newssting
BITING NEWS :
*ఉన్నావ్ అత్యాచార బాధితురాలు మృతిపై నిరసనలు.. బాధిరాలి కుటుంబాన్ని పరామర్శించిన ప్రియాంకా గాంధీ *నేడు మండపేటలో పవన్ కల్యాణ్ పర్యటన... రైతుల సమస్యలు తెలుసుకోనున్న పవన్ *పఠాన్ చెరువులో బయటపడ్డ మరో సంగీత ఉదంతం.. అత్తింటి వేధింపులపై మాట్లాడేందుకు వెళ్లిన అత్తామామలపై దాడి చేసిన అనూష భర్త, అతని సోదరుడు*నేడు భారత్-వెస్టిండీస్ మధ్య రెండో టీ-20 మ్యాచ్.. తిరువనంతపురం వేదికగా రాత్రి 7 గంటలకు మ్యాచ్ ప్రారంభం*జీహెచ్ఎంసి టౌన్ ప్లానింగ్ లో భారీగా బదిలీలు... 49మంది సెక్షన్ అధికారులను బదిలీ చేసిన జీహెచ్ఎంసి అధికారులు*కేంద్ర మంత్రి నిర్మలా సీతారామన్ కు తెలంగాణ ముఖ్యమంత్రి కెసిఆర్ లేఖ.తెలంగాణకు పన్నుల వాటా పన్నుల విడుదల చేయాలని వినతి *ఏపీలో పెరిగిన ఆర్టీసీ చార్జీలు.. పల్లె వెలుగు, సిటీ సర్వీసులపై కిలోమీటర్ కు 10 పైసలు పెంపు... మిగిలిన అన్ని సర్వీసులపై కిలోమీటర్ కు 20 పైసలు పెంపు*ఎన్ కౌంటర్ మృత దేహాలను గాంధీ ఆసుపత్రికి తరలించాలని హైకోర్టును ఆశ్రయించిన పాలమూరు ఎస్పీ*అమ్మ రాజ్యంలో కడప బిడ్డలు సినిమా విడుదలకు తొలగిన అడ్డంకి...12న విడుదల *కడపజిల్లాలో దొంగనోట్ల చలామణి ముఠా గుట్టురట్టు

ఆటో, ట్యాక్సీ వాలాలకు గంటల్లోనే ఖాతాల్లో నగదు జమ..

05-10-201905-10-2019 10:11:11 IST
Updated On 05-10-2019 15:08:38 ISTUpdated On 05-10-20192019-10-05T04:41:11.181Z05-10-2019 2019-10-05T04:34:55.921Z - 2019-10-05T09:38:38.173Z - 05-10-2019

ఆటో, ట్యాక్సీ వాలాలకు గంటల్లోనే ఖాతాల్లో నగదు జమ..
facebooktwitterGooglewhatsappwhatsappGoogle
రాష్ట్ర ముఖ్యమంత్రి వైఎస్ జగన్‌మోహన్ రెడ్డి మరోసారి మాట నిలబెట్టుకున్నట్లేనా.. శుక్రవారం వైఎస్సార్‌ వాహన మిత్ర పథకాన్ని స్వయంగా ఏలూరులో ప్రారంభించిన జగన్ వాగ్దానాల అమలులో మరోసారి తన్ను తాను నిరూపించుకున్నారు. ఆశా కార్యకర్తల వేతనాలు. అంగన్‌వాడీలు, పారిశుద్ధ్య కార్మికులు, అవుట్‌ సోర్సింగ్‌ ఉద్యోగుల వేతనాలు ఇప్పటికే పెంచిన జగన్‌మోహన్‌రెడ్డి... వలంటీర్ల నియామకం, గ్రామ సచివాలయాల ఉద్యోగాలు. సచివాలయాల ఏర్పాటు. రేషన్‌ కార్డుదారులకు నేరుగా ఇంటికే నాణ్యమైన బియ్యం పంపిణీ. పంట నష్టపరిహారం పెంపు... ఇలా పాదయాత్రలో ఇచ్చిన  ప్రతి హామీని అమలు చేస్తున్నారు. 

ప్రజా సంకల్ప పాదయాత్ర సమయంలో ఆటోడ్రైవర్ల కష్టాలు చూసి చలించిన వైఎస్‌ జగన్‌ ఆటోలు, ట్యాక్సీలు, మ్యాక్సీ క్యాబ్‌ల ఫిట్‌నెస్, బీమా, మరమ్మతుల కోసం ఏటా  రూ.10 వేల చొప్పున ఆర్ధిక సాయం అందచేస్తామని నాడు ఏలూరులో జరిగిన బహిరంగ సభలో హామీ ఇచ్చారు. ఆ ప్రకారమే నేడు  వైఎస్సార్‌ వాహనమిత్ర పథకాన్ని ప్రారంభించారు.

వందలాది ఆటో, ట్యాక్సీ డ్రైవర్ల సమక్షంలో స్వయంగా ఆటో డ్రైవర్ల యూనిఫారం వేసుకుని మరీ కార్యక్రమానికి హాజరైన జగన్ శుక్రవారం అర్హులైన వారి హర్షధ్వానాల మధ్య వైఎస్సార్‌ వాహన మిత్ర పథకాన్ని ప్రారంభించారు. ఇంకా విశేషం ఏమిటంటే మాట ఇచ్చిన చోటు నుంచే పథకానికి శ్రీకారం చుట్టడం. రాజకీయ చరిత్రలో ఇది చాలా అరుదైన విషయమని, వైఎస్‌ జగన్‌మోహన్‌రెడ్డి చిత్తశుద్ధికి ఇదే నిదర్శనమని ఆటో డ్రైవర్ల సంఘాలు పేర్కొన్నాయి. ఈ పథకం ద్వారా మొత్తం 1,73,531 మంది లబ్ధి పొందనున్నారు.

ఆటో, ట్యాక్సీవాలాల సమస్యలు ఇన్నీ అన్నీ కావు. అసలే అంతంతమాత్రపు బతుకులు... ఆపై ఫైనాన్షియర్ల వేధింపులు... పైగా రికార్డులు సక్రమంగా నిర్వహించలేని పరిస్థితి... ఎప్పటికప్పుడు ట్యాక్స్‌ చెల్లించుకోలేని దుస్థితి... ఇలా అనేక ఇబ్బందులను ఆటో, ట్యాక్సీవాలాలు ఎదుర్కొంటున్నారు. నెలాఖరొస్తే చాలు భయంభయంగా గడిపే పరిస్థితి ఉంది. ఇన్సూరెన్స్‌ డబ్బుల కోసం ఆరాటం... ఫిట్‌నెస్‌ కోసం పడిగాపులు... మరమ్మతుల కోసం ఆర్థిక ఇబ్బందులు... తదితర వాటితో నిత్యం కష్టాల కన్నీళ్లే. ఇన్ని బాధలు పడుతున్నా ఇంతవరకు ఏ ఒక్క పాలకుడు పట్టించుకోలేదు.

కానీ పాదయాత్ర సమయంలో భరోసా ఇచ్చిన వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి.. నేనున్నానంటూ అధికారంలోకి రాగానే ఆటో, ట్యాక్సీ కార్మికులకు ఏటా రూ.10 వేల ఆర్థిక సాయం చేస్తానని హామీ ఇచ్చారు. ఇప్పుడా హామీని అమలు చేస్తూ రాష్ట్రవ్యాప్తంగా ఈ పథకాన్ని ప్రారంభించారు. 

ఆటో, ట్యాక్సీ వాలాలకు చేయూతగా ప్రభుత్వం ప్రకటించిన వైఎస్సార్‌ వాహన మిత్ర పథకం కింద సెప్టెంబర్‌ 14వ తేదీ నుంచి 25వ తేదీ వరకు దరఖాస్తులు స్వీకరించింది. జిల్లాలో 28,144 వాహనాలుండగా, అందులో 10,798మంది యజమానులు దరఖాస్తు చేసుకున్నారు. నమోదులో 38.49 శాతంతో రాష్ట్రంలోనే రెండో స్థానంలో శ్రీకాకుళం నిలిచింది. వచ్చిన దరఖాస్తులను ఎంపీడీఓలు, మున్సిపల్‌ కమిషనర్ల ఆధ్వర్యంలో పరిశీలించాక 146 దరఖాస్తులను వివిధ కారణాలతో తిరస్కరించగా,  మిగిలిన 10,652 దరఖాస్తులకు కలెక్టర్‌ ఆమోదం లభించింది. వీరందరికీ వైఎస్సార్‌ వాహన మిత్ర పథకం కింద సంవత్సరానికి రూ.10 వేల ప్రభుత్వ సాయం అందనుంది. రాష్ట్రవ్యాప్తంగా రూ.400 కోట్లతో లక్షా 73వేల మందికి లబ్ధి చేకూరుతుండగా అందులో శ్రీకాకుళం జిల్లాకు సంబంధించే 10,652మంది ఉన్నారు. వీరు మొత్తం రూ.10.65 కోట్లకు పైగా లబ్ధి పొందనున్నారు.   

వైఎస్సార్‌ వాహనమిత్ర పథకం దరఖాస్తుదారులు 1,75,352 మంది కాగా అర్హులైన లబ్ధిదారులు 1,73,531 మంది అని గ్రామ వలంటీర్లు, ఎంపీడీవోలు, మున్సిపల్‌ కమిషనర్లు తమ పరిశీలనలో తేల్చారు. కలెక్టర్ల ఆమోదముద్రతో అర్హులను రవాణా శాఖ అధికారులు నిర్థారించారు. లబ్ధిదారుల్లో అత్యధికంగా బీసీలే ఉన్నారు. 1,73,531 మంది లబ్ధిదారుల్లో 79,021 మంది బీసీలే కావడం గమనార్హం.

ఒకటి మాత్రం నిజం. ఈ పథకాలకు డబ్బు ఎక్కడి నుంచి వస్తోందో, ఎలా మ్యానేజి్ చేస్తున్నారో తెలియకపోయినప్పటికీ నవరత్నాలను ఇంకా అమలు పర్చనప్పటికీ ఇతర హామీలను మాత్రం జగన్ ఒక్కటొక్కటిగా ప్రారంభిస్తుండటం ఉండవల్లి వంటి తటస్థ మేథావులను కూడా షాక్ కు గురిచేస్తోంది. ప్రజల సంక్షేమానికి ఇవి ఒక్కొక్కటి ఒక్కో గీటురాయి. సంకల్ప బలంతో ముందడుగేస్తున్న జగన్ చివరివరకు వీటిని సజావుగా అమలు చేస్తారని కోరుకోవడం మాత్రమే చేయగలం.

కొసమెరుపు: 

వైఎస్సార్‌ వాహన మిత్ర పథకం ద్వారా ఆటో డ్రైవర్లకు రాష్ట్ర ప్రభుత్వం అందించిన రూ.10 వేలు ఆర్థిక సాయం కింద గంటల వ్యవధిలోనే నగదు అకౌంట్లలో జమ అయిందని ఆటో, ట్యాక్సీ డ్రైవర్లు తమ సెల్‌ పోన్లకు వచ్చిన మెసెజ్‌లు చూపించి వారు హర్షం వ్యక్తం చేశారు. నెల్లూరు జిల్లాలో వైఎస్సార్‌ వాహన మిత్ర పథకం కోసం 13,792 మంది దరఖాస్తు చేసుకోగా 13,697 మందిని అర్హులుగా గుర్తించారు.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle