newssting
BITING NEWS :
*హైదరాబాద్‌: ఓయూ ప్రొఫెసర్ కాశింను హైకోర్టు చీఫ్ జస్టిస్ నివాసంలో హాజరుపర్చిన గజ్వేల్ పోలీసులు*షిర్డీలో కొనసాగుతోన్న బంద్.. షిర్డీతో పాటు చుట్టుపక్కల గ్రామాల్లోనూ బంద్.. షిర్డీలో తెరుచుకోని షాపులు, బంద్ కొనసాగించాలని షిర్డీ గ్రామ సభ నిర్ణయం*తిరుమల: రేపటి నుంచి శ్రీవారి భక్తులకు ఉచితంగా లడ్డూ... సబ్సిడీపై ఇస్తున్న లడ్డూలను నిలిపివేయనున్న టీటీడీ.. అదనపు లడ్డూ కోసం రూ.50*నేడు షిరిడీ బంద్... బాబా ఆలయం తెరిచి ఉంటుంది, దర్శనాలకు ఎలాంటి ఇబ్బందిలేదు, భక్తులు ప్రయాణాన్ని రద్దు చేసుకోవాల్సిన అవసరం లేదు, భక్తులకు ఇబ్బంది లేకుండా షిరిడీ బంద్-సాయి ట్రస్ట్*హైదరాబాద్‌: జూబ్లీహిల్స్‌లో డ్రంక్ అండ్ డ్రైవ్ తనిఖీలు... 32 కేసులు నమోదు, 16 కార్లు, 16 బైక్‌లు సీజ్... నలుగురు యువతులను అదుపులోకి తీసుకున్న పోలీసులు*విశాఖను ఎగ్జిక్యూటివ్ కేపిటల్‌గా ప్రకటించాలని నేడు మంత్రి అవంతి శ్రీనివాస్ ఆధ్వర్యంలో తగరపు వలసలో భారీ ర్యాలీ*నేడు భారత్-ఆస్ట్రేలియా మధ్య మూడో వన్డే.. బెంగళూరు వేదికగా మధ్యాహ్నం 1.30 గంటలకు మ్యాచ్ ప్రారంభం

‘‘ఆంధ్రప్రదేశ్‌లో ఉన్నామా... ఆఫ్ఘనిస్థాన్లో ఉన్నామా?’’

11-01-202011-01-2020 17:56:45 IST
Updated On 13-01-2020 13:01:49 ISTUpdated On 13-01-20202020-01-11T12:26:45.009Z11-01-2020 2020-01-11T12:25:09.596Z - 2020-01-13T07:31:49.566Z - 13-01-2020

‘‘ఆంధ్రప్రదేశ్‌లో ఉన్నామా... ఆఫ్ఘనిస్థాన్లో ఉన్నామా?’’
facebooktwitterGooglewhatsappwhatsappGoogle
అమరావతి ఆందోళనలు 25వ రోజుకు చేరుకున్నాయి. తుళ్ళూరులో టెంట్లు వెయ్యకుండా పోలీసులు అడ్డుకున్నారు. ఆందోళనల నేపథ్యంలో తుళ్ళూరులో భారీగా పోలీసులు మోహరించారు. అలాగే.. మందడం, వెలగపూడితో పాటు రాజధాని గ్రామాల్లో భారీగా పోలీస్ బందోబస్తును ఏర్పాటు చేశారు. వైసీపీ సర్కార్ తీరుపై ఏపీ బీజేపీ మండిపడింది. 

రాజధాని కోసం శాంతియుత ఉద్యమాలు చేస్తున్న మహిళల పై పోలీసులు దాడి‌ చేసి,  అరెస్టు చేయడం అన్యాయం. ఒంగోలులో మహిళల పై మగ పోలీసులు దాడి‌చేయడం కలచి వేసింది. మనం ఆంధ్రప్రదేశ్ లో ఉన్నామా... ఆఫ్ఘనిస్థాన్ లో ఉన్నామా? అని ట్వీట్ చేశారు రాజ్యసభ ఎంపీ, మాజీ కేంద్రమంత్రి సుజనాచౌదరి. 

ఈ ప్రభుత్వం ఆరు నెలల్లో ఆడపడుచుల‌ విశ్వాసం కోల్పోయిందని, అవసరం లేకున్నా 144 సెక్షన్ పెడుతున్నారని,  ఏ నిబంధనలు ప్రకారం అర్ధరాత్రి పోలీసులు ఇళ్లకు వెళుతున్నారని సుజనా చౌదరి ప్రశ్నించారు.

బెజవాడ రోడ్లలో మహిళలు రోడ్లపై  కనిపిస్తే చాలు అరెస్టులు చేస్తున్నారని, అమ్మవారికి మొక్కులు చెల్లించుకోకుండా అడ్డుకుంటున్నారని విమర్శించారు. దేవాలయాల్లో పూజలు కూడా చేసుకోనివ్వకుండా పోలీసు రాజ్యం నడుపుతున్నారని ఆయన దుయ్యబట్టారు. 

కులాల మధ్య చిచ్చు పెట్టి పైశాచిక ఆనందాన్ని పొందుతున్నారని, అరెస్ట్ అయిన వారి కులాలు అడగటమేంటన్నారు. ప్రభుత్వం దిగి రావాలంటే.. 13 జిల్లాల నుంచి ప్రజలు రోడ్ల పైకి వచ్చి ఉద్యమించాలన్నారు.

కేంద్రం దృష్టి కి తీసుకెళ్లి.. అమరావతి ఇక్కడే ఉండేలా కృషి‌ చేస్తానన్నారు.  కుల, మత, ప్రాంతాలకు‌ అతీతంగా పోరాటం చెయ్యాలన్నారు. రాజధాని ర్యాలీలకు అనుమతి లేదని అరెస్టులు చేస్తున్నారని. అయితే,  వైసిపి ర్యాలీలకు మాత్రం అనుమతులిస్తున్నారన్నారు. డిజిపి రాజ్యాంగ బద్దంగా వ్యవహరించాలని, అధికార పార్టీ ఒత్తిళ్ళకు లొంగి పని చేస్తే ఇబ్బందులు ఎదుర్కోక తప్పదన్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle