబు నాయుడు, ఆర్ఎస్ఎస్ చీఫ్ మోహ‌న్ భ‌గ‌వ‌త్‌తో ప్ర‌త్యేకంగా, ర‌హ‌స్యంగా చంద్ర‌బాబు నాయుడు భేటీ అయ్యారు. నాగ్‌పూర్‌లోని ఆర్ఎస్ఎస్ కేంద్ర కార్యాల‌యంలో దాదాపు రెండు గంట‌ల‌పాటు చంద్ర‌బాబు నాయుడు మోహ‌న్ భ‌గ‌వ‌త్‌తో భేటీ అయ్యారు. ఈ భేటీకి సంబంధించిన వివ‌రాల‌ను రిల‌య‌న్స్ గ్రూప్‌కు సంబంధించిన ఓ వార్తా సంస్థ ప్ర‌చురించడం విశేషం.

మోహ‌న్ భ‌గ‌వ‌త్‌, చంద్ర‌బాబు నాయుడు మ‌ధ్య భేటీకి కేంద్ర మంత్రి గ‌డ్క‌రీ మ‌ధ్య‌వ‌ర్తిత్వం వ‌హించారు, రాయ‌బారిగా ప‌నిచేశార‌ని కూడా ఈ మీడియా సంస్థ చెబుతోంది. తొలి నుంచి కూడా గ‌డ్క‌రీతో చంద్ర‌బాబు నాయుడుకు మంచి సంబంధాలే ఉన్నాయి. పార్టీల‌కు అతీతంగా వీరి మ‌ధ్య సంబంధాలు ఉన్నాయి. ఒకానొక ద‌శ‌లో మోడీని కాకుండా గ‌డ్క‌రీని ప్ర‌ధానిగా అభ్య‌ర్ధిగా ప్ర‌కటిస్తే బీజేపీతో తాము క‌లిసి ప‌నిచేసేందుకు ఎలాంటి అభ్యంత‌రం లేద‌ని కూడా చంద్ర‌బాబు ఆఫ‌ర్ ఇచ్చారు. అలా ఆ స్థాయిలో చంద్ర‌బాబు, గ‌డ్క‌రీల మ‌ధ్య మంచి సంబంధాలే ఉన్నాయి.

ఈ సంబంధాల‌ను ఆధారంగా చేసుకుని గ‌డ్క‌రీ ద్వారా ఆర్ఎస్ఎస్ చీఫ్ మోహ‌న్ భ‌గ‌వ‌త్‌తో చంద్ర‌బాబు నాయుడు భేటీ అయిన‌ట్టు చెబుతున్నారు. ప‌రిణామాల‌ను చూస్తుంటే ఎలాగైనా స‌రే బీజేపీకి ద‌గ్గరై తీరాల‌న్న ప‌ట్టుద‌ల‌తో చంద్ర‌బాబు నాయుడు ఉన్న‌ట్టుగా ఉంది. అయితే ఈ సారి ఇప్ప‌టికే ప‌లు ద‌ఫాలు చంద్ర‌బాబుతో పొత్తుపెట్టుకుని మోస‌పోతూ వ‌స్తున్న బీజేపీ ఈ సారి మాత్రం చంద్ర‌బాబు నాయుడును అంత ఈజీగా న‌మ్ముతుందా అన్న‌ది ప్ర‌శ్న‌.

చంద్ర‌బాబు త‌న అవ‌స‌రాల కోస‌మే త‌మ వ‌ద్ద‌కు వ‌స్తున్నార‌న్న నిర్ధార‌ణ‌కు బీజేపీ నేతలు వ‌చ్చిన నేప‌థ్యంలో ఈ సారి ఒక‌వేళ చంద్ర‌బాబు నాయుడుతో పొత్తు పెట్టుకున్నా.. స్నేహం చేసినా అందుకు భారీగా డిమాండ్‌లు ముంద‌స్తు కండీష‌న్లు పెట్ట‌డ‌మైతే ఖాయంగా క‌నిపిస్తుంద‌ని అభిజ్ఞాన‌వ‌ర్గాల భోగ‌ట్టా.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle