newssting
BITING NEWS :
*విజయవాడలో ప్రజావేదిక కూల్చివేత *అక్రమ నిర్మాణాలపై ఉక్కుపాదం మోపుతాం: సీఎం జగన్ *పార్టీ మారడం ఖాయం.. కోమటిరెడ్డి రాజగోపాల్ రెడ్డి *పార్టీ అంటే కుల సంఘం కాదని, అందరినీ సమన్వయం చేసుకుంటూ ముందుకు వెళ్లాలి: పవన్ కళ్యాణ్ *హోదా బాధ్యత జగన్‌దే: ఎంపీ గల్లా జయదేవ్‌*‘నెహ్రూ-గాంధీ’ కుటుంబంపై ప్రధానమంత్రి నరేంద్రమోదీ తీవ్ర విమర్శలు *ప్రపంచకప్‌ సెమీస్‌లోకి దూసుకెళ్లిన ఆస్ట్రేలియా

అసెంబ్లీపై ఆశ‌లు వ‌దులుకున్న‌ట్లే..!

25-03-201925-03-2019 08:29:28 IST
2019-03-25T02:59:28.695Z25-03-2019 2019-03-25T02:59:04.511Z - - 26-06-2019

అసెంబ్లీపై ఆశ‌లు వ‌దులుకున్న‌ట్లే..!
facebooktwitterGooglewhatsappwhatsappGoogle
ఆంధ్ర‌ప్ర‌దేశ్‌లో నామ‌మాత్రంగా ఉన్న భార‌తీయ జ‌న‌తా పార్టీకి 2014 ఎన్నిక‌లు బాగా క‌లిసివ‌చ్చాయి. న‌రేంద్ర మోడీ ఛ‌రిష్మా, తెలుగుదేశం పార్టీ, జ‌న‌సేనతో పొత్తు ఆ పార్టీకి బాగా ఉప‌యోగ‌ప‌డింది. ఆ ఎన్నిక‌ల్లో ఏపీలో రెండు పార్ల‌మెంటు స్థానాల‌తో పాటు నాలుగు అసెంబ్లీ స్థానాల‌ను ద‌క్కించుకుంది. విభ‌జ‌న దెబ్బ‌కు ప‌లువురు కాంగ్రెస్ సీనియ‌ర్లు కూడా బీజేపీలో చేర‌డంతో ఏపీలో ప్ర‌త్యామ్నాయంగా బీజేపీ ఎదిగే అవ‌కాశాలు ఉన్నాయ‌ని అంతా ఊహించుకున్నారు.

నాలుగేళ్ల పాటు రాష్ట్రంలో బీజేపీ ప‌రిస్థితి బాగానే గడిచింది. బీజేపీతో తెలుగుదేశం పార్టీ తెగ‌దెంపులు చేసుకున్నాక సీన్ రివ‌ర్స్ అయ్యింది. బీజేపీ విభ‌జ‌న హామీలు అమ‌లు చేయ‌లేద‌ని, రాష్ట్రానికి న‌మ్మ‌క ద్రోహం చేసింద‌ని, రాష్ట్రానికి వ్య‌తిరేకంగా కుట్ర చేసింద‌ని తెలుగుదేశం పార్టీ ప్ర‌జ‌ల్లోకి బాగా తీసుకెళ్లింది. ఏడాది కాలంగా బీజేపీని ప్ర‌జ‌ల్లో విల‌న్ గా చూపించ‌గ‌లిగింది. దీంతో బీజేపీ ప‌రిస్థితి పూర్తిగా త‌ల‌కిందులైంది. రాష్ట్రానికి ప్ర‌త్యేక హోదా వంటి ముఖ్య‌మైన హామీని అమ‌లు చేయ‌క‌పోవ‌డం, నెర‌వేర్చిన హామీల‌నూ ప్ర‌జ‌ల్లోకి తీసుకెళ్ల‌లేక‌పోవ‌డంతో ఆ పార్టీ ప‌రిస్థితి దారుణంగా త‌యారైంది.

ఈ ఎన్నిక‌ల్లో ఒంట‌రి పోరుకు దిగుతున్న‌ ఆ పార్టీ అతి క‌ష్ట‌మ్మీద అన్ని స్థానాల‌కూ అభ్య‌ర్థులను నిల‌బెట్టింది. అయితే, బీజేపీ అభ్యర్థుల ఎంపిక‌ను ఓసారి ప‌రిశీలిస్తే ఆంధ్ర‌ప్ర‌దేశ్ అసెంబ్లీపై ఆ పార్టీ పూర్తిగా ఆశ‌లు వ‌దులుకున్న‌ట్లే క‌నిపిస్తోంది. అసెంబ్లీలో సీట్లు గెల‌వ‌క‌పోయినా ఒక‌టో రెండో పార్ల‌మెంటు స్థానాలైనా గెల‌వాల‌ని భావిస్తోంది. ముఖ్యంగా గ‌త ఎన్నిక‌ల్లో గెలిచిన సిట్టింగ్ స్థానాల‌ను ద‌క్కించుకోవాల‌నుకుంటోంది.

పార్టీలో మిగిలి ఉన్న కాస్త గుర్తింపు క‌లిగిన నేత‌ల‌ను పార్ల‌మెంటు బ‌రిలో నిలిపింది ఆ పార్టీ. గ‌త ఎన్నిక‌ల్లో విశాఖ‌ప‌ట్నం పార్ల‌మెంటు స్థానం నుంచి వైసీపీ అభ్య‌ర్థి వైఎస్ విజ‌య‌మ్మ‌పై బీజేపీ అభ్య‌ర్థి హ‌రిబాబు సంచ‌ల‌న విజ‌యం సాధించారు. న‌ర్సాపురం పార్ల‌మెంటులోనూ 85 వేల ఓట్ల మెజారిటీతో బీజేపీ అభ్య‌ర్థి గోక‌రాజు గంగ‌రాజు గెలుపొందారు. దీంతో ఈ రెండు సిట్టింగ్ స్థానాల‌ను కాపాడుకోవాల‌ని బీజేపీ భావిస్తోంది.

విశాఖ‌ప‌ట్నం నుంచి మాజీ కేంద్ర మంత్రి ద‌గ్గుబాటి పురందేశ్వ‌రిని బ‌రిలో నిలిపింది. ఇక‌, న‌ర్సాపురం నుంచి తాడేప‌ల్లిగూడెం సిట్టింగ్ ఎమ్మెల్యే పైడికొండ‌ల మాణిక్యాలరావును, న‌ర‌స‌రావుపేట నుంచి  ఆ పార్టీ రాష్ట్ర అధ్య‌క్షుడు క‌న్నా ల‌క్ష్మీనారాయ‌ణ‌ను పోటీ చేయిస్తోంది. ఇలా గుర్తింపు క‌లిగిన నేత‌లను పార్ల‌మెంటుకు పోటీ చేయించి అసెంబ్లీపై పెద్ద‌గా ఆశ‌లు పెట్టుకోలేదు. క‌న్నా ల‌క్ష్మీనారాయ‌ణ‌, మాణిక్యాల‌రావు అసెంబ్లీకి పోటీ చేస్తే గ‌ట్టి పోటీ చేసే అవ‌కాశం ఉన్నా అలా చేయ‌లేదు. వీరు ముగ్గురు ఎంపీ స్థానాల‌కు కొంత పోటీ ఇచ్చే అవ‌కాశం ఉంది. మొత్తానికి, బీజేపీ 2019లో ఏపీ అసెంబ్లీలో అడుగుపెట్ట‌డం క‌ష్టంగానే ఉంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle