newssting
BITING NEWS :
*అక్రమ వలసదారులను పంపిస్తాం: హోం మంత్రి అమిత్ షా *నేడు, రేపు తెలంగాణ శాసనసభ.. రేపు మండలి సమావేశాలు *మున్సిపల్‌ చట్టాల బిల్లును ప్రవేశపెట్టనున్న ప్రభుత్వం *22న నింగిలోకి.. చంద్రయాన్‌–2 *కర్నాటకలో ఇవాళ కుమారస్వామి ప్రభుత్వ విశ్వాసపరీక్ష * కుల్ భూషణ్ కి రిలీఫ్.. పాక్ విధించిన మరణశిక్షను రద్దుచేసిన అంతర్జాతీయ న్యాయస్థానం * కర్నాటక అసెంబ్లీకి వెళ్లే ప్రసక్తే లేదు: రెబల్స్‌ *తిరుమలలో ఎల్1, ఎల్ 2, ఎల్ 3 దర్శనాలు రద్దు *ముంబయి పేలుళ్ల సూత్రధారి సయీద్‌ అరెస్టు

ఆయనతో బాబుకి తలనొప్పులు ‘అనంతం’

19-03-201919-03-2019 08:10:58 IST
2019-03-19T02:40:58.700Z19-03-2019 2019-03-19T02:40:27.115Z - - 18-07-2019

ఆయనతో బాబుకి తలనొప్పులు ‘అనంతం’
facebooktwitterGooglewhatsappwhatsappGoogle
టీడీపీ అధినేత చంద్రబాబుకు మరో ఝలక్ ఇచ్చారట ఆ పార్టీ నేత, అనంతపురం ఎంపీ జే.సీ. దివాకర్ రెడ్డి. ఈసారి అనంతపురం ఎంపీ సీటు నుంచి తన కుమారుడు పవన్ రెడ్డిని బరిలో దింపారు జే.సీ. అయితే ఈ లోక్ సభ సీటు పరిధిలో ఉన్న అసెంబ్లీ నియోజకవర్గాల్లో నాలుగు చోట్ల తాను చెప్పిన వారికే టిక్కెట్ ఇవ్వాలని పట్టుబడుతున్నారట. తాను చెప్పిన వారికి కాకుండా వేరే వారికి టిక్కెట్ ఇస్తే తన కుమారుడు పోటీ చేయడనీ, ఓడిపోడానికి తాము సిద్ధంగా లేమని చంద్రబాబుతో తెగేసి చెప్పేశారట.

ముఖ్యంగా అనంతపురం అర్బన్ ఎంఎల్ఏ ప్రభాకర్ చౌదరి, కల్యాణదుర్గం ఎంఎల్ఏ హనుమంతరాయ చౌదరి, గుంతకల్లు ఎంఎల్ఏ జితేందర్ గౌడ్, శింగనమల ఎంఎల్ఏ యామినీ బాల మీద జే.సీ. దివాకర్ రెడ్డి గుర్రుగా ఉన్నట్లు తెలుస్తోంది. అంటే ఈ నలుగురిని మార్చాలన్నదే దివాకర్ రెడ్డి ఉద్దేశంగా అర్థం అవుతోంది. ఇప్పుడు జే.సీ. వ్యవహారం చంద్రబాబు ఇబ్బందిగా మారిందని టీడీపీ వర్గాలు చెబుతున్నాయి. 

ఎందుకంటే... జే.సీ. చెప్పిన వారికే టిక్కెట్లు ఇస్తే, సిట్టింగ్ ఎంఎల్ఏలు రెబల్ గా బరిలో దిగుతారు. అది పార్టీకి ఇబ్బందిగా మారుతుంది. అంతేకాదు... జే.సీ అడిగినట్లు నలుగురిని కాకుండా ఇద్దరిని మారిస్తే ఆయన కొంచెం శాంతిస్తాడని చంద్రబాబు అనుకున్నారట. ఇందుకోసం గుంతకల్లు ఎంఎల్ఏ జితేందర్ గౌడ్, శింగనమల ఎంఎల్ఏ యామినీ బాలకు టిక్కెట్లు ఇవ్వకుండా కొత్త వారికి అవకాశం ఇవ్వాలని చంద్రబాబు ఆలోచించినట్లు తెలుస్తోంది. 

అయితే తమ సీటుకు ఎసరు పెడితే ఊరుకోమని ఇప్పటికే జితేందర్ గౌడ్, యామినీ బాల ప్రకటించారు. అంతేకాదు... గుంతకల్లు, శింగనమల సీట్లలో జే.సీ. దివాకర్ రెడ్డి రికమండ్ చేసిన వ్యక్తులు గెలవడం కష్టమన్న సర్వే రిపోర్టుతో చంద్రబాబు సైలెంట్ అయినట్లు తెలుస్తోంది. ఒకవేళ ప్రభాకర్ చౌదరి, హనుమంతరాయ చౌదరిలను టచ్ చేస్తే, వారి వర్గం ఓట్లు అనంతపురం ఎంపీ అభ్యర్థికి పడవు. ఇదే ఇప్పుడు చంద్రబాబుకు సవాల్ అవుతోంది. కొసమెరుపు ఏంటంటే... తన మాట వినకపోతే పార్టీకి రిజైన్ చేస్తానని కూడా జే.సీ. దివాకర్ రెడ్డి తన వర్గానికి చెప్పినట్లు చంద్రబాబుకు ఇంటెలిజెన్స్ సమాచారం అందింది. అందుకు ఇప్పుడేం చేయాలో ఆయనకు అర్థం కావడం లేదట.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle