newssting
BITING NEWS :
*దర్శకుడు రాంగోపాల్ వర్మపై కేసు.. సోమవారం విచారణకు హాజరుకావాలని ఆదేశం * యూపీలో ఉన్నావ్ తరహా ఘటన .. మహిళపై అత్యాచారం.. సజీవ దహనానికి యత్నం *రణరంగంగా మారిన ఢిల్లీ..దక్షిణ ఢిల్లీలోని జామియా మిలియా యూనివర్శిటీ వద్ద తీవ్ర ఉద్రిక్తత...క్యాబ్ కు వ్యతిరేకంగా ఆందోళన *హీరో బషీద్ అరెస్ట్...ఎవడ్రా హీరో అనే చిత్రంలో హీరోగా నటించిన బషీద్..రుణాలు ఇప్పిస్తానంటూ మోసానికి పాల్పడినట్టు ఆరోపణ *తూర్పు గోదావరి జిల్లా హసన్ బాద్ లో ప్రమాదం..బైక్ ను ఢీ కొన్న ఐషర్ వ్యాన్..ముగ్గురి మృతి..మరొకరికి తీవ్ర గాయాలు *ముగిసిన నటుడు, రచయత గొల్లపూడి అంత్యక్రియలు..చెన్నైలోని కన్నమ్మపేట దహనవాటికలో తుది వీడ్కోలు *కాల్పులకు దారితీసిన రైతు భరోసా డబ్బుల పంపకం..విశాఖ ఏజెన్సీలోని హుకుంపేట మండలం రంగశీలలో ఘటన*ఏపీ రాజధాని ప్రాంతంలో మళ్లీ కాల్‌మనీ రగడ..తాడేపల్లి పోలీస్‌ స్టేషన్‌ ఎదుట యువకుడి ఆత్మహత్యాయత్నం

ఆరోపణలు వైసీపీ జన్మహక్కా? లోకేష్ సవాలుకు సమాధానమేది?

11-11-201911-11-2019 13:01:42 IST
2019-11-11T07:31:42.531Z11-11-2019 2019-11-11T07:31:40.108Z - - 15-12-2019

ఆరోపణలు వైసీపీ జన్మహక్కా? లోకేష్ సవాలుకు సమాధానమేది?
facebooktwitterGooglewhatsappwhatsappGoogle
ప్రతిపక్షంలో ఉన్నప్పుడు అధికార పార్టీలపైన ఆరోపణలు చేయడం సహజమే. ప్రస్తుత రాజకీయాలలో ఈ ఆరోపణలలో నిజానిజాలు ఎంతవరకు అని అడిగినా సమాధానం దొరకడం కష్టమే. ఎందుకంటే ప్రభుత్వాలను ఇరుకున పెట్టేందుకు మాత్రమే ఇలాంటి ఆరోపణలు ప్రయోగించి ప్రజలలో వ్యతిరేకత పెంచడం కోసమే ప్రతిపక్షాల పని. ఈ వ్యవహారంలో వైసీపీ సూపర్ సక్సెస్ అయింది.

గత టీడీపీ ప్రభుత్వంపైన వైసీపీ చేయని ఆరోపణ లేదు. ప్రభుత్వం చేసిన ప్రతిపనిలో అవినీతి ఆరోపణలు చేసిన వైసీపీ దివాళా తీసి ఖాతాదారులకు భారీ పంగనామం పెట్టిన అగ్రిగోల్డ్ లాంటి సంస్థల వ్యవహారాలను కూడా టీడీపీ ప్రభుత్వానికే అంటగట్టారు. ఒకపక్క అగ్రిగోల్డ్ వ్యవహారం కోర్టులో ఉండగానే ఆస్తులను దోచేస్తున్నారని వైసీపీ ప్రచారం మొదలుపెట్టింది.

రెండు తెలుగు రాష్ట్రాలలో ఉన్న సంస్థ ఆస్తులను మంత్రి లోకేష్ కు దోచిపెట్టేందుకే సీఎం చంద్రబాబు కుట్రలు చేస్తున్నారని బలంగా ప్రజలోకి తీసుకెళ్లారు. అయితే అదంతా గత ప్రభుత్వంలో వ్యవహారం కాగా ఇప్పుడు రాష్ట్రంలో అధికారంలో ఉన్నది అప్పుడు ప్రతిపక్షంలో ఉండి ఆరోపించిన వైసీపీ. సర్వ అధికారాలు తమ చేతుల్లోనే ఉన్నా వైసీపీ అప్పుడు చేసిన ఆరోపణలే చేయడం విడ్డురంగా ఉంది.

ఈమధ్యనే ప్రభుత్వం అగ్రిగోల్డ్ బాధితులకు పదివేల చొప్పున పరిహారం అందించింది. ఈ కార్యక్రమాన్ని సీఎం జగన్మోహన్ రెడ్డి చేతుల మీదగా ప్రారంభించగా అన్ని జిల్లాలలో మంత్రులు ఈ కార్యక్రమంలో పాల్గొన్నారు. అయితే అందరూ చేసిన కామన్ ఆరోపణ. మాజీ మంత్రి లోకేష్ అగ్రిగోల్డ్ ఆస్తులను కాజేసేందుకు ప్రయత్నించారు. గౌరవమైన పదవిలో ఉన్న స్పీకర్ తమ్మినేని సీతారాం అయితే చంద్రబాబు గుడ్డలూడదీయాలంటూ ఘాటు వ్యాఖ్యలు చేశారు.

విమర్శలపై స్పందించిన నారా లోకేష్ మంత్రులతో సహా స్పీకర్ తమ్మినేనికి ఓ సవాల్ విసిరారు. ఐదు నెలలుగా తమపై ఎన్ని విచారణలు చేసినా ఒక్కటీ నిరూపించలేకపోయారని.. ఇప్పటికీ మించిపోయింది లేదు కనుక ఇప్పుడు మీరు చేసిన ఆరోపణలు ఆధారాలతో నిరూపించాలని.. లేకపోతే మీ ముఖ్యమంత్రి బట్టలు ఊడదీస్తారా అంటూ సవాల్ విసిరారు.

లోకేష్ సవాల్ మంత్రులకు సూటిగా సుత్తిలేకుండా ఘాటుగానే తగిలింది. రోజులు గడుస్తున్నా ప్రత్యారోపణలే కానీ ఆధారాలు బయటకు రావడం లేదు. సూటిగా మంత్రులనే సమాధానం అడిగినా తడబాటే కనిపిస్తుంది. మీడియా వాళ్ళు కూడా ఎమ్మెల్యేలను లోకేష్ సవాలుపై మీ సమాధానం ఏమిటని అడిగితే అద్దడారిలో మంత్రి అయిన లోకేష్ సవాల్ చేయడమేమిటి అని ఎదురుదాడికి దిగుతున్నారు.

అయితే అధికారంలో ఉన్నా ప్రజలను రెచ్చగొట్టేలా వ్యాఖ్యలు చేసి నమ్మించడం ఎంతో కాలం చెల్లదు. ప్రతిపక్షంలో మాదిరి ఆరోపణలు చేసి చేతులు దులుపుకోవడం అధికారంలో ఉన్నప్పుడు కుదరదు. తమ చేతుల్లోనే అధికారం ఉండగా సాక్షం ఒక్కటీ బయట పెట్టకపోతే ప్రజలు హర్షించరు. ఈ విషయాన్ని ఇకనైనా అధికార పార్టీ గుర్తెరిగి ఆరోపణలకు దిగితే మంచిది.. లేకపోతే నవ్వులపాలు కాకతప్పదు.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle