newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

ఆంధ్రాకు అప్పు రెడీ

29-12-201829-12-2018 17:42:30 IST
2018-12-29T12:12:30.150Z29-12-2018 2018-12-29T11:48:08.868Z - - 17-07-2019

ఆంధ్రాకు అప్పు రెడీ
facebooktwitterGooglewhatsappwhatsappGoogle
ఆంధ్రప్రదేశ్ నూతన రాజధాని ‘అమరావతి’ అభివృద్ధి కోసం ఏపీ సర్కారు ప్రపంచ బ్యాంకు రుణంపై భారీ ఆశలే పెట్టుకుంది. దీర్ఘకాలంగా పెండింగ్‌లో ఉన్న ఈ రుణం త్వరలో విడుదల కానుంది. మొత్తం 500 మిలియన్ల అమెరికన్ డాలర్లు (రూ.3500 కోట్లు) రుణంగా అందనుంది. ప్రపంచ బ్యాంకు ఏపీ నూతన రాజధానికి 500 మిలియన్ డాలర్ల రుణం మంజూరు చేయటానికి సూత్రప్రాయంగా అంగీకరించింది. అందులో 200 మిలియన్ డాలర్లు ఏషియన్ ఇన్ ఫ్రాస్ట్రక్చర్ ఇన్వెస్ట్ మెంట్ బ్యాంకు (ఏఐఐబి) కో ఫైనాన్స్ చేయనుంది. గత ఏడాది మే 25న కొంతమంది రైతులు ప్రపంచ బ్యాంకుకు లేఖ రాశారు. అమరావతి రాజధాని నిర్మాణం వల్ల ఈ ప్రాంతంలో తమ జీవనాధారం దెబ్బతినటంతో పాటు…పర్యావరణం, ఆహార భద్రతకు కూడా ముప్పు ఉంటుందని ఫిర్యాదు చేశారు. అప్పటి నుంచే ఈ రుణ ప్రక్రియ నిలిచిపోయింది. ఇఫ్పటికే అమరావతిలో మౌలికసదుపాయాల కల్పనకు ఏపీ సర్కారు భారీ ఎత్తున అప్పులు తీసుకువస్తోంది. ప్రపంచ బ్యాంకు రుణం అయితే తక్కువ వడ్డీ ఉంటుంది. త్వరలో ఈ రుణానికి సంబంధించిన ప్రకటన త్వరలో విడుదల కానుందని సీఆర్డీయే అధికారి ఒకరు వెల్లడించారు. 

ఏపీసీఆర్డీయే 2016లోనే 1 బిలియన్ డాలర్ల వరల్డ్ బ్యాంకు రుణం కోసం ప్రతిపాదన పంపించింది. ఆ తర్వాత ఆ మొత్తాన్ని 500 మిలియన్ డాలర్లుగా సవరించింది. అమరావతి కోసం ఏపీ సర్కారు ల్యాండ్ పూలింగ్ మోడల్ కింద రికార్డు స్థాయిలో 33 వేల ఎకరాలు సేకరించిన విషయం తెలిసిందే. దీనిపైన రైతుల నుంచి పలు ఫిర్యాదులు వెల్లువెత్తాయి. ఇక్కడ కొత్త రాజధాని నిర్మించటం వల్ల పర్యావరణంపై…అక్కడి ప్రజల జీవన స్థితిగతులపై ఎలాంటి ప్రభావం ఉంటుందనే అంశాలను మదింపు చేసిన తర్వాత కానీ ప్రపంచ బ్యాంకు తుది నిర్ణయం తీసుకోలేదు. రైతుల ఫిర్యాదుని క్షుణ్ణంగా పరిశీలించిన వరల్డ్ బ్యాంకు ఒక బృందాన్ని అమరావతికి పంపించింది. రైతులనుంచి వచ్చిన ఆరోపణలపై నవంబర్ 2017లో...ఆరునెలల పాటు విచారణ నిర్వహించారు. జూలై 2018లో నివేదిక పంపారు. సంతృప్తి చెందిన వరల్డ్ బ్యాంకు ప్రస్తుతం 500 మిలియన్ డాలర్లు రుణానికి అంగీకారం తెలిపింది. ఈ రుణం మంజూరైతే.. మరికొద్ది రోజుల తర్వాత మరో  500 మిలియన్ డాలర్లు కోసం దరఖాస్తు చేయనున్నారు.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle